22/09/2026
September 22, 2026
Barangay RU 92.9fm
GMA Super Radyo Kalibo
TALK TO PAPA
PROBLEM OF THE DAY
"Saea baea nga umasa nga buligan ako it akong onga, makaron nga may trabaho eon imaw?" - Linda
DEAR PAPA KEN,
Good Day sa tanan!
Tawga eang ako nga si Linda, isaeang ka single mother. Umpisa tag maisot pa ro akong onga nga tawgon naton kay Danny, ako eon ro nag-alaga ag nagpabahoe kana nga solohanon.
Tanan gintinguha-an ko gid nga maita-o kana ro tanan nana nga kinahang-eanon maskin ako hay nagapangalisod sa pagpangita. Maskin ako owa, may ana eang malipayon eon ako maskin mabudlay. Ginapang ko ro anang pagtu-on dahil gusto ko nga mangin mahayag ro anang paea-aboton.
Makaron, may trabaho eon imaw ag naghalin eon sa akong poder dahil gusto na maging independent ag magtrabaho sa Manila bilang Customer Service Rep sa isaeang ka Call Cente nga kompanya ag may mabahoe nga sweldo. Maskin masakit kakon nga maeayo imaw, ginsogtan ko imaw dahil sayod ko nga mas manami ro opportunity idto.
Pero, habang nagabuhay imaw idto, matsa naliptan na eon ako nga may nanay imaw. Kung di ko imaw tawagan, indi man imaw magsabat sa akong tawag. Maskin message eang owa gid, friend man kami sa Facebook.
Nakikita ko sa anang mga post sa FB nga naga-enjoy imaw sa Manila. Permi imaw nagaka-on sa mga sosyal nga restaurant, gabakasyon kaibahan ro anang mga barkada ag may bag-ong gadget kada buean.
Ko nagtaliwan nga buean, nagmasakit ako ag kinahangean ko nga magpaboeong. Ro akong sangkiri nga tinipon hay amat-amat eon nga nagaka-ubos. Nagmessage ako kana, basi kung may ana nga sobra, ag kung pwede nga padaehan na ako it pambakae it bueong, pero ro anang sabat, owa kono imaw it kwarta ag abo kono ro anang gaeastusan.
Owa eon ako nagpilit, pero nagea-in gid ang bo-ot dahil owa gid nana ako ginkumusta kung okay eang baea ako?
Papa Ken, saea baea nga umasa nga buligan ako it akong onga makaron nga may manami eon imaw nga trabaho? O batonon ko eon lang nga may sarili eon imaw nga pangabuhi?
- Linda
