https://www.facebook.com/391088140748952/

Sinebayan Productions, Pasig (2026)

11/01/2026

𝗞𝗔𝗟𝗜𝗧 𝗦𝗔 𝗟𝗘𝗡𝗧𝗘: INDAYOG SA 30TH PAKALOG FESTIVAL 2025

Matagumpay na ipinagdiwang ang 30th Pakalog Festival 2025, isang makulay na selebrasyon ng kultura, tradisyon, at pagkakaisa ng mga Santoleño.

Ibinabahagi ngayon ng Sinebayan Productions ang mga nakatatak na sandali mula sa bawat indak, ngiti, at sigaw ng saya na nagbigay-buhay sa kahabaan ng Santolan.

Muling pinatunayan ng Pakalog Festival na sa sama-samang pagkilos at pagmamahal sa kultura, patuloy na magiging buhay at makulay ang ating pagkakakilanlan.

11/01/2026

𝗕𝗔𝗟𝗜𝗞-𝗧𝗔𝗡𝗔𝗪

Pagbalik-tanaw, dalawang linggo matapos ang Gabi ng Parangal 2025—isang sukli ng pagsisikap at tulay tungo sa gusto pang makamit na pangarap ng Kabataang Santoleño.

Sinimulan ang video na ito nang may dedikasyon, puso, at pagkakaisa. Mula sa pagbuo ng ideya hanggang sa huling sandali ng programa, ramdam ang kakayahan, talento, at determinasyon ng bawat isa.

Mula sa puso ng Sinebayan Productions, maraming salamat sa tiwala at suporta. Sa mga tao sa likod ng programang ito, lalo na sa Sangguniang Kabataan ng Barangay Santolan. Ang bawat sandali ng paggawa ng video na ito ay nagpatibay sa aming paniniwala na ang talento at dedikasyon ng kabataan ay dapat ipagdiwang at ipagmalaki.

Ang nakamit na parangal ng bawat isa ay nagsilbing inspirasyon ng Sinebayan Production, simula sa naging proseso ng paglikha na may kasamang kwentuhan at pagtutulungan na nagbigay-buhay sa naggawang video.

Upang makita ang serye ng mga video na likha ng Sinebayan para sa makabuluhang programang ito, maaaring bisitahin ang opisyal na page ng Sangguniang Kabataan ng Barangay Santolan.

Mula sa Sinebayan Productions, maraming salamat at mabuhay ang kabataang Santoleño!

31/12/2025

SA LIKOD NG LENTE | Gabi ng Parangal 2025

Sa bawat sulyap sa likod ng lente, nabubuo ang mga larawang sumasalamin sa dedikasyon, husay, at kakayahan ng mga natatanging Kabataang Santoleño—mula sa sining, agham, isport, edukasyon, adbokasiya, hanggang sa pamumuno sa komunidad. Patunay ito na ang tagumpay ay bunga ng tiyaga, pagkamalikhain, at taos-pusong malasakit sa kapwa.

Sa paggawa ng Gabi ng Parangal 2025 video, tunay na humanga ang Sinebayan Productions sa ningning ng inyong mga mata habang ibinabahagi ang mga kwentong puno ng sakripisyo, pangarap, at tagumpay.

Patuloy na susuportahan ng Sinebayan Productions ang bawat indibidwal na gumagamit ng kanilang talento bilang daan upang makatulong at magbigay-inspirasyon sa iba.

Pagpupugay sa lahat ng tumanggap ng parangal. Nawa’y magsilbi itong paalala na ang inyong mga tagumpay ay hindi lamang personal na panalo, kundi liwanag na maaaring gumabay sa iba tungo sa kanilang mga pangarap.

18/12/2025

Kasama ang Sangguniang Kabataan ng Barangay Santolan, ipinagmamalaki ng Sinebayan Productions ang pagkapanalo ng KoneKita at Youth Emergency Response and Resiliency Program (YERRP) sa Project Awards Category ng Seal of Good Youth Governance!

Mula sa Sinebayan Productions, kami ay nagagalak sa parangal na ito bilang naging parte sa pagbuo ng mga proyektong ito. Nasuklian ang pagod, sakripisyo, at talento ng pagkilala sa proyektong nabuo.

