Hafiz Izhar Ali

Hafiz Izhar Ali Contact information, map and directions, contact form, opening hours, services, ratings, photos, videos and announcements from Hafiz Izhar Ali, Performance & Event Venue, Karachi.

🌹 اعلانِ محفلِ اُنس با قرآن 🌹المرتضیٰ اکیڈمی کے زیرِ اہتمام، قاری حافظ اظہار علی کی جانب سے ڈسٹرکٹ روندو میں ایک روح پرو...
22/07/2026

🌹 اعلانِ محفلِ اُنس با قرآن 🌹

المرتضیٰ اکیڈمی کے زیرِ اہتمام، قاری حافظ اظہار علی کی جانب سے ڈسٹرکٹ روندو میں ایک روح پرور محفلِ اُنس با قرآن بعنوان:

"بہ یادِ شہیدِ اُمت، شہیدِ قرآن"

منعقد کی جا رہی ہے۔

اس بابرکت محفل میں روندو بھر کی خواتین کو شرکت کی دعوتِ عام دی جاتی ہے۔

محفل کے نمایاں پروگرام:

- قاریات کی دلنشین تلاوتِ قرآنِ مجید
- بنت الہدیٰ حفظ القرآن، سکردو کی معزز مہمان طالبات کی خصوصی شرکت
- حفظِ قرآن کا شاندار مظاہرہ
- اجتماعی (گروہی) تلاوتِ قرآن
- گروہی تلاوت طالبات ڈمبوداس
- اجتماعی تواشیح طالبات تھوار

تمام مؤمنات و خواتین سے مؤدبانہ گزارش ہے کہ اس نورانی محفل میں اپنی شرکت کو یقینی بنائیں اور قرآنِ کریم کی برکتوں سے فیض یاب ہوں۔

منتظم:
قاری حافظ اظہار علی
المرتضیٰ اکیڈمی

09/07/2026

الحمد للّٰہ، آج استادِ محترم قبلہ حافظ اسماعیل صاحب کی دعوت پر مدرسہ مرکز حفظ القرآن جانے کا شرف حاصل ہوا، جہاں شہیدِ امت کی یاد میں ایک پُروقار محفلِ قرأتِ قرآن کا انعقاد کیا گیا تھا۔

اس بابرکت محفل میں بلتستان کے نامور قراء حضرات اور جید علماء کرام نے بھرپور شرکت فرمائی۔ اللہ تعالیٰ کے فضل و کرم سے اس حقیر کو بھی تلاوتِ کلامِ پاک کی سعادت حاصل ہوئی، جو میرے لیے باعثِ افتخار اور عظیم اعزاز ہے۔

تمام قراء کرام نے اپنی دلنشین اور پُرسوز تلاوت سے محفل کو نورانیت اور روحانیت سے منور کر دیا، جبکہ علماء کرام نے اپنے خطابات میں قرآنِ مجید کی عظمت، تلاوت کی اہمیت اور اس پر عمل کرنے کی ضرورت کو نہایت مؤثر انداز میں اجاگر کیا۔

یقیناً اس نوعیت کی دینی و قرآنی محافل معاشرے میں قرآن سے محبت، دینی شعور اور اتحادِ امت کو فروغ دینے کا بہترین ذریعہ ہیں۔ اللہ تعالیٰ تمام منتظمین، شرکائے محفل اور قراء کرام کی کاوشوں کو اپنی بارگاہ میں شرفِ قبولیت عطا فرمائے اور ہم سب کو قرآنِ کریم سے مضبوط تعلق قائم رکھنے کی توفیق دے۔

آمین یا رب العالمین۔

09/07/2026

🤲

25/06/2026

محترم شیخ رضا انصاری صاحب، شیخ منظور صاحب قبلہ سید محمد علی شاہ صاحب، اور دیگر معزز انتظامیہ ڈمبوداس!

السلام علیکم ورحمۃ اللہ وبرکاتہ

ایک گزارش آپ کی خدمت میں پیش ہے، امید ہے کہ اس پر غور فرمایا جائے گا۔
دس محرم الحرام کو ڈمبوداس کا مرکزی جلوس پٹرول پمپ پر پہنچ کر وقفہ کرتا ہے اور وہاں اہم خطاب بھی ہوتا ہے۔ اگر ممکن ہو تو اس وقفے اور خطاب کو حاجی کیم مسجد منتقل کر دیا جائے تو زیادہ مناسب ہوگا۔
اس سے وقت کی بھی بچت ہوگی، اور مینڈی و نواشہر کے مومنین اسی مقام سے اپنا دستہ واپس مینڈی کی طرف لے جا سکیں گے۔ اسی طرح تریکو، شوت، کشمل اور ہربوٹ کے مومنین بھی جلوس کے اختتام کے بعد بروقت اپنے اپنے علاقوں میں پہنچ کر مجالس کے انتظامات کر سکیں گے۔
اگر ممکن ہو تو انتظامیہ اس تجویز پر کل کے پروگرام کے لیے غور فرمائے، یا آئندہ کے لیے اسے میٹنگ کے ایجنڈے میں شامل کرکے زیرِ بحث لائے۔
آپ کی توجہ اور تعاون کا پیشگی شکریہ۔
ممنون
حافظ اظہار علی
دستہ اکبریہ تھوار

