17/07/2026
Magandang araw mga kabarangay!
Upang mabigyang linaw ang mga tanong, nagtatanong at magtatanong pa lamang, ikinalulungkot po naming ipabatid sa inyo na ang SANGGUNIAN BARANGAY ng STO. NIÑO, ay walang kinalaman sa nangyaring pamimigay ng bigas noong July 15,2026 sa ating barangay. Nakakalungkot mang isipin na ang mga ganitong tulong na mula sa pamahalaang national na sana'y tumutugon sa pangangailangan ng mga nangangailangan sa mga barangay ay HINDI naipagkatiwala at hindi naiicoordinate sa ating mga namumuno sa barangay bagkus ay naging sanhi ito ng samu't saring reaksyon at agam agam sa ating mga nasasakupan.
Gayunpaman, kaalinsabay ng nasabing pangyayari sa parehong petsa at oras, ang Sanggunian Barangay ay nagtungo ng Naujan upang tanggapin ang cheke ng Presidential Assistance na nagkakahalaga ng Php200,000.00 na ipinagkaloob sa ating barangay mula sa programang "Bawat Barangay;Makikinabang". Ang 100k po nito ay ipambabayad sa industrial fan na gagamitin sa ating barangay at mapapakinabangan ng lahat tuwing may mga okasyong ipinagdiriwang o pagpupulong at gawaing isasagawa dito. Ito po ay kasalukuyan ng ipina-process ng ating Ingat-Yaman. Ang 100k naman na para sa ating mga schoolars ay nakadeposito sa account ng ating barangay sa bangko at pwede po itong makuha anumang oras pagkatapos maibigay ng mga scholars ang requirements na kailangan nilang i-comply na kakailanganin naman sa liquidation nito pagkatapos matanggap ito ng ating mga beneficiaries.
Muli po ay pwede po kayong direktang makipag-ugnayan sa tanggapan ng barangay para sa inyong mga concern, tanong at suhestiyon para sa ikauunlad pa ng ating barangay.
Ipanalangin din nawa natin na gawing kasangkapan ng Panginoon upang patuloy at tunay na makaghatid ng solusyon ang mga taong nagiging tulay para maipaabot sa ating mga mamamayan ang tulong mula sa mga mas nakatataas na Pamahalaan.
