01/08/2026
အမှတ် -၂ စစ်ဆင်ရေးနယ်မြေ ပဲခူးတိုင်းစစ်ဌာန၊ ဗျူဟာအမှတ် (၂၆) ကွပ်ကဲမှုအောက်ရှိ တောကျီးကန်း(၇)ကောင် စစ်ကြောင်း ဖြစ်ပေါ်လာပုံ နှင့် လှုပ်ရှားမှုပုံရိပ်များ။
တောကျီးကန်း(၇)ကောင် စစ်ကြောင်းကိုကရင်ပြည်နယ် တပ်မဟာ (၇) နယ်မြေတွင်
သန္ဓေတည် စတင်ဖွဲ့စည်းခဲ့သည်။
(၂၀၂၃) ခုနှစ်မတ်လတွင် အမျိုးသားညီညွတ်ရေးအစိုးရ (NUG) ၏ တရားဝင်အသိအမှတ်ပြု တပ်ရင်းကုဒ်နံပါတ်ကျလာသည့်အတွက် တောကျီးကန်းတပ်ရင်းအဖြစ်စတင်ဖွဲ့စည်းနိုင်ခဲ့သည်။
တောကျီးကန်းတပ်ရင်းသည် ၂၀၂၃ ခုနှစ် ဧပြီလမှစ၍ ဒီဇင်ဘာလအထိ ကရင်ပြည်နယ် တပ်မဟာ (၁) ကျိုက်ထို - ဘီးလင်းတွင် ၈ လခန့်တာဝန်ထမ်းဆောင်ခဲ့ပြီး ထိုမှတဆင့် စစ်တောင်မြှစ်ဝှမ်း လွင်ပြင်ဒေသသို့ (၂၀၂၃) ဒီဇင်ဘာလတွင် စတင်ရောက်ရှိပြီး စတင်ဖွဲ့စည်းခဲ့ချိန်မှစ၍ ယနေ့အချိန်အထိ တိုက်ပွဲကြီးငယ်ပေါင်း (၅၀) ကျော်ကို ဖော်ဆောင်ထားသည့် တပ်ရင်းလည်းဖြစ်သည်။
တောကျီးကန်း (၇) ကောင်တပ်ရင်းသည် လက်ရှိအချိန်တွင် အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၏ စီမံကွပ်ကဲမှုအောက်ရှိ အမှတ် -၂ စစ်ဆင်ရေးနယ်မြေ ပဲခူးတိုင်းစစ်ဌာန၊ ဗျူဟာအမှတ် (၂၆) ကွပ်ကဲမှုအောက်ရှိ တပ်ရင်းများဖြစ်သော တော်ဝင်ဒေါင်းတပ်ရင်း၊ ပဲခူးခရိုင်အမှတ် (၃) (၃၇၀၃) မီးနဂါးတပ်ရင်းတို့နှင့်အတူ စစ်တောင်းမြစ်ဝှမ်း ဒေသစစ်ဆင်ရေးများအား ညွှန်ကြားချက်နှင့်အညီ မြေပြင်တွင် တာဝန်ထမ်းဆောင်လျက်ရှိသည့် တပ်ရင်းလည်းဖြစ်သည်။
#တောကျီးကန်းတပ်ရင်း
#ဗျူဟာအမှတ်(၂၆)
