تحصیل خانپور ہزارہ

28/07/2026

🌹🌿 تحصیل خانپور ہزارہ 🌿🌹

ہماری تحصیل خانپور کے گاؤں مسلم آباد سے تعلق رکھنے والے ڈاکٹر افتخار احمد (MBBS, FCPS) اس وقت ڈی ایچ کیو ٹیچنگ ہسپتال، ہری پور میں انچارج میڈیکل آئی سی یو کے طور پر اپنی ذمہ داریاں نہایت احسن انداز میں سرانجام دے رہے ہیں، جبکہ اسکول آف میڈیسن، ڈینٹسٹری اینڈ الائیڈ سائنسز (SMDAS) میں سینئر رجسٹرار کے فرائض بھی انجام دے رہے ہیں۔

ڈاکٹر افتخار احمد اپنی پیشہ ورانہ مہارت، محنت اور مریضوں کی خدمت کے جذبے کے ساتھ شعبۂ طب میں اپنی خدمات انجام دے رہے ہیں۔

یہ ہمارے لیے باعثِ خوشی اور اعزاز ہے کہ تحصیل خانپور ہزارہ کی سرزمین ایسی باصلاحیت، محنتی اور مخلص شخصیات پیدا کر رہی ہے جو اپنی قابلیت، کردار اور خدمتِ انسانیت کے ذریعے نہ صرف اپنے علاقے بلکہ پورے ضلع ہری پور اور ملکِ پاکستان کا نام روشن کر رہی ہیں۔ ایسے افراد نوجوان نسل کے لیے ایک بہترین مثال اور ہمارے علاقے کا قیمتی سرمایہ ہیں۔

اللہ تعالیٰ ڈاکٹر افتخار احمد کو مزید علم، عزت، صحت، کامیابیاں اور ترقی عطا فرمائے، انہیں ہمیشہ اپنی حفظ و امان میں رکھے، اور اخلاصِ نیت کے ساتھ دکھی انسانیت کی خدمت کرنے کی مزید توفیق عطا فرمائے۔ اللہ تعالیٰ ان کے علم و عمل میں برکت عطا فرمائے اور انہیں دنیا و آخرت کی بھلائیاں نصیب فرمائے۔

آمین ثم آمین یا رب العالمین۔

🌹🌿 تحصیل خانپور ہزارہ 🌿🌹

06/07/2026

خانپور

شہدائے کربلا کی یاد میں 19ویں محرم الحرام کے عزاداری جلوس کے موقع پر مسلم آباد (بھررڑے) میں ممبر ڈی آر سی چوہدری ندیم کی رہائش گاہ پر معززینِ علاقہ کی جانب سے معروف سیاسی رہنما یوسف ایوب خان، ڈی ایس پی خانپور راجہ محمد بشیر، ایس ایچ او خانپور صدیق شاہ اور دیگر سکیورٹی اہلکاروں کے اعزاز میں پرتکلف ہائی ٹی کا اہتمام کیا گیا۔

اس موقع پر میزبانوں اور معزز مہمانوں نے باہمی ملاقات کی، امن و امان کی صورتحال اور باہمی تعاون پر تبادلۂ خیال کیا، جبکہ یادگاری گروپ فوٹو بھی بنوایا گیا۔

تقریب کی میزبانی اور مہمان نوازی میں چوہدری ندیم سلطان، چوہدری شکیل سلطان، چوہدری سفیر احمد، چوہدری جنگریز اور چوہدری بابو منیر احمد نے بھرپور کردار ادا کیا، جس پر شرکاء نے ان کے خلوص، محبت اور بہترین انتظامات کو سراہا۔

آخر میں معروف سیاسی رہنما یوسف ایوب خان نے تمام میزبان چوہدری صاحبان، معززینِ علاقہ، سکیورٹی اداروں اور مسلم آباد (بھررڑے) کے عوام کا پرتپاک استقبال، مثالی مہمان نوازی اور عزاداری جلوس کے پرامن انعقاد میں بھرپور تعاون پر دلی شکریہ ادا کیا۔ انہوں نے کہا کہ عوامی خدمت، باہمی اتحاد، امن اور بھائی چارے کا فروغ ہی ہماری اولین ترجیح ہے، اور ان شاء اللہ عوام کے اعتماد پر ہمیشہ پورا اترنے کی بھرپور کوشش جاری رہے گی۔

18/06/2026

الحمدللہ!

