萬事起頭南Bān-sū Khí-thâu Lâm－台南台語家庭計劃

  • Home
  • Taiwan
  • Tainan
  • 萬事起頭南Bān-sū Khí-thâu Lâm－台南台語家庭計劃

萬事起頭南Bān-sū Khí-thâu Lâm－台南台語家庭計劃 ：：台南市推動台語家庭計畫：：

『萬事講台語、台語講萬事』

活動報名｜https://linktr.ee/Bansu.Khithau.Lam

#台語家庭活動鬥分享​╭┄┄┄┄┄┄┄┄╮ ​ ​ ​ ​ ​ ╭┄┄┄┄┄┄┄┄╮ ​ ​ ​ 阿公豹𤆬我去讀冊 ​ ​ ​ ╳ ​ ​ ​ ​ ​ ​ 阿媽哪會變按呢？╰┄┄┄┄┄┄┄┄╯ ​ ​ ​ ​ ​ ╰┄┄┄┄┄┄┄┄╯​ ...
24/12/2025

#台語家庭活動鬥分享
​
╭┄┄┄┄┄┄┄┄╮ ​ ​ ​ ​ ​ ╭┄┄┄┄┄┄┄┄╮
​ ​ ​ 阿公豹𤆬我去讀冊 ​ ​ ​ ╳ ​ ​ ​ ​ ​ ​ 阿媽哪會變按呢？
╰┄┄┄┄┄┄┄┄╯ ​ ​ ​ ​ ​ ╰┄┄┄┄┄┄┄┄╯
​
𓂃 鐵牛仔車巡迴分享會｜台南・南渡策室 𓂃
​
▌時間：12/28 （禮拜）14:00-15:30
▌所在：南渡策室 （崇信街53號）
▌主講：黃怡華（本冊作者）
▌報名：留話網鍊 🔗
​
⧫ 適合年歲：7+，親子共讀（歡迎規家伙仔做伙來）⧫
​
⧫ 自由入場，坐位無濟，跤手愛緊
​
⧫ #文化部台語家庭 抾點👌👌
​
……… ⊂ 🍌 ⊃ ………
​
兩本用台語寫的數念、勇敢佮疼惜，
看著會愛笑，心肝燒烙燒烙，
邀請朋友恁來參加、鼻芳。
​
佇你 ê 目睭內，你ê阿公生做啥物款？
我 ê 阿公啥物代誌攏知影，閣𠢕種作，
是按怎伊佇孫仔 ê 眼中哪會變成一隻豹 🐆
​
你 kah 阿媽鬥陣 ê 時陣攏咧創啥物？
啥物代誌是你永遠袂放袂記得 ê？
​
有一改我 ê 阿媽為著愛媠去做ê這層代誌，
釘佇我 ê 頭殼內，印象真深 🦉
我 ê 阿媽逐項代誌攏家己恬恬仔抾起來做，真罕得為家己主張過啥物，
真感謝伊扞家照顧厝內，晟養序細，骨力閣儼硬！
​
《阿公豹𤆬我去讀冊》佮《阿媽哪會變按呢？》
是一套思念ê故事，
內底有疼惜、有毋甘，
猶有記持中遐ê酸甘甜。
​
……… ⊂ 🍌 ⊃ ………
​
主辦單位｜現流出版、南渡策室
本冊得著 文化部「 #語言友善環境及創作應用與推廣補助」出版
​
有任何問題，請 kap 南渡策室聯絡
Facebook｜https://www.facebook.com/53nothing
Instagram｜https://www.instagram.com/lamtoo_project
E-mail｜[email protected]

.第二場說明會（電音party）佇麻豆藝文中心！為啥物特別揀這个所在—leh？無錯，人講「國寶歌王」文夏 ê 家鄉，就是麻豆，藝文中心內底閣有一个「文夏故事館」，會當透過展覽了解文夏 ê 傳奇故事， mā 了解台灣音樂 ê 歷史。說明會 a...
03/12/2025

.
第二場說明會（電音party）佇麻豆藝文中心！為啥物特別揀這个所在—leh？無錯，人講「國寶歌王」文夏 ê 家鄉，就是麻豆，藝文中心內底閣有一个「文夏故事館」，會當透過展覽了解文夏 ê 傳奇故事， mā 了解台灣音樂 ê 歷史。

