Kariapay Festival

24/05/2026

TINGNAN

Altares ng Birhen delas Flores sa St. Joseph The Worker Parish Church

Nakahanda na ang gayak ng altares para sa pagsisimula ng Nobenaryo sa 𝗞𝗮𝗿𝗮𝗻𝗴𝗮𝗹𝗮𝗻 𝗻𝗴 𝗠𝗮𝗵𝗮𝗹 𝗻𝗮 𝗕𝗶𝗿𝗵𝗲𝗻 𝗱𝗲𝗹𝗮𝘀 𝗙𝗹𝗼𝗿𝗲𝘀!

Sama-sama tayong dumulog sa ating Mahal na Ina, pag-isahin ang ating mga panalangin, at mag-alay ng mga bulaklak sa pinakamarikit na bulaklak sa hardin ng Panginoon—ang Birheng Maria!

🌸 ¡𝙑𝙞𝙫𝙖 𝙡𝙖 𝙑𝙞𝙧𝙜𝙚𝙣! 🌸

10/05/2026

Bahagi ng Misa Mayor, isinagawa ang Rito ng Pagsasalin ng Hermanidad para sa taong 2027 bitong Linggo, May 10.

Pormal na isinalin ni G. Eugene Cabuhat ang pagiging Pangulo ng Fiesta Committee kay G. Gene Paul Gallardo at isinalin naman ni G. Leonila Daza ang katungkulan ng Pangalawang Pangulo kay G. Toffer Del Valle. Ang susunod na taon ng selebrasyon ay pangungunahan naman ng Sitio Himpot sa pamumuno ng mga nasabing magkatuwang Hermano.

10/05/2026

Isang Misa ng Pasasalamat o Misa Mayor ang isinagawa bilang bahagi ng selebrasyon ng Pistang Pasasalamat sa Mahal na Poong Sto. Cristo nitong Linggo, May 10.

Pinangunahan ng Kura Paroko ng St. Joseph The Worker Parish na si Rev. Fr. Lhen Coronel ang pagdiriwang. Kanyang ibinahagi ang kahalagaan ng pasasalamat sa mga biyaya na araw araw, malaki man o maliit, ay ipinagkakaloob ng Panginoon.

10/05/2026

Saksihan ang huling tunggalian para sa kampeonato ng Dulong Bayan Fiesta Softball League ngayong araw, MAY 10, 1PM.

📍BEHIND STO.CRISTO CHAPEL SITIO CENTRAL, BRGY. DULONG BAYAN, CSJDM, BULACAN.

"PISTANG PASASALAMAT PARA SA MAHAL NA P**N NG STO.CRISTO"

MAY 10, 2026

SKDB x DULONG BAYAN FIESTA SOFTBALL LEAGUE CHAMPIONSHIP MATCH SCHEDULE🔥🏆

📍BEHIND STO.CRISTO CHAPEL SITIO CENTRAL, BRGY. DULONG BAYAN, CSJDM, BULACAN.

10/05/2026

Isang taimtim at makabuluhang pagtatapos para sa Maringal na Prusisyon ng Imahe ng Mahal na Patron Sto. Cristo at Sta. Cruzan. ✨🕯️

Nagtapos ang makulay na prusisyon sa pagpasok ng banal na imahe ng Mahal na Patron sa simbahan at pag-aalay ng bulaklak ng mga sagala. Isang tagpong tunay na nagpapaalala na sa gitna ng makulay na pagdiriwang, ang sentro pa rin ng lahat ay ang ating pananalig at pasasalamat sa Poong Maykapal.

Nais ipaabot ng Fiesta Committee 2026 ang pasasalamat sa mga sumusunod:
Sangguniang Barangay at Sangguniang Kabataan ng Dulong Bayan para seguridad at pagalalay sa prusisyon,
Tito Renz Restaurant and Catering Services para sa pagsasaayos ng mga arko,
Bokal JR Bartolome and Vice Mayor Arlene ABA Bartolome para sa makulay na Fireworks Display,
Knights of Columbus,
Knights of the Altar,
Sunday Deluxe,
Tau Gamma Phi Dulong Bayan Community Chapter,
Merlie Gonzales and Family, at
sa lahat ng mga sumagala at kanilang pamilya, mga volunteers, at mga tumulong upang maging matagumpay ang aktibidad.