Ito ay simula pa lamang ng tagumpay, para sa mas marami pang aktibong programa at oportunidad ang magbubukas na aabangan pa.

31/10/2025

𝗦𝗔 𝗟𝗜𝗞𝗢𝗗 𝗡𝗚 𝗟𝗘𝗡𝗧𝗘: 𝗬𝗘𝗥𝗥𝗧 𝗖𝗮𝗺𝗽𝗮𝗶𝗴𝗻 𝗩𝗶𝗱𝗲𝗼

Halika, ating pahapyaw na silipin ang mga kaganapan sa likod ng lente. Kaakibat ang dedikasyon at talento ng Sinebayan Productions, at ang nagkakaisang Youth Emergency Response and Resiliency Team (YERRT), na pinamumunuan ni Kagawad Laurence Mendoza.

Kasama rin sa pagbuo si Kalali Pacol isa sa mga Youth Officer, na nagsilbing gabay at katuwang sa pagbibigay-linaw kung ano nga ba ang mga ginagawa at tungkulin bilang isang bahagi ng Youth Emergency Response and Resiliency Team (YERRT).

Sa pamamagitan ng kanilang pamumuno, higit na naipapakita ang kahalagahan ng pagkakaisa, disiplina, at malasakit ng kabataan sa pagtugon sa iba’t ibang hamon ng Barangay Santolan.

24/10/2025

Bilang isang grupo na may adhikaing magtanghal ng mga kuwento, mula sa indibidwal na tibok ng puso hanggang sa kolektibong sigaw ng ating lipunan, ang proyektong ito ay nilikha nang may pusong naglilingkod at nagbibigay-kaalaman.

Itinanghal ng aming mga lente ang mga ordinaryong sandali ng mga boluntaryo't manggagawa, ang mga bagani ng makabagong panahon na handang sumalagma sa unos upang isalba at isagip ang ating komunidad.

Maringal na ipinagmamalaki ng Sinebayan ang bidyo na nagpapakilala sa Youth Emergency Response and Resiliency Team (YERRT) at mga tampok na sandali mula sa nagdaang YERRT Camp!

Abangan ang mga kaganapan sa likod ng lente.

21/10/2025

𝗞𝗔𝗟𝗜𝗧 𝗦𝗔 𝗟𝗘𝗡𝗧𝗘: 𝗢𝗡𝗘 𝗖𝗢𝗡𝗖𝗜𝗘𝗥𝗧𝗢 𝗦𝗔𝗡𝗧𝗢𝗟𝗔𝗡

Matagumpay na idinaos noong ika-20 ng Oktubre, 2025 ang One Concierto: Santolan 2025, isang gabi ng musika, talento, at matibay na pagkakaisa.

Ngayon, ibinabahagi ng Sinebayan ang nakatatak na mga sandali mula sa kanilang mga pagtatanghal na nagbigay-buhay sa entablado at nagpaalingawngaw sa saya sa bawat Santoleño. Sa kalit, na lente:

DJ Kevin
Guddhi$t
Michael Pangilinan and The Yudawans
The Itchyworms

Napatunayan muli ng One Concierto: magkakasama, hindi mapipigilan ng anumang unos ang Santoleño.

25/08/2025

SULYAP SA LIKHANG-SINE: Konekita Official Video Launching

Napanood niyo na ba ang Konekita Launching Video?

Ngayon, narito ang ilan sa mga stills mula sa nabuong likhang-sine ng Konekita Official Launching Video— tampok ang husay at malikhaing kaisipan ng Sinebayan Productions pagdating sa graphic objects at visual objects, katuwang ang SK Santolan Council, mga IT Professionals.

Batid ng Sinebayan na ang Konekita Community ay higit pa sa isang proyekto dahil ito ay nagsisilbing tulay upang mas mapaigting ang ugnayan at sama-samang pagkilos para sa kaunlaran ng komunidad.

Sa kabuoan, ito ang isang patunay na sa likod ng bawat eksena, mayroong dedikasyon, pagkakaisa, at malasakit para sa mas makabuluhang koneksyon at kaunlaran sa komunidad.

Bisitahin ang website: https://sksantolan-pasig.com/KoneKita/

15/08/2025

SA LIKOD NG LENTE: KoneKita Launching Video

Isang sulyap sa dedikasyon at talento ng SK Santolan Council, mga IT Professionals, at ng Sinebayan Productions sa likod ng KoneKita Launching Video.