說明會 aka 電音party 邀請著民生電氣 DJ LITRO 和阿雞來表演！當然是全台語歌單、全台語主持，就是欲予逐家一个完整 ê 台語環境。DJ LITRO 除了經典台語老歌，現場閣展伊 ê DJ 技術， kā 完全無仝風格 ê 歌 lām 做伙，頭一擺知影〈台灣出毒蛇〉、翁立友〈Only You〉 會使 hông 耍甲遮爾趣味！當然，阿雞自然活潑 ê 主持 mā 是台灣第一等，現場 mā 有在地哥哥姊姊做伙來唱歌跳舞，規个總爺藝文中心變做「露天卡拉OK」，佇台語環境聽歌、野餐、跳舞，哪有遮爾幸福 ê 代誌！
閣有南無南漫來做關主，現場挵三關、註冊提做伙食堂做 ê 好食割包，第一關是「台語盤喙錦」，毋驚喙舌拍結，做伙來練喙花；第二關是「做伙摸看覓」，用台語形容你摸著 ê 物件，練習使用台語豐富 ê 形容詞；第三關是「心花若開，運就開」，跳心花開，閣用跤喝拳，m̄-nā 愛激頭殼，規身軀攏愛運動著！

禮拜下晡，阮做伙 kā 總爺變做一个全台語空間！唱歌、野餐、挵關、開講，想欲起造台語生活、萬事講台語，是絕對有可能，只要你願意開喙講台語， kā 台語 WIFI 拍予開！

✶ ◠◡◠◡◠◡◠◡◠◡◠◡ ✶
​
⚡️ 萬事起頭南 Bān-sū Khí-thâu Lâm ⚡️
2025台南市推動台語家庭計畫
指導單位｜文化部
主辦單位｜臺南市政府文化局
執行單位｜南渡策室
活動報名｜主頁網鍊🔗

.阿愷之聲 live podcast 來—loh，阿愷和陳冠彰老師對談，佇阿愷之聲「人類學烏亂濺」節目內底 in 是討論《在世界盡頭遇到松茸》，這擺來冊店現場討論田野事工和語言 ê 關係。冠彰老師做西拉雅和鄒族文化研究，人互相交流、和環境互...
02/12/2025

.
阿愷之聲 live podcast 來—loh，阿愷和陳冠彰老師對談，佇阿愷之聲「人類學烏亂濺」節目內底 in 是討論《在世界盡頭遇到松茸》，這擺來冊店現場討論田野事工和語言 ê 關係。冠彰老師做西拉雅和鄒族文化研究，人互相交流、和環境互動，發展出特殊 ê 世界觀，會當 ùi 語言看著無仝文化觀察、理解世界 ê 方式。有一擺阿立祖附身尪姨提醒冠彰老師「菅仔利利，會刣肉、會切菜」愛注意安全，咱會當 ùi 這句話影著族群和自然環境互動出來 ê 理解和智識。

文化、語言若是活潑閣會隨時代進步、不斷變化，冠彰老師分享「肉片」 ê 故事，強調若是一个語言無法度形容家己 ê 慾望，按呢這个語言可能就危險矣。一个語言若是真正活跳跳，應該 m̄-nā 戀愛時、開講時、私底下日常攏愛講， mā 應該愛有能力形容專業工課，語言愛有才調起造新詞、吸收新 ê 概念、產生新 ê 流行，一直變化、互相透濫。閣討論著，西拉雅語已經 hông 認定是「睏去 ê 語言」，西拉雅語閣有特別重要 ê 意義，17世界荷蘭人來台灣，用羅馬字寫西拉雅語，是台灣頭一个「文字化」 ê 語言。雖然已經無西拉雅母語使用者矣，透過留落來 ê 文件、序大流傳，復振工作者面對這个「睏去 ê 語言」，會當繼續拍拚一个詞一个詞揀轉來，行這條足無簡單 ê 路。