💡
18/06/2026

💡

08/06/2026

عیدِ غدیر مبارک

الحمدللہ، عیدِ غدیر کے بابرکت موقع پر المرتضیٰ اکیڈمی، جو حافظ اظہار علی کی نگرانی میں خدماتِ خلق کا فریضہ انجام دے رہی ہے، کی جانب سے مختلف فلاحی سرگرمیاں سرانجام دی گئیں۔

اس سلسلے میں 20 مستحق گھرانوں میں راشن تقسیم کیا گیا۔ مزید برآں تین ضرورت مند خاندانوں کے لیے نئے گھروں کی تعمیر کے مقصد سے مجموعی طور پر 60 بیگ سیمنٹ فراہم کیے گئے، جن میں ہر خاندان کو 20، 20 بیگ دیے گئے۔

تعلیمی میدان میں بھی معاونت کا سلسلہ جاری رکھتے ہوئے یونیورسٹی، کالج اور سکول کے مستحق طلبہ کی فیسوں کی ادائیگی کے لیے 3 لاکھ روپے کی مالی امداد فراہم کی گئی۔

اسی طرح شبِ عید کے موقع پر متعدد غریب اور مستحق گھرانوں میں عیدی اور مٹھائیاں تقسیم کی گئیں تاکہ وہ بھی عید کی خوشیوں میں شریک ہو سکیں۔

اللہ تعالیٰ سے دعا ہے کہ وہ ان تمام کاوشوں کو اپنی بارگاہ میں قبول فرمائے اور ہمیں مزید اخلاص کے ساتھ انسانیت کی خدمت کی توفیق عطا فرمائے۔

والسلام
حافظ اظہار علی
المرتضیٰ اکیڈمی
Murtaza Academy
Murtaza online Quran Academy Al Murtaza Tutor Hafiz Izhar Ali Hafiz Izhar Ali

بسم اللہ الرحمٰن الرحیمعیدِ غدیر امتِ مسلمہ کے لیے ولایت، ہدایت اور دین کی تکمیل کا عظیم دن ہے۔ اس مبارک موقع پر ہم سب ک...
04/06/2026

بسم اللہ الرحمٰن الرحیم

عیدِ غدیر امتِ مسلمہ کے لیے ولایت، ہدایت اور دین کی تکمیل کا عظیم دن ہے۔ اس مبارک موقع پر ہم سب کو چاہیے کہ ہم حضرت امیر المؤمنین امام علیؑ کی سیرت، عدل، تقویٰ اور خدمتِ خلق کو اپنی زندگی کا حصہ بنائیں۔

رسولِ اکرم ﷺ نے غدیر کے مقام پر فرمایا:

"مَنْ كُنْتُ مَوْلَاهُ فَهٰذَا عَلِيٌّ مَوْلَاهُ، اَللّٰهُمَّ وَالِ مَنْ وَالَاهُ وَعَادِ مَنْ عَادَاهُ"

"جس کا میں مولا ہوں، یہ علیؑ بھی اس کے مولا ہیں۔ اے اللہ! جو علیؑ سے محبت رکھے تو اس سے محبت فرما اور جو علیؑ سے دشمنی کرے تو اس سے دشمنی فرما۔"

عیدِ غدیر کے اس پُرمسرت موقع پر آپ سب کو دلی مبارکباد پیش کرتا ہوں۔ اللہ تعالیٰ ہمیں ولایتِ اہلِ بیتؑ پر ثابت قدم رہنے اور ان کی تعلیمات پر عمل کرنے کی توفیق عطا فرمائے۔

عیدِ غدیر مبارک

02/06/2026

7 جون تک علماء کو نسل حرام کہہ کر ناچتے نچاتے رہیں گے الیکشن کے بعد لیڈر تو نکل جائے گا ٹھیک ہفتہ بعد یہی سپورٹرز محرم الحرام میں علماء کے ساتھ ماتم کرنے بیٹھیں گے ۔
ایک رسول اللہ صلی اللہ علیہ وآلہ وسلّم کے نواسے پر
دوسرا اپنے مستقبل پر

*نامزد امیدوار پاکستان پیپلز پارٹی روندو کے نام کھلا خط*راجہ صاحب!میں آج آپ سے اختلاف نہیں، بلکہ خیرخواہی کی چند باتیں ک...
02/06/2026

*نامزد امیدوار پاکستان پیپلز پارٹی روندو کے نام کھلا خط*

راجہ صاحب!

