22/05/2025
"TUSSEN WOORDE"
Kyk hier👇👇👇
https://youtu.be/mU8CXlSb4WY?si=oU9VG8jxOwlfd69X
Die storie agter die musiekvideo:
Vir 'n Veldblomskou Clanwilliam Wildflower Show wat in 2024 amper sy einde beteken het, was 2024 vir my 'n groot jaar!
Ek het die eer gekry om VIR DIE EERSTE KEER die skou se vloerplan te teken asook die ontwerp en uitleg te doen. En daarmee saam word ons skou geopen deur Leon Kluge , die man wat die goue medaljes inruig vir Suid-Afrika by die RHS Chelsea Flower Show, Royal Hospital Grounds, Chelsea !
Toe die uitstalling klaar gebou is het ek gedink: WAT 'N ONGELOOFLIKE SKOU! Met alles wat gerealiseer het wat ek graag daar wou hê. Seker die grootste waterval nóg, die wolfbergboog in die agtergrond en 'n "wandelpad" deur die skou.
'n Bouspan wat ORAL gebou het. Almal bou op 10 verskillende plekke. Waar die een vanaand stop, gaan die ander net môre aan. En niemand kla en stry as iets geskuif/verander/omgeruil word nie. Ons werk lekker saam, almal lag, gesels. Hierdie "moeilike jaar" is net ANDERS.
Dan kom dit by my op: Vandat ons begin skou reel het tot met hierdie eindproduk - wat het net nie als "tussen woorde" gebeur om hierdie masterpiece te aanskou nie? Want ons skou se einde was amper in sig...
Toe dring dit tot my deur: Tussen Woorde gaan ek in hierdie einste 2024 Veldblomskou opneem.
EN HIER IS DIT! OP DIE SUKSES VAN CLANWILLIAM BLOMSKOU 2024!🥂🍾
Ek is dankbaar vir my mede-blomskoubouers wat deel uitmaak as "akteurs" van die video. Die stappers/bergklimmers Esther Strauss Suria De Jager Basson ,ons Botanis tannie Daleen Schoombee en ons "beach babe" en huidige voorsitter Tanja Coetzee .
