13/05/2026
Email's soos hierdie maak al die harde werk die moeite werd. Hierdie briefie kom van Aat en Tane, Bruidsgids & Wedding Guide se Bruidspaar van die jaar. Die troue is gehou op die baie mooie Bakenhof Winelands Venue.
Liewe Jacobus en Rix Catering Span,
Ons wil graag uit die diepte van ons harte baie dankie sê vir die ongelooflike kos en diens wat julle vir ons troue gelewer het! Alles was absoluut heerlik en eerlikwaar van die beste kos wat ons nog by ‘n troue geëet het en ons gaste kan daarvan getuig!
Nie net het alles heerlik geproe nie, maar die ongelooflike detail en sorg waarmee elke item voorgesit was, was besonders! Elke bord het so verfynd, elegant en perfek afgerond gelyk. Mens kon werklik sien hoeveel trots, passie en aandag aan detail in alles ingegaan het.
Baie dankie ook vir al die ekstra moeite wat julle gedoen het om alles perfek te laat verloop. Dit het nie ongesiens verbygegaan nie. Julle professionaliteit, warmte en bereidwilligheid om die ekstra myl te stap het ‘n groot verskil gemaak aan ons ervaring en aan die atmosfeer van die dag.
Julle het nie net kos bedien nie, maar ook deel gevorm van die ervaring, die viering en die herinneringe van ons troue. Alles het stylvol, tydloos en spesiaal gevoel, en dit het perfek ingepas by die atmosfeer waarvan ons nog altyd gedroom het.
Dit was vir ons ‘n absolute voorreg om julle deel van ons troudag te hê. Dankie dat julle gehelp het om 6 Mei 2026 een van die mooiste en mees onvergeetlike dae van ons lewens te maak.
Met liefde en waardering,
A&T
