06/10/2026
GOODNEWS: GCASH IPO, ₱6.60 SA BAWAT SHARE SIMULA NGAYONG OKTUBRE 6.
GOODNEWS: GCASH IPO, ₱6.60 SA BAWAT SHARE SIMULA NGAYONG OKTUBRE 6.
Nakatakdang ialok ng Mynt, parent company ng GCash, ang shares nito sa halagang ₱6.60 bawat share, at magsisimula ngayong Oktubre 6 hanggang Oktubre 12, 2026 ang public offer para sa mga interesadong investors.
Aabot sa humigit-kumulang ₱53 bilyon ang halaga ng shares na iaalok. Maaari pa itong umakyat sa ₱60.9 bilyon kapag buong ginamit ang overallotment option. Kapag natuloy, maaari itong maging pinakamalaking IPO sa kasaysayan ng Pilipinas.
Malakas ang naging interes ng local at international investors, kung saan ilang beses na oversubscribed ang bookbuilding process—patunay ng mataas na kumpiyansa sa paglago ng Mynt at GCash.
Target namang mailista ang GCash sa Philippine Stock Exchange sa Oktubre 20, 2026, subject sa mga kinakailangang approval.
Para sa ating mga Kapartner na Mindoreño, magandang hakbang ito sa patuloy na paglawak ng digital financial services. Mas napapadali nito ang pagpapadala at pagtanggap ng pera, pagbabayad ng bills, pag-iipon, loans at iba pang serbisyong pinansyal—isang malaking tulong lalo na sa mga kababayan nating umaasa sa mabilis at convenient na digital transactions.
