02/02/2026
Sa ilalim ng mga ilaw, umuusbong ang alaala ng lahi. Bawat hibla ay may tinig, bawat tiklop ay may paninindigan. Ang Regalia Filipiniana ay hindi lamang kasuotan, ito’y panata ng kasaysayan, anyo ng sining, at salamin ng ating pagkakakilanlan.
Sa Pagdiriwang ng HAMAKA Festival, tunghayan ang Taytay Fashion on the Street 2026, kung saan ang lansangan ay nagiging dambana ng sining at ang bawat hakbang ay paggunita sa ating mayamang kultura.
Sa ika-5 ng Pebrero,ganap na alas 6 ng Gabi, sa Taytay Kalayaan Park,
ang mga mahuhusay na Fashion Designers, Hair and Make-Up Artists, at RTW Owners
ay magbibigay-buhay at kulay sa hinabing kasaysayan, magbibigay-kahulugan sa tinahing kultura, at buong dangal na ipagmamalaki sa liwanag ng kasalukuyan ang gawang Taytayeño.
Sa Pangunguna ng: HERMANO PRODUCTIONS
Litrato ni: John Carlo Sateniaman ng Creative Studio
Nagdisenyo ng Tagpuan: Singcuenco Jb
