Normal

Name: Normal
Address: Paseo de Ronda, A Coruña, 15011, ES
Telephone: +34981167000
Price range: Not applicable
Rating: 4.8

Espazo de intervención cultural da Universidade da Coruña NORMAL é o espazo de intervención cultural da Universidade da Coruña. NORMAL non é normal. De aí NORMAL.

A norma define unha resposta que non precisa interrogación. NORMAL quer ser, porén, permanente interrogación. Isto é o normal para nós. No momento da súa construción, 1955, o edificio deseñado por Antonio Tenreiro foi a Escola Normal de Maxisterio. Así foi coñecida sempre na Coruña. Cando rescatamos o nome recoñecemos unha historia ligada á educación e, máis concretamente, ao que foi a Cidade esco

lar, o xermolo, cos edificios de Náutica e de Comercio, do que anos despois sería esta Universidade. NORMAL, por outro lado, arrastra significados que, desde o punto de vista do proxecto cultural que presentamos, soamente cabe interpretar en clave irónica: norma, regra, sistema, forma previsible ou incluso simetría, isto é, aquilo mesmo que aquí se cuestiona.

25/06/2025

🔺 MOSTRA MUSICAL EN NORMAL
➝ Xoves 26 de xuño, 19:00
➝ Sala Cubo de Normal

O xoves 26 de xuño de 2025 os alumnos do obradoiro de Creación e Produción Musical da Área de Cultura do Campus da Coruña presentarán unha mostra dos seus proxectos e composicións na sala CUBO na NORMAL (A Coruña) ás 19:00 horas.

Os alumnos que van presentar os seus proxectos e as súas composicións son:

✴ Andrea García, “Hemos venido a brillar”
✴ Nerea Vaamonde: “4PRIL”
✴ Cristian Franganillo ” Cabecera serie de televisión”
✴ Gabriel Marquevichi “Rock Theme”
✴ Clara Múñoz, “Organic Electronic Theme”

O profesor encargado da actividade é Alfredo Manuel García Sánchez.
A entrada é de balde ata completar aforo.

26/05/2025

🔺 UNHA IMAXE: UNHA FORESTA

➝ Presentación e proxección
➝ 29/05/2025, 18:00 horas
➝ Con traballos audiovisuais de: Pille-Riin Jaik, Simona Obholzer, Christiana Perschon, Lisa Truttmann
➝ Comisariada por: Enar de Dios Rodríguez

Con motivo da exposición “Sobre todo”, Enar de Dios Rodríguez presentará a forma de traballo radicalmente colectiva de The Golden Pixel Cooperative (), unha asociación artística con sede en Viena centrada na imaxe en movemento, da que forma parte desde 2020 e que dirixiu durante os últimos catro anos. Esta presentación irá acompañada dunha selección de traballos audiovisuais realizados por membros da cooperativa.

➝ Créditos das imaxes

(1) The Golden Pixel Cooperative. Foto: Lisa Truttmann © Bildrecht, Wien 2022
(2) “Half of the Sky” (fotograma) © The Golden Pixel Cooperative

15/05/2025

🔺 O próximo día 22, ás 20:30, Faia presentará na sala Cubo de Normal o seu novo disco, Alvela. A portada foi deseñada por Blanca Gracia, gañadora da IV Edición do Programa de Residencias Artísticas Centro de Arte Fundación María José Jove (FMJJ), en colaboración ca Universidade da Coruña e NORMAL.

Non volo perdades 🥰

.gracia

13/05/2025

🔺 Concerto de Faia Díaz presentando o seu novo disco, Alvela, co gallo da celebración do Día das Letras Galegas 2025

➝ 22 de maio, xoves — 20:30h
➝ Normal

A Real Academia Galega acordou dedicar o Día das Letras Galegas 2025 á poesía popular oral. Con este motivo, o 22 de maio, a cantante Faia Díaz () actuará na Sala Cubo de NORMAL, onde presentará o seu novo disco, Alvela, xunto coa arpista bretoa Bleuenn Le Friec, interpretando un repertorio de cancións baseadas da música de transmisión oral. Arrolos, romances e outras cantigas coas que quere dar luz ao universo silenciado da maternidade. Tomando como inspiración as palabras de Lorca na súa conferencia sobre as nanas ibéricas, a denuncia latente en cada letra e cantiga, que atravesou séculos de represión e vive na memoria do corpo, toman forma musical neste espectáculo.

Fotografías
Ilustración .gracia

07/05/2025

🔺SOBRE TODO, de peza en peza

As below, so above / Así no ceo coma na terra, 2025
Caixas de luz, impresións Duratrans, madeira, espellos
9 pezas, 244 x 40 x 40 cm cada unha

Sobre todo falan as columnas que xa non suxeitan, as que flotan. Nove columnas flotantes din que alguén ilustrou escritos, ou eran máis ben promesas? O certo é que veñen de patentes. Tamén é verdade que son bosquexos de máquinas. Alguén deseñounas para extraer minerais do máis aló. Máis que mostrar aquilo que se espera construír, as liñas do debuxo reflicten a traxedia do espolio que vén.

