13/09/2026
Dette blir eit annerledes og svært personlig innlegg. Oppfordrar deg til å lese heile.
Om ein liten måned er butikken heile 15år, det har først og fremst vore 15 kjekke år, men det har òg vore 15 tøffe år og dei siste åra har det bare blitt tøffare og tøffare nesten for kvart år og måned.
Det siste året spesielt har vore ekstra tøft, nokon av dåke lurer kanskje på korfor dåke ikkje ser meg, Anne Marie på butikken like mykje og ofte som før? Svaret er dessverre ganske enkelt at etter 15år med jobbing omtrent dag og natt, mandag-søndag i veke etter veke, år etter år med lite fri og tilnærma null ferie har eg dessverre krasja litt i den berømte veggen og mest sannsynlig burde eg nok ha stoppa opp tidlegare enn eg faktisk gjorde og😔 Ønsket er sjølsagt å komma tilbake til den og det eg var før, og det kjem seg gradvis, men det vil ta tid og har tatt tid.
Og på toppen av alt ser og les me nesten vekentlig om andre i bransjen som legg ned, prøver å selga eller går konkurs. Då føles smellen litt ekstra tung. Bransjen er blitt knalltøff og det er dessverre fleire som er i samme båt som meg og har krasja.
Me prøver heile tida å utvikle oss og finne alternative løysingar som då me gjorde butikken til sjølvbetjent utanom åpningstid kvar dag heile året 06-23.
Me kan dessverre heller ikkje leva av kommentarar som «dåke har så mykje fint og godt utvalg» og lignande. Dessverre forsvinn jo òg store mengder sorgbinderi til byrået og til Bergen.
Dagligvarebransjen blir større og større og faghandelen blir mindre og mindre, og fagbutikkar forsvinn vekentlig. Dagligvarebransjen selge ofte ut varer til vår innkjøpspris, noko me ikkje kan gjera. Me må legge lønnskostnader, husleie og mange andre driftskostnadar til i prisen for å klara å overleva, sidan me faktisk skal leva av blomstersalget.
Så vil du beholde fagbutikkane rundt om i lokalmiljøa er det tid for ettertanke og for handling. Me er avhengige av å bli brukt både i det daglige, til kvardagsblomen, sorg og gleder🧡
Legg ved eit par bilder frå andre fagbutikkar som har tatt det tøffe valget om at det er slutt, gode kollegaer i bransjen som legg ned fordi at det blir for tøft å fortsetta. (Det eine frå veldig gode venner og kollegaer og det andre som kom rett før helga og er ein av grunnane til at eg fekk behov for å sette ord på tankane og dette innlegget)
Sjølv har eg så all for mange ganga det siste året tenkt samme tanken, men enn så lenge vil eg kjempa vidare🧡