فریضۂ حج کی سعادت حاصل کرنے کے بعد چوہدری سفیر احمد صاحب، گاؤں مسلم آباد، تحصیل خانپور، کی اسلام آباد رہائش گاہ پر معزز مہمانوں، عزیز و اقارب، دوست احباب اور مختلف سیاسی و سماجی شخصیات کی آمد کا سلسلہ بدستور جاری ہے۔ اس روح پرور اور بابرکت موقع پر ایک نہایت خوبصورت، پرخلوص اور عقیدت و احترام سے بھرپور محفل دیکھنے میں آئی، جس میں ہر آنے والے مہمان نے چوہدری سفیر احمد صاحب کو حج کی سعادت حاصل کرنے پر دلی مبارکباد پیش کی اور نیک تمناؤں کا اظہار کیا۔

اسی سلسلے میں سابق ایم این اے حلقہ NA-18 ڈاکٹر راجہ عامر زمان صاحب، سابق ضلع ناظم ہری پور، اپنے معزز ساتھیوں، عزیز و اقارب اور دوست احباب کے ہمراہ خصوصی طور پر چوہدری سفیر احمد صاحب کی رہائش گاہ پر تشریف لائے۔ ان کی آمد پر شاندار اور پرتپاک استقبال کیا گیا اور انہیں حج کی سعادت حاصل کرنے پر دلی مبارکباد پیش کی گئی۔ ان کی شرکت کو محفل میں موجود تمام افراد نے باعثِ اعزاز اور باعثِ مسرت قرار دیا۔

اس موقع پر چوہدری سفیر احمد صاحب نے خود بھی اپنے معزز مہمانوں کا نہایت گرمجوش اور پرتپاک استقبال کیا۔ محفل میں محبت، خلوص، بھائی چارے اور اپنائیت کا ایسا دلکش سماں دیکھنے کو ملا جس نے ماحول کو مزید روحانی اور پُراثر بنا دیا۔

چوہدری سفیر احمد صاحب کے چھوٹے بھائی چوہدری صغیر احمد، چوہدری فیصل محمود اور چوہدری عادل بشیر نے بھی مہمانوں کی آمد پر بھرپور میزبانی کی اور روایتی خاندانی وقار، اعلیٰ اخلاقی اقدار اور مثالی مہمان نوازی کا عملی مظاہرہ کیا۔ تمام مہمانوں کی عزت و تکریم کو مقدم رکھتے ہوئے انہیں مکمل احترام اور محبت کے ساتھ خوش آمدید کہا گیا۔

اس موقع پر شرکاء نے اس بات کا اظہار کیا کہ حج جیسی عظیم سعادت یقیناً اللہ تعالیٰ کی ایک بڑی نعمت ہے اور ایسے بابرکت مواقع پر مبارکباد کے لیے اکٹھا ہونا باہمی محبت، اخوت اور اسلامی روایات کی روشن مثال ہے۔

ہم ڈاکٹر راجہ عامر زمان صاحب، سابق ضلع ناظم ہری پور، ان کے معزز ساتھیوں، عزیز و اقارب اور تمام آنے والے مہمانانِ گرامی کے تہہ دل سے شکر گزار ہیں کہ انہوں نے اپنی قیمتی مصروفیات میں سے وقت نکال کر اس بابرکت محفل میں شرکت کی، محبتوں سے نوازا اور دعاؤں و نیک تمناؤں کا اظہار فرمایا۔

آخر میں دعا کی گئی کہ اللہ تعالیٰ تمام مہمانوں کو جزائے خیر عطا فرمائے، ان کی زندگیوں میں خیر و برکت، عزت و وقار، کامیابی اور خوشحالی عطا فرمائے اور ہمیں بار بار اپنے مقدس گھر کی حاضری نصیب فرمائے۔ آمین۔

والسلام

15/06/2026

بسم اللّٰہ الرحمٰن الرحیم
آج سرکل خان پور بالعموم ،سنٹر باغپورڈھیری باالخصوص اور گورنمنٹ پرائمری سکول کھیتراں خصوصاََ بالخصوص ایک ایسے مدرس سے محروم ہو گئے جن کا متبادل و نعم البدل کوئی نہیں۔
ان سے میری مراد *جناب مظہر شاہ صاحب* ہیڈ ٹیچر (ریٹائرڈ )گورنمنٹ پرائمری سکول کھیتراں ہیں ۔

یوں تو جناب شاہ صاحب کی شخصیت بیش بہا خوبیوں کی حامل تھی لیکن وہ اپنے پیشہ یعنی شعبہ تدریس میں اپنی مثال آپ تھے۔

آپ کو استاذ الاساتذہ ہی نہیں بلکہ ڈاکٹروں اور وکلاء کا استاذ ہونے کا شرف بھی حاصل ہے۔آپ نے سینکڑوں تشنگان علم کی تشنگی علم کو بجھانے میں اپنا بھرپور کردار ادا کیا۔

