23/06/2025
- اليوم رح نحكي عن #الإضاءة و #الشاشات و #ملحقاتن ..
*خلينا #بالبداية نحكي أنو #الإضاءة بتعطي للمناسبة و للمكان و لكل التفاصيل ..
بتعتمد الإضاءة على #الذوق بالمرتبة الأولى و الأخيرة
من #حقكن تسألو عن شكل الإضاءة يلي بدا تكون بمناسبتكن و تختارو ع ذوقكن (بقصد أنا التراسات ، دائري ، مربع ..)
* سألو عن كمية أجهزة الإضاءة يلي بدا تركب و هل هيي كافية لتغطية المناسبة ام زايدة (حسب السعر المطلوب)
- كتار يلي بقولو انو ببعض المناسبات بتكون الإضاءة كتير #حامية ، هاد سببو شي واحد بس ، بتكون أجهزة الإضاءة ما بتناسب المكان يلي انتو فيه.
حصرا ما لازم يكون فيا #تعجيق ، كرمال الفيديو و الصورة و كتير تفاصيل متل فستان العروس و تفاصيلو ، كرمال شعر العروس و الاكسسوار .. ( #تخيلو بعد تعب أيام من اختيار الفستان و موديل الشعر و الاكسسوار و التكاليف ، بالأخير الإضاءة تكون لون أحمر أو أخضر مثلا و تشوفي بالفيديو و الصور فستانك صار غير لون 😜) هاد قصدي 👍🏼 ، برجع و بقول الإضاءة ذوق قبل كلشي.
* ما بيخلى من بعض الفقرات يلي من حق الإضاءة تبين بكل استطاعتا و إمكانيتا و يبين فني الإضاءة التكنيك الحلو #حقو (ألوان و تعجيق و حركات و هالقصص)
* بالمناسبة الإضاءة الشي الوحيد من تجهيزات المناسبات يلي ما بتاخد حقا بالشغل (طبعا عم احكي عن الأعراس حصرا ، بضل متقيد بشي معين منشان التصوي متل ما حكينا من شوي)
- اعطو صلاحية للتصوير (فوتوغراف و فيديو) بحال الإضاءة ما كانت مناسبة للمكان و للكاميرا ، انو يوجهو الإضاءة متل ما بدن (و طبعا هاد الشي نادر كتير ليصير) حسب كل كاميرا و يلي عم يشتغل. "تعاون فريق العمل واجب عالكل" و توجيه التصوير للإضاءة مانو عيب.
- #الدخان هوي شي مرفق مع الإضاءة ، استفسرو عن نوعية مكنة الدخان يلي بدا يكون بمناسبتكن (مكنة عادية ، ام مكنة ضباب أرضي بارد ..) و شو أجار كل وحدة ام هيي من ضمن المبلغ المطلوب.
- #الشرار و الألعاب النارية ، سألو عن نوعية الشرار و #مديتو و #كثافتو ، وهل هوي #بارد ام #حامي و شو سعرو ، و يفضل إذا موجود فيديو لحتى تعرفو الفرق بين و ، و طلبو انو يكون مع #نصيحة (الشرار هوي اللحظة الوحيدة يلي ما بتتكرر ، لذلك المصور بالتنسيق مع ال Dj بعد الاتفاق معكن بيضربن ، و بكون جاهز و آخد الزاوية المناسبة لحتى ما تروح عليكن اللقطة) #نصيحة
- #الشاشات غالبا بينطلب السعر عالمتر المربع ، بغض النظر عن شكل الشاشة (مربعة ، مقطعة ..) ، عرفو سعر المتر و ع اساسو قررو.
- #الدانس فلور في كتير أنواع بس الدارج أكتر الشي البلور و الخشب بمختلف موديلاتن و رسماتن ، كمان سألو عنو و أجار كل واحد لحال اذا كان في خيارات مطروحة و شو الفرق ..
بالنهاية دائما و أبدا سألو عن السعر التفصيلي و عن السعر الشامل ، و اكيد القرار الكن ..
** لازم نعرف إنو الإضاءة بطريقة غلط ، ممكن تأذي العين لاسمح الله أو تأذي الجملة العصبية من خلالا.
* الإضاءة قبل ما تكون علم و هندسة ، ..
كل التوفيق للجميع و الله يتمم بكل الخير للكل ..
