Norsk Kystleir

Ring Veibeskrivelse Nettsted Kontakt bedriften

Norsk Kystleir For skuleklassar (6.-10. og feiringar.

klasse, vidaregåande, folkehøgskular, høgskular) - For organisasjonar (4H, idrettslag, skulekorps etc.) - "Ungdom i medvind" for kommunar/bufdir) - For bedrifter (blåtur-seminar) - Storfamiliesamlingar - arr.

Råskinn frå Breimsbygda (Eggenipa 4H) med våtdrakta på i 3 dagar !Vi har hatt tidenes våtaste leir i Krokpollen denne he...
20/09/2026

Råskinn frå Breimsbygda (Eggenipa 4H) med våtdrakta på i 3 dagar !

Vi har hatt tidenes våtaste leir i Krokpollen denne helga. I tillegg ein del vind. Direkte ufyseleg, utriveleg, pissvått, gjørmete, og sleipt.
Destruktive tankar streifar hovudet, og sangen "Mellom bakkar og berg" og setninga "gjev eg var i eit varmare land", kan fort bli ein realitet.
Men regjeringa spanderer vel ein sydentur, alternativt ei solid skattelette, for halvdrukna Vestlendingar etter denne "sommaren".

Denne helga var vi glad for å ha dei tøffaste og barskaste råskinna i landet på besøk i Krokpollen: Breimningar !
Dei kledde seg i våtdrakt kvar dag, og gav seg i kast med vèrgudane.
Med åpne sluser frå oven var det like vått på land som i sjø. Skilnaden på land og hav var berre saltinnhaldet.

Eggenipa 4H mønstra 29 ungdomar og 8 voksne. Omlag alle, også voksne, kasta seg i havet, gav seg i kast med store bølger i småbåtar, og padla kajakkar i motvind med regnet piskande i ansiktet. Her skulle det badast og fiskast. FRISKT !

Tidvis var det så mykje vèr, at ein måtte berre smile. Og smile gjorde dei. Ikkje ei einaste sur mine eller ein einaste sutrande tone var å høyre.
FOR EIN GJENG !

Slike dagar er det ei lukke at Krokpollen har sjøen tett på, for havet har plass til alt som måtte kome ovanfrå.
Ei lukke at vi også har TAK i Krokpollen. Tak er undervurdert, og heilt avgjerande for busetnaden på Vestlandet.
Ein tørka derfor opp mellom øktene, og innandørs hadde vi det heilt glimrande.

Kjøkkenteneste for deltakarane, under leiing av voksne, gav gode måltid, og sjølvsagt kroppsvarme - ettersom 3/4 av det vi stappar inn i munnen går til varmeproduksjon.

Tusen takk til sambygdingar i Eggenipa 4H, både små og store, for ei triveleg og RØFF helg, og ikkje minst for å etterlate ein strøken leir.
Stolt av dåkke !

PS: Det var nokre solglimt innimellom, og då var vi kjappe og tok nokre bileter !

Leirsesongen i Krokpollen er dermed over for i år. Ei heftig og fuktig avsluttning - og vellukka - den også...

Heile 31 arrangement har vi hatt denne sesongen, med varigheit frå 3 til 9 døgn, der 4 døgns arrangement er mest vanleg.

No gjenstår berre 9 døgn med "ungdom i medvind" i haustferien. Deretter vinterlagrar vi båtar og utstyr, sikrar brygger og båtar, og flyttar aktiviteten i Norsk Kystleir til Byrkjelo frå november.

PS 2: Tusen takk til alle som