語言就是一个文化、一个族群 ê 世界觀。
田野工作了解別人、了解別人 ê 文化，顛倒是 teh 了解家己，清楚看見家己 ê 文化，認捌、理解家己 ê 根。

✶ ◠◡◠◡◠◡◠◡◠◡◠◡ ✶
​
⚡️ 萬事起頭南 Bān-sū Khí-thâu Lâm ⚡️
2025台南市推動台語家庭計畫
指導單位｜文化部
主辦單位｜臺南市政府文化局
執行單位｜南渡策室
活動報名｜主頁網鍊🔗

.佇奉茶．十八卯，一个足媠、足幽雅 ê 空間，逐家做伙來聽台語歌、聽台灣聲。邀請著兩位專家，一位是台灣音樂史研究者，國立臺灣歷史博物館研究員黃裕元老師、一位是曲盤聽講文化工作室創辦人曲盤收藏家—黃氏好老師，m̄-nā 聽著足濟罕得聽著 ê ...
02/12/2025

.
佇奉茶．十八卯，一个足媠、足幽雅 ê 空間，逐家做伙來聽台語歌、聽台灣聲。

邀請著兩位專家，一位是台灣音樂史研究者，國立臺灣歷史博物館研究員黃裕元老師、一位是曲盤聽講文化工作室創辦人曲盤收藏家—黃氏好老師，m̄-nā 聽著足濟罕得聽著 ê 曲盤，現場閣是用日本時代 ê 留聲機，黃氏好老師 kā 好料 ê 攏攢出來，堅持予觀眾朋友聽著曲盤 ê 肉聲，真真正正就是百冬前 ê 台灣人 teh 聽 ê 音樂！
「台灣第一名嘴」汪思明、「台文開基祖」梁松林、「第一辯士」詹天馬、「酒國詞仙」李臨秋、「台灣第一位音樂家」張福興、「台灣頭一个女作曲家」郭玉蘭、「笑詼天王」矮仔財、姚讚福、吳成家、「台灣歌謠之父」鄧雨賢......，攏是台灣歷史上足重要、足傳奇 ê 音樂先！

對無來 ê 朋友是誠失禮，無佇現場實在無法度體會較早台灣 ê 聲音有偌媠，若 kā 聲音錄起來，現場 ê 肉聲就走味矣。佇四序空間啉茶聽歌，這種五感 ê 享受，干焦透過家己親身來體驗，聽著台灣聲音記持。

✶ ◠◡◠◡◠◡◠◡◠◡◠◡ ✶
​
⚡️ 萬事起頭南 Bān-sū Khí-thâu Lâm ⚡️
2025台南市推動台語家庭計畫
指導單位｜文化部
主辦單位｜臺南市政府文化局
執行單位｜南渡策室
活動報名｜主頁網鍊🔗

.畸零地工作室透過藝術創作 kap 各種專業領域 ê 合作，思考社會問題 kap 個人經驗 ê 關係，這擺 in 獨立出版《哎呦喂啊！愛用畫的》，希望引𤆬逐家用台語欣賞藝術，發見台灣 ê 色水。故事 ùi 台灣藝術家創作 ê 生活風景出發，...
30/11/2025

.
畸零地工作室透過藝術創作 kap 各種專業領域 ê 合作，思考社會問題 kap 個人經驗 ê 關係，這擺 in 獨立出版《哎呦喂啊！愛用畫的》，希望引𤆬逐家用台語欣賞藝術，發見台灣 ê 色水。

故事 ùi 台灣藝術家創作 ê 生活風景出發，有廟埕、路邊攤、街仔路等等，mā 結合創作團隊自細漢佇屏東市場、廟口和水果攤 ê 生活記持。畸零地成員和南渡策室仝款，可能細漢時會講、會聽，毋過出去外口讀冊、食頭路了後，基本無環境、無伴會做伙講台語，是後來覺醒語言意識，才 kā 台語沓沓仔學轉來。分享會有夠用心，四个成員對談交流，分別分享家己參與這本冊創作過程 ê 感想， mā 分享「台語」對 in 來講所代表 ê 意義是啥物？

最後半點鐘，畸零地和逐家分享 in 配合這本書做 ê 商品，有蠟筆、簿仔紙和足古錐 ê 𨑨迌物，用五彩水果鬥出各種表情，囡仔耍甲足歡喜，過程中學習台語色水形容詞、水果名。台文出版環境愈來愈活潑，除了大出版社，這馬愈來愈濟獨立出版 ê 冊，無論是民間、個人、倡議團體，攏做伙來關心，同齊拍拚來復振台語文， mā 希望未來愈來愈濟像畸零地這款團體， kā 所愛、所關心 ê 代誌透過趣味 ê 媒介和逐家分享。

