12/06/2026
“Gʻalaba bog‘i” yoshlar e’tirofida
Yoz fasli kelishi bilan yurtimiz uzra quyosh o‘z zarrin nurlarini sochib, issiq kunlar boshlanadi. Yoz faslining ilk kunlaridanoq umumta’lim maktabi o‘quvchilari ta’tilga chiqib, yurtimizning salqin go‘shalari va diqqatga sazovor maskanlariga sayohat qilishadi. Jumladan, “Gʻalaba bog‘i” yodgorlik majmuasi ham yoshlarimizning eng sevimli masaniga aylanib ulgurgan.
– “Gʻalaba bog‘i” yodgorlik majmuasiga kelib vatan qadri, tinchlikning –qiymatini chuqurroq angladim – deya to‘lqinlanib so‘z boshladi poytaxtimizdagi 175-umumta’lim maktabi o‘quvchisi Lochinbek Shavkatov.
– Ayniqsa, “Shon-sharaf” davlat muzeyidagi ajdodlarimizga taalluqli bo‘lgan eksponatlar beixtiyor insonni o‘sha davr muhitini his qilishga, ular naqadar og‘ir va ayanchli davrni boshidan o‘tkazganligini aniq dalilar asosida bayon etilgani, biroz yuragimni larzaga soldiki, men o‘zimga kerakli xulosalarni oldim. Vatan naqadar muqaddas ekani, tinchlik va bugungi farovon xayotimizni qadriga yetish kabi his tuyg‘ularim yanada kuchliroq o‘z aksini todi.
Darhaqiqat, ushbu majmua nafaqat Ikkinchi jahon urushi davridagi ota-bobolarimizning boshiga tushgan ayanchli taqdiridan so‘zlamoqda, balki, yurtdoshlarimiz qalbida vatanparvarlik va shukronalik tuyg‘ularini yanada mustahkam tus olishida muhim ahamitga ega bo‘lmoqda.