📅 Do 10/04/2025 a 10/07/2025

📍 NORMAL, Campus de Riazor

06/05/2025

🔺SOBRE TODO, de peza en peza

Zenit (a history of laws for the new horizon) / Zenit (unha historia de leis para o novo horizonte)
Expositor LED, impresións dixitais
4 pezas, 37,6 x 50 x 1,4 cm cada unha

Sobre todo, na rúa desta sala, hai un expositor sen vitrina. É coma un deses expositores que venden ou arrendan lugares. O lugar, aquí, é unha historia, unha liña temporal marcada por momentos, leis; unha cronoloxía do dereito ao espolio.

📅 Do 10/04/2025 a 10/07/2025

📍 NORMAL, Campus de Riazor

05/05/2025

🔺 Primeiro concerto da Aula de Música da UDC
➝ 6 de maio, martes — 20:00 h
➝ Normal

A Aula de Música da Universidade da Coruña presenta o seu primeiro concerto, baixo a dirección de Daniel G. Artés.

O programa contará cunha primeira parte instrumental e unha segunda parte coral.

➝ Instrumental:
Arioso BWV 1056 - J. S. Bach
Andante con moto del trío nº2 en mi bemol op. 100 D. 929 - F. Schubert
Libertango - A. Piazzolla
Spiegel im spiegel - Arvo Pärt

➝ Coral:
Himno Galego - Pascual Veiga
Gaudeamus Igitur - Himno Universitario
Ruada de Chamosa - Tradicional (arr. J. Domínguez)
Dancing in the moonlight - Toploader (arr. Daniel G. Artés)
Man in the mirror - Michael Jackson (arr. Daniel G. Artés)

Dirección e piano: Daniel G. Artés
Violín: Xoán Carro Sánchez
Cello: Saul Nogareda Candal

Agardámoste!

28/04/2025

🔺 Powered by Emotion: Mårten Spångberg
➝ 30 de abril, mércores — 20:00 h ➝ Sala Almacén, Normal

Pode a danza ser un espazo para o dó? Dende hai 22 anos Mårten Spångberg ()interpreta “Powered by Emotion”, un solo coas “Variacións Goldberg” de Bach. A coreografía permanece intacta, mentres o corpo muda carregando memoria e tempo. Inspirada en Steve Paxton, a peza abraza a quietude e a sutileza, ofrecendo un refuxio onde movemento, perda e reflexión entretécense suavemente.

25/04/2025

🔺SOBRE TODO, de peza en peza

Sous le toit, les flammes / Baixo o teito, as chamas
Impresións dixitais sobre acetato, chaveiros
300 pezas, 7 x 2 cm cada unha
(esta peza pódese roubar!)

Sobre todo, ou mellor dito, sobre a praia, están as lastras. Así o escribía alguén sobre unha parede de París un maio de 1968 (sous les pavés, la plage). Ou dalgunha maneira denunciábao alguén nun discurso en Davos un xaneiro de 2019 propoñendo que actuemos coma se a casa estivese en chamas, porque o está (I want you to act as if the house was on fire, because it is). Todo iso parecen proverbios, palabras, lemas roubados. Iso ou chaves mestras. O chaveiro, ese de aí, está aí para que o roubes. Para que o gardes no peto, para que apareza cada vez que abras unha porta, para que cando peches a porta quedes pensando que efectivamente: baixo o teito, as chamas (sous le toit, les flammes).

📅 Do 10/04/2025 a 10/07/2025

📍 NORMAL, Campus de Riazor

24/04/2025

🔺SOBRE TODO

✴ Sobre todo un ensaio audiovisual de 25 minutos que fala da atmosfera, o pulmón, o vento, os insectos, os ventiladores, as aspas, a fábrica, o fume, as siluetas, os paxaros, as plumas, o ovo ou a galiña, o refuxio, a nube, os avións, as bombas, a néboa, a bruma, a neve, a explosión, os carretes, a retina, as imaxes, o ceo e a meiga, as ondas, os satélites, as constelacións, as revolucións, as bandadas, as estrelas e o punto. É dicir, fala do teito.

📅 Do 10/04/2025 a 10/07/2025

📍 NORMAL, Campus de Riazor

Dirección

Paseo De Ronda
A Coruña
15011

Teléfono

+34981167000

Página web

http://normal.udc.es/

Notificaciones

Sé el primero en enterarse y déjanos enviarle un correo electrónico cuando Normal publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

A nosa historia

NORMAL é o espazo de intervención cultural da Universidade da Coruña. A norma define unha resposta que non precisa interrogación. NORMAL quere ser, porén, permanente interrogación. NORMAL non é normal. Isto é o normal para nós. No momento da súa construción, 1955, o edificio deseñado por Antonio Tenreiro foi a Escola Normal de Maxisterio. De aí NORMAL. Así foi coñecida sempre na Coruña. Cando rescatamos o nome recoñecemos unha historia ligada á educación e, máis concretamente, ao que foi a Cidade escolar, o xermolo, cos edificios de Náutica e de Comercio, do que anos despois sería esta Universidade. NORMAL, por outro lado, arrastra significados que, desde o punto de vista do proxecto cultural que presentamos, soamente cabe interpretar en clave irónica: norma, regra, sistema, forma previsible ou incluso simetría, isto é, aquilo mesmo que aquí se cuestiona.