10/05/2026

Patuloy na nagniningning ang gabi sa liwanag ng pananampalataya at tradisyon. ✨🕯️

Narito pa ang ilang makukulay at makabuluhang tagpo mula sa Maringal na Prusisyon ng Imahe ng Mahal na Patron Sto. Cristo at Sta. Cruzan nitong May 9, 2026.

Sa bawat lakad, dasal, at pag-aalay ng bulaklak ay buhay ang diwa ng ating pananampalataya bilang isang komunidad. Naipakita rin ang isang pagdiriwang ng debosyon, pagkakaisa, at pagpapahalaga sa kulturang ating kinalakhan.

10/05/2026

Matagumpay na isinagawa ang Maringal na Prusisyon ng Image ng Mahal na Patron Sto. Cristo at Sta. Cruzan bilang bahagi ng pagdiriwang ng Dulong Bayan Fiesta 2026 nitong Sabado, May 9.

Ang taunang prusisyon ay isinasagawa dala ang panalangin, pasasalamat, at pananampalataya. Sa liwanag ng kandila at taimtim na panalangin, muling ipinakita ng komunidad ang matibay na pananampalataya at pagpapahalaga sa ating tradisyon.

09/05/2026

Sa Balik Saya 2026, muling nabigyan ng pagkakataong maipakita ang talento at galing ng bawat sitio ng Dulong Bayan sa ika-walong ara ng Fiesta 2026, May 8.

Samu't saring talento ang nagpasaya at nagpamangha sa daan daang manonood. Tunay nga na ang diwa ng kapistahan ay makikita sa pagkakaisa ng bawat mamamayan ng ating Barangay.

09/05/2026

2nd Dulong Bayan Off-road Challenge Putikan, matinding ahunan, at sagarang arangkada! 🚙💨

Matagumpay na naisinagawa ang 2nd Dulong Bayan Off-Road Challenge bilang bahagi ng ika-8 araw ng ating Fiesta 2026, May 8.

Ipinakita ng mga kalahok ang tibay ng makina, husay sa pagmamaneho, at tapang sa bawat obstacle ng off-road track. Hindi lang ito simpleng karera—ito ay pagsubok ng kanilang tibay at diskarte.

Patuloy nating binubuhay ang mga ganitong aktibidad na hindi lang nagbibigay saya, kundi nagpapalakas din ng samahan ng komunidad. Ipinapaabot po namin ang pasasalamat kay Bulacan Board Member Efren "JR" Bartolome na siyang nagsilbing daan upang maisakatuparan ang aktibidad ito.

23/02/2026

Kwentong San Joseño: Dulong Bayan

Isa ang Dulong Bayan sa 9 na orihinal na mga Barrio ng San Jose del Monte. Ito ay unang tinawag na Sitio Kariapay, na bahagi ng noo'y baryo pa lamang na San Jose del Monte na parte ng Bayan ng Meycauayan. Ang salitang Kariapay ay isang katutubong sayaw, ito ay pinangalan sa lugar sapagkat sa lugar na ito sikat ang naturang sayaw.

Ang lugar na Kariapay ay kilalang malawak na lugar upang magtanim ng palay, mani at mais, kabilang sa ikinabubuhay ng mga naninirahan sa Dulong Bayan ay pag-aalaga ng mga hayop tulad ng manok, baboy at bibe. Ang Kariapay ay mayroon lamang labing limang kabahayan noong panahon ng mga Amerikano.

Noong 1957 nagkaroon ng pagkakaisa ukol sa pagpapalit ng pangalan ng Kariapay upang ito ay gawing Dulong Bayan sapagkat ito ang dulong bahagi ng San Jose del Monte noong panahong iyon. Ang Dulong Bayan ay may kabuuang 975 hectares ang buong barangay, 342.96 hectares rito ay Residential Land, 114.60 hectares ang Commercial Land, at 116.40 hectares ang Agricultural Land. Ito ay binubuo ng 7 pook ito ay ang Talisay, Gugo, Kay Duman, Himpot, Kay Salop, Linawan at Concordia.

Ang Dulong Bayan ay nagdiriwang ng kanilang Piyesta tuwing ika-10 ng Mayo kada 4 na taon bilang pagbubugay sa Piyesta ng Sto. Cristo

CTTO