ایک تجربہ کار اور شفیق استاذ ہونے کے ساتھ ساتھ شاہ صاحب کو اللہ تعالیٰ نے ایک ایسا ملکہ اور اخلاق عطا کیے ہیں کہ پہلی ہی ملاقات میں ہر ایک کو اپنا گرویدہ بنا لیتے ہیں۔

ہر ایک کی خیر خواہی اور ہر خاص و عام کے بارے میں حسنِ ظن رکھنا آپ کا خاصا رہا۔

سروس کے آخری چند سالوں میں صحت کے لحاظ سے کافی اتار چڑھاؤ رہا،لیکن اس کے باوجود انھوں نے اس کو اپنی تدریس میں حائل نہیں ہونے دیا۔

کلاس میں جب بھی آئے تو جوان العمر کی طرح سرگرم و موثر تدریس کی۔
یوں تو شعبہ تدریس میں آپ کی شخصیت تمام فنون کی مرقع ہے لیکن فن تحریر اور خوش نویسی میں آپ کو کمال مہارت حاصل تھی۔
آپ کے شاگرد کچھ رقمطراز ہونے کے لیےجب ہاتھ میں قلم تھامتے ہیں تو دیکھنے والوں کو ایک سرور حاصل ہوتا ہے اور یوں محسوس ہوتا ہے کہ جیسے وہ قلم سے موتی بکھیر رہے ہوں اور ان کے اسلوب تحریر میں آپ کی کمال مہارت کی رہنمائی کی جھلک نظر آتی ہے۔

شاہ صاحب!
شعبہ تدریس میں اگر ہمیں ایک طرف ہر قدم پر آپ جیسے قابل،محنتی،مخلص اور فرض شناس معلم کی کمی محسوس ہوتی رہے گی اور ہم اس پر پژمردہ اور مغموم بھی ہیں لیکن دوسری جانب ہم اس موقع پر طرب ناک وننداں بھی ہیں کہ آپ اس شعبہ میں سینتیس سالہ ایک طویل المدتی دور بحمد اللہ تعالیٰ بخیر وعافیت اور خوش اسلوبی کے ساتھ مکمل کر رہے ہیں۔۔

ہزاروں سال نرگس اپنی بے نوری پہ روتی رہی۔
بڑی مشکل سے پیدا ہوتا ہے چمن میں دیدہ ور پیدا

اللہ تعالیٰ کی بارگاہ اقدس میں دعا گوہ ہیں کہ اللہ تعالیٰ آپ کی باقی ماندہ زندگی کو پر سکون و فرحت بخش بنائے۔صحت مندانہ اور طویل عمر عطا فرمائے اور دین ودنیا کی ہر طرح کی بھلائی عطا فرمائے۔

آمین ثم آمین یارب العالمین

راقم الحروف:
ارشد محمود چودھری
ہیڈ ٹیچر گورنمنٹ پرائمری سکول نروٹہ

26/05/2026

اہلِ علاقہ اپر خانپور مسلم آباد، تحصیل خانپور کی جانب سے
محترم
چوہدری ڈاکٹر محمد ادریس صاحب،
چوہدری ڈاکٹر نعمان صاحب،
چوہدری حنیف صاحب،
چوہدری سفیر احمد صاحب
اور چوہدری چنگریز خان صاحب کو
فریضۂ حج کی سعادت حاصل کرنے پر دل کی گہرائیوں سے دلی مبارکباد پیش کرتے ہیں۔

اللہ تعالیٰ آپ حضرات کا حج اپنی بارگاہ میں شرفِ قبولیت عطا فرمائے،
آپ کی عبادات، دعاؤں اور مقدس سفر کو اپنی رحمتوں، برکتوں اور مغفرت کا ذریعہ بنائے،
اور آپ کو صحت، سلامتی اور دین و دنیا کی کامیابیوں سے نوازے۔

آپ کی یہ مبارک سعادت پورے اپر خانپور مسلم آباد اور تحصیل خانپور کے لیے باعثِ فخر ہے۔
اللہ تعالیٰ ہم سب کو بھی اپنے گھر کی حاضری نصیب فرمائے۔ آمین۔

منجانب:
اہلِ علاقہ اپر خانپور مسلم آباد، تحصیل خانپور
اور پوری برادری۔

08/05/2026

مری کے معروف سوشل میڈیا ایکٹیوسٹ لوگوں کے چہروں پر مسکراہٹیں بکھیرنے والا شخص سب کو آج اداس کر کے چلا گیا ظفیر چاچو مختصر علالت کے بعد رب کے حضور پیش ہو گئے اللہ پاک بھائی کی مغفرت فرما اور جنت میں اعلئ مقام عطا فرمائے آمین 😭🤲

26/04/2026

23/03/2026

سالانہ روحانی و اصلاحی اجتماع
مدرسہ عربیہ سراج العلوم مسلم آباد اپر خانپور ہری پور