میں آج آپ سے اختلاف نہیں، بلکہ خیرخواہی کی چند باتیں کرنا چاہتا ہوں۔

آپ نے علماء کرام کے بارے میں جو زبان استعمال کی آپ نے کہا باطل کے خلاف فتویٰ دینے والے علماء نسل حرام ہے تو علماء آپ کے اردگرد بھی ہوتے ہیں کیا وہ بھی نسل حرام ہے یا صرف جو مخالف پارٹی میں ہوتے ہیں صرف وہی ہیں۔۔؟اس بیان نے بہت سے لوگوں کو دکھ پہنچایا ہے۔ عالم وہ ہوتا ہے جو حق اور باطل، صحیح اور غلط، اچھے اور برے میں فرق کرنا سکھاتا ہے۔ اگر حق و باطل کی تمیز بتانا جرم ہے تو پھر اس معاشرے کے اساتذہ، ڈاکٹر، انجینئر، دانشور اور تمام اہلِ علم اس جرم میں شریک ہوں گے۔ لیکن حقیقت یہ ہے کہ قومیں انہی لوگوں کی رہنمائی سے ترقی کرتی ہیں جو حق کو حق اور باطل کو باطل کہنے کی جرأت رکھتے ہیں۔

راجہ صاحب! قیادت صرف نعروں کا نام نہیں، کردار کا نام ہے۔ لیڈر صرف ووٹ لینے والا نہیں ہوتا بلکہ وہ نسلوں کی تربیت بھی کرتا ہے۔ قومیں اپنے قائدین کے اخلاق، لہجے اور طرزِ گفتگو سے اثر لیتی ہیں۔ جب ایک لیڈر سخت، توہین آمیز اور نفرت انگیز زبان استعمال کرتا ہے تو اس کے پیروکار بھی اسی زبان کو اپنانا شروع کر دیتے ہیں۔

آج ہم دیکھ رہے ہیں کہ نوجوانوں میں برداشت کم ہو رہی ہے، مخالف رائے سننے کا حوصلہ کم ہو رہا ہے اور احترامِ علماء جیسی عظیم روایت کو نقصان پہنچ رہا ہے۔ روندو کی پہچان کبھی اخلاق، شرافت، دین داری اور بزرگوں کے احترام سے ہوتی تھی۔ ہمیں سوچنا ہوگا کہ ہم اپنی نئی نسل کو کس راستے پر لے جا رہے ہیں۔

راجہ صاحب! اگر آپ کو کسی عالمِ دین سے اختلاف ہے تو نام لے کر بات کیجیے، دلیل کے ساتھ بات کیجیے، علمی گفتگو کیجیے۔ لیکن تمام علماء کو ایک ہی پیمانے سے ناپنا اور ان کے بارے میں نامناسب الفاظ استعمال کرنا انصاف نہیں۔

یہ بھی حقیقت ہے کہ جب آپ سیاست کے میدان میں آئے تو آپ کے تعارف اور مقبولیت میں علماء کرام کا اہم کردار تھا۔ بالخصوص علامہ راجہ ناصر عباس جعفری اور آغا سید علی رضوی اور روندو کے دیگر علماء کرام نے مختلف مواقع پر آپ کی حمایت کی، آپ کا تعارف کروایا اور آپ کی سیاسی شناخت کو مضبوط بنانے میں اپنا کردار ادا کیا۔ اختلاف اپنی جگہ، مگر احسان اور احترام اپنی جگہ ہوتے ہیں۔

میں آپ سے یہ نہیں کہوں گا کہ آپ نے پہاڑ بیچ دیے یا زمینیں فروخت کر دیں، لیکن میں یہ ضرور کہوں گا کہ اگر نوجوانوں کے دلوں سے علماء کا احترام، دین سے محبت اور اخلاقی اقدار ختم ہو جائیں تو یہ کسی بھی مادی نقصان سے کہیں بڑا نقصان ہے۔ زمینوں کا نقصان پورا کیا جا سکتا ہے، مگر کردار کا نقصان نسلوں تک اثر چھوڑتا ہے۔

راجہ صاحب! ایک سچا لیڈر تنقید سے نہیں گھبراتا، مخالفین کے طعنوں سے نہیں ٹوٹتا اور اختلافِ رائے سے مشتعل نہیں ہوتا۔ وہ صبر، برداشت، حکمت اور اعلیٰ اخلاق کے ساتھ قوم کی رہنمائی کرتا ہے۔ تاریخ میں وہی قائد کامیاب ہوئے ہیں جنہوں نے دل جیتے، نفرتیں نہیں پھیلائیں۔

لہٰذا میری آپ سے مؤدبانہ گزارش ہے کہ اپنی زبان، اپنے لہجے اور اپنے طرزِ سیاست پر نظرِ ثانی کریں۔ اختلاف کو دشمنی نہ بنائیں، تنقید کو نفرت میں نہ بدلیں اور نوجوانوں کو اخلاق، احترام اور برداشت کا درس دیں۔

اللہ تعالیٰ ہم سب کو حق بات کہنے، حق بات سننے اور ایک دوسرے کا احترام کرنے کی توفیق عطا فرمائے۔
حافظ اظہار علی
والسلام

Address

Karachi
092

Website

Alerts

Be the first to know and let us send you an email when Hafiz Izhar Ali posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Hafiz Izhar Ali:

Shortcuts

Share

Category