✶ ◠◡◠◡◠◡◠◡◠◡◠◡ ✶
​
⚡️ 萬事起頭南 Bān-sū Khí-thâu Lâm ⚡️
2025台南市推動台語家庭計畫
指導單位｜文化部
主辦單位｜臺南市政府文化局
執行單位｜南渡策室
活動報名｜主頁網鍊🔗

.熊熊舉起健身工作室飛熊來—loh！先分享為啥物咱愛運動？運動也是一種投資！愛有正確、健康 ê 概念，像「減肥文化」，為著追求媠，用錯誤 ê 方式減肥，其實對身體無好。飛熊 mā 引𤆬了解家己身軀、肢體，檢查家己敢有「肌少症」，予逐家了解筋...
30/11/2025

.
熊熊舉起健身工作室飛熊來—loh！先分享為啥物咱愛運動？運動也是一種投資！愛有正確、健康 ê 概念，像「減肥文化」，為著追求媠，用錯誤 ê 方式減肥，其實對身體無好。飛熊 mā 引𤆬了解家己身軀、肢體，檢查家己敢有「肌少症」，予逐家了解筋肉 ê 重要性。

紲落來，飛熊教逐家厝裡 mā 會當做 ê 運動，看起來攏足簡單（毋過足忝），lù 塗跤、擲沙包、搝大索，大人和囡仔攏耍甲足歡喜。過程中 mā 開始用台語認捌身體，像華語「肩頰骨」台語號做「飯匙骨」， m̄-nā 愛運動閣愛激頭腦， 用語言表達家己身體是上基礎、上基本 ê 代誌，希望透過活動會當沓沓仔 kā 語詞揀轉來，mā 希望會當起創作愈來愈濟和運動有關 ê 新詞。

最後，所有小朋友做伙 sak 車，培養合作、和人互動交流 ê 能力。運動幫贊每一个人起造 kap 世界交流 ê 橋，m̄-nā 予家己身體健康，閣刺激囡仔競爭力、培養囡仔社會化，成做一个各方面攏健康 ê 、驕傲 ê 台灣人！

✶ ◠◡◠◡◠◡◠◡◠◡◠◡ ✶
​
⚡️ 萬事起頭南 Bān-sū Khí-thâu Lâm ⚡️
2025台南市推動台語家庭計畫
指導單位｜文化部
主辦單位｜臺南市政府文化局
執行單位｜南渡策室
活動報名｜主頁網鍊🔗

.說明會鬧熱滾滾， m̄-nā 說明台語家庭政策，上重要 ê 是愛引𤆬逐家講台語，起造一个浸水式台語環境！現場有唸歌、對談、生態語詞分享，閣有關心台語文 ê 有志來排擔仔，做伙參與。活動起鼓，當然愛請周定邦唸歌先來替逐家開場，歌曲攏是和台灣...
28/11/2025

.
說明會鬧熱滾滾， m̄-nā 說明台語家庭政策，上重要 ê 是愛引𤆬逐家講台語，起造一个浸水式台語環境！現場有唸歌、對談、生態語詞分享，閣有關心台語文 ê 有志來排擔仔，做伙參與。

活動起鼓，當然愛請周定邦唸歌先來替逐家開場，歌曲攏是和台灣事有關，一支喙、一隻月琴，唱出土地 ê 歷史，聽了有夠感動；紲落來是「台語家庭對談」，請定邦和俊廷兩位老師分享起造台語家庭過程中敢有遇著啥物困難？面對這馬社會結構、語言環境、教育政策，欲按怎培養囡仔台語能力和語言意識？精彩對談提供親身經驗予仝款想欲起造台語家庭 ê 朋友參考，做伙面對現實、解決問題， kā 台語學轉來！閣來，是俊廷老師分享伊用台語推 sak 生態教育，結合傳播專業，用趣味 ê 節目做教育，mā 足斟酌用台語認捌生態。哪有說明會遮爾豐沛！

