03/09/2026
🎨 Hapja e ekspozitës së artistes nga Tuzi, Arlinda Dushaj Arlinda Dushaj, me titull “Malet e nalta më shtrënguan fort, m’dhanë frymë me dhanë besë”, organizuar nën kujdesin e Ambasadës së 🇲🇪Malit të Zi në Republikën e 🇽🇰Kosovës.
Ekspozita u organizua në kuadër të shënimit të 20-vjetorit të ripërtëritjes së pavarësisë së Malit të Zi, duke i dhënë ngjarjes një dimension të veçantë kulturor dhe simbolik.
Një kontribut të veçantë në konceptimin dhe prezantimin e ekspozitës dha edhe kuratorja e ekspozitës, njëherësh historiane e artit nga Mali i Zi, Nela Gligorević.
Një mbrëmje e veçantë, ku arti solli frymën e Malësisë, identitetin, kujtesën dhe emocionin përmes krijimtarisë së artistes.
Në hapje patëm nderin të mirëpresim Shkëlqesinë e Tij, z. Bernard Çobaj, Ambasador i Malit të Zi në Republikën e Kosovës, si dhe znj. Shkurte Aliu Gashi, Shefe e Kabinetit në Ministrinë e Kulturës të Republikës së Kosovës, së bashku me artistë, përfaqësues institucionalë dhe artdashës.
Një falënderim i veçantë për Radio Televizionin e Kosovës – RTK, për mbështetjen e vazhdueshme mediale dhe kontributin në promovimin e artit dhe kulturës.
Faleminderit të gjithë atyre që u bënë pjesë e kësaj mbrëmjeje të veçantë.
FLORI Gallery – aty ku arti, kultura dhe njerëzit bashkohen.
