30/01/2025
السلام عليكم،
، يلي بيقدر يشارك الفديو لحتى ننشر الفكرة لا يقصر🌹
حبيت اعمل هي الحملة وسميها #كفو ، لحتى طبقها على الناس اللي بدهم يشترو مني سيارات ببانياس ، وبركي نحنا اهل بانياس منكون مثال لغير مدن بسوريا ومنصدر هالفكرة لغيرنا لاني صدقوني اذا هي الفكرة بتطبق اليوم ع أرض الواقع مابضل طفل او يتيم او فقير بسوريا مشتهي ياكل ، الاف السيارات عم تنباع بشكل يومي بعموم سوريا ، واذا اكل سيارة اتضحى بخاروف وسلة غذائية الااف الناس يومياً راح تستفاد ، واذا هاد الخاروف نخصم سعرو من ربح التاجر (((الفعلي)))) بالسيارة صح بكون قل ربحو شوي بس صدقوني الله ببارك بالرزق ، والله بيكفي شر السيارة للشاري ، هاد الكلام اذا عم نحكي بمجال السيارات.
اصحاب المطاعم ، ومحلات الخضرا والفواكة، محلات اللحوم والأجبانوالالبان اي حدا فينو يطبق هاد الشي على هوا شغلو ومصلحتو وحجم المبيع مهما كان صغير او كبير.
اخواتي نحنا اليوم ئدامنا مفترق طرق تاريخي وفرصة تاريخية ماصارت من 70 سنة خلونا نستغلا صح ونساعد بعض.
والخير فكر والفكر عدوى اذا طبقنا هالفكرة ببانياس ممكن يتعمم بكل مناطق سوريا التانية وعدد اكبر من الناس يستفيد.
هدون اليتامى ولادنا والفقراء اهلنا والارامل اخواتنا ونحنا مسؤولين عنهم امام الله يوم القيامة وامام ضمائرنا.
سامحونا البوست طويل🙏