公會堂另外半爿，除了萬事起頭南、南渡策室、台文冊展以外，閣有有志相 thīn 來排擔仔，台南在地推 sak 台語 ê KOL「阿東」、；拄翻譯兩本冊 ê 「海豬E̍k站」；「台灣字會社」推 sak 白話字春聯，起造新民俗運動；閣有在地繪本冊店「泥巴球繪本屋」。逐家 kā 好料攏總 chhoân 出來，做伙交流、互相 o͘-ián！

拜六下晡，阮做伙 kā 公會堂變做一个全台語空間！唱歌、開講、讀冊、寫字，想欲起造台語生活、萬事講台語，是絕對有可能，只要你願意開喙講台語， kā 台語 WIFI 拍予開！

✶ ◠◡◠◡◠◡◠◡◠◡◠◡ ✶
​
⚡️ 萬事起頭南 Bān-sū Khí-thâu Lâm ⚡️
2025台南市推動台語家庭計畫
指導單位｜文化部
主辦單位｜臺南市政府文化局
執行單位｜南渡策室
活動報名｜主頁網鍊🔗

.王羅蜜多 ê 「現流仔文學」，啥物是現流仔文學 leh ？ 王羅蜜多四界浪溜嗹， kā 看著、聽著、翕著、觀察著 ê 物件、現象、體會，隨寫落來，若像上青 ê 現流仔！這擺講座攏是老師 ê 台文現流仔，別人看起來足四常 ê 風景、足普通 ...
27/11/2025

.
王羅蜜多 ê 「現流仔文學」，啥物是現流仔文學 leh ？ 王羅蜜多四界浪溜嗹， kā 看著、聽著、翕著、觀察著 ê 物件、現象、體會，隨寫落來，若像上青 ê 現流仔！這擺講座攏是老師 ê 台文現流仔，別人看起來足四常 ê 風景、足普通 ê 代誌，老師攏會當參悟一寡道理，變做一篇一篇趣味 ê 文章，有詩、有散文、有極短篇。
經過長榮路、影著雞屎藤、啉一杯 latté、行過生態池......，府城滿是老師 ê 跤跡，那行那看、那看那想、那想那寫，寫出「府城小自然」。尤其是鳥仔，老師興觀察鳥仔，長尾四喜、粉鳥、水鵁鴒、苦雞母、白頭鵠仔、暗光鳥、啄樹鳥、黃鶯......，koh 有目睭âng-kì-kì ê 魔鬼鳥，逐種鳥仔攏有無仝個性、無仝叫聲、無仝色彩、徛無仝所在，chí-chí-chí、chha̍h-chha̍h-chha̍h，佇小自然當中吵吵鬧鬧，隨「鳥」顧性命。

最後，老師 mā 和逐家討論台語文學，強調語言愛隨時代進步，新時代新物件，愛創新詞來形容，若是新詞創了 hông 接受，自然就會傳湠，千萬毋通執死訣、排斥創新，愛跤踏塗地、喙講台語，認真過生活、定定講台語，希望台語愈來愈活潑，繼續傳湠千萬年！

.上gâu講故事、𤆬囡仔耍遊戲 ê 小蟲子老師來矣！分享兩本足古錐、足心適 ê 繪本《你一半我一半》、《烏熊先生穿懸踏仔鞋》，配合繪本，有足豐沛、足趣味 ê 遊戲和工作坊！頭一个遊戲，逐家愛發揮創意，兩个人一組，用無仝 ê 方式行路，有人跳...
25/11/2025

.
上gâu講故事、𤆬囡仔耍遊戲 ê 小蟲子老師來矣！分享兩本足古錐、足心適 ê 繪本《你一半我一半》、《烏熊先生穿懸踏仔鞋》，配合繪本，有足豐沛、足趣味 ê 遊戲和工作坊！頭一个遊戲，逐家愛發揮創意，兩个人一組，用無仝 ê 方式行路，有人跳舞、有人相攬、有囡仔牽爸母 ê 手用飛 ê 、有人若像 teh 蹌跤雞，你一半我一半，同齊仝心用家己 ê 方式行家己 ê 路。