Mula sa pagbuo ng konsepto hanggang sa huli— binigyang buhay ang isang bagong online platform para sa mas konektadong komunidad at mas organisado na makahanap ng skilled workers.

Sa bawat eksena, patunay na ang pagkakaisa ang magdudugtong upang makamit ang layunin—mas konektadong komunidad at mas maayos na hanapbuhay.

Batay sa layunin ng Konekita, maaari ka nang:
• Makapag-register bilang jobseeker
• Maghanap ng trabaho o pagkakakitaan
• Makipag-ugnayan sa mga skilled workers ng Santolan

Tara, mag-KoneKita na!

Ang Sinebayan Productions ay malugod na nagpapasalamat sa oportunidad na ito. Sa proyektong ito maraming natutuhan ang bawat isa. Hindi lamang kaisipan ang nabigyan ng kaalaman, sapagkat dedikasyon din ng puso, dahil sa mga nabuong karanasan at samahan na patuloy naming dadalhin at papahalagahan.

Kaya naman bigyan natin ng pagpupugay ang mga skilled workers ng Barangay Santolan. Sabay-sabay nating buhayin ang bagong online platform sa digital na panahon.

Bisitahin ang website: https://sksantolan-pasig.com/KoneKita/

Dahil sa , konektado ka!

13/06/2025

SA LIKOD NG LENTE: KONEKITA COMMERCIAL SHOOT

Matapos nating mapanood ang opisyal na video campaign, silipin naman natin ang ilang saglit mula sa likod ng kamera—mga tagpong puno ng sipag, tiyaga, at galing!

Ang bawat eksena ay bunga ng sama-samang pagkilos ng SK Santolan Council, mga talentadong Santoleño, ang ng Sinebayan Productions—hindi lang para ipakita ang sistema, kundi para ipadama ang layunin: ang pagtulong sa bawat mamamayan na makahanap ng trabaho at serbisyo, nang konektado at maaasahan.

Sa bawat eksenang kinunan, damang-dama ang tunay na diwa ng serbisyo at pagkakaisa.

Huwag kalimutang mag-register at maging bahagi ng KoneKita!

https://bit.ly/KoneKitaRegistration
https://bit.ly/KoneKitaRegistration
https://bit.ly/KoneKitaRegistration

Suportahan natin ang mga inisyatibo ng kabataan para sa kabataan. At bigyang-pugay ang talento ng bawat Santoleño!

26/05/2025

Maraming Salamat, Pasig City Museum!

Lubos ang aming pasasalamat sa Pasig City Museum sa mainit na pagtanggap at pagpayag na ma-cover ang kanilang makulay na Summer Art Workshop 2025: Day 2 - Fabric Painting! Ito ay naganap noong May 16, 2024.

Saludo rin sa mga kabataang kalahok na buong galing at sigasig na ibinuhos sa kanilang obra. Isang pagpupugay sa mga tagapagtaguyod ng programang ito na patuloy na nagbibigay ng inspirasyon at oportunidad sa mga kabataang artist ng lungsod!

22/05/2025

SA LIKOD NG LENTE: GILAS SANTOLEÑO AVP 2025

Silipin ang ilang eksena sa likod ng paggawa ng opisyal na AVP na ipinalabas noong pagbubukas ng Gilas Santoleño League 2025!

Tampok dito ang panayam kay SK Chairman Elijah Boncay na tumugon sa mga tanong ukol sa layunin, nilalaman, at mga pagbabagong dala ng bagong mandato ng SK Reform Law.

Ilan sa mga tinalakay:
-Ilang sports ang kasali ngayong taon
- Gaano karaming kabataang manlalaro ang lalahok
- Paano naapektuhan ng SK Reform Law ang programa
- At ang kanyang mensahe para sa lahat ng kabataang Santoleño

Sinebayan Productions

11/01/2026

11/01/2026

31/12/2025

18/12/2025

31/10/2025

24/10/2025

21/10/2025

25/08/2025

15/08/2025

13/06/2025

26/05/2025

22/05/2025

Address

Website

Alerts

Shortcuts

Share

Category