第二个遊戲，是聽聲音、臆鞋仔， kā 無仝款 ê 鞋仔藏起來 kha 塗跤，有淺拖仔、有懸踏鞋、有木屐...... kho̍k-kho̍k-kho̍k！逐家敢聽會出來？敢會像烏熊先生穿毋著鞋？
紲落來，是「浮水畫」工作坊，逐家來創作全世界唯一 ê 、屬於家己 ê 懸踏鞋！ kā 五彩色料滴落水，提紙崁水面，5、4、3、2、1！每一个人攏有一雙上媠上特別 ê 懸踏鞋矣！

經過這場活動，逐家攏會當「穿家己 ê 鞋、用家己 ê 跤、行家己 ê 路」，自信踏出每一步、勇敢 hāⁿ 過所有困難。成做一个堅強、獨立 ê 台灣人！

✶ ◠◡◠◡◠◡◠◡◠◡◠◡ ✶
​
⚡️ 萬事起頭南 Bān-sū Khí-thâu Lâm ⚡️
2025台南市推動台語家庭計畫
指導單位｜文化部
主辦單位｜臺南市政府文化局
執行單位｜南渡策室
活動報名｜主頁網鍊🔗

.🎶 電音野餐會 暨台語家庭政策說明會 ♬┬┴┤ 台語Party上鑠奅 ├┬┴​▌時間：2025/11/30（禮拜）14:00～16:00▌地點：總爺藝文中心（臺南市麻豆區南勢里總爺5號）▌**全部免費** 緊來講台語，註冊提獎品！​△ ...
24/11/2025

.
🎶 電音野餐會 暨台語家庭政策說明會 ♬

┬┴┤ 台語Party上鑠奅 ├┬┴
​
▌時間：2025/11/30（禮拜）14:00～16:00
▌地點：總爺藝文中心（臺南市麻豆區南勢里總爺5號）
▌**全部免費** 緊來講台語，註冊提獎品！

​△ DJＸ音樂Ｘ挵關Ｘ野餐Ｘ台語家庭
△ 關心台語文 ê 有志同齊來！
​
✶ ◠◡◠◡◠◡◠◡◠◡◠◡ ✶
​​
台語電音野餐來—loh！
攏是台南在地，舞臺有民生電氣Ｘ阿雞、挵關活動是創意滿滿 ê 團隊南無南漫，欲做伙和逐家來了解台語家庭，講台語、耍遊戲！

緊來總爺聽音樂、挵關註冊兼野餐！

挵關兼註冊，前 50 名，現場 koh 送你割包—o͘h！
挵關兼註冊，前 50 名，現場 koh 送你割包—o͘h！
挵關兼註冊，前 50 名，現場 koh 送你割包—o͘h！

✶ ◠◡◠◡◠◡◠◡◠◡◠◡ ✶
​
DJ LITRO
關於日常的聲響，音樂即是民生。
DJ LITRO 是台南音樂活動品牌⺠生電氣 Minelectro Inc. 擔當，定定佇全台大大小小派對 kap 音樂祭表演，大港開唱、浪人祭、貴人散步，攏有伊 ê 跤跡。搖滾、電子、抑是布袋戲？任何主題，來來來！攏來！

阿雞GLOJ
臺南在地，是臺南「林家肉燥飯」少年頭家，mā 是公視台語台《文化相放伴》 ê 節目主持人、台語喋舌歌手，一直為著台灣骨力拍拚，唱出土地 ê 歌。長年積極參與台語、人權、轉型正義相關 ê 活動。

南無南漫 生活實驗基地
感動 ê「活動企劃」／現代 ê「身心舒壓」／予序大 ê 「五感課程」
為著找揣「我是誰？」
10 位自由工作者，毋行原本 ê 路，做伙行入台南北區一間老厝。以「專案合作．分享空間．共居生活」 ê 實驗模式，拆除我執！創作無限精彩！

✶ ◠◡◠◡◠◡◠◡◠◡◠◡ ✶
​
⚡️ 萬事起頭南 Bān-sū Khí-thâu Lâm ⚡️
2025台南市推動台語家庭計畫
指導單位｜文化部
主辦單位｜臺南市政府文化局
執行單位｜南渡策室

Address

臺南市麻豆區南勢里總爺5號
Tainan
721

Website

Alerts

Be the first to know and let us send you an email when 萬事起頭南Bān-sū Khí-thâu Lâm－台南台語家庭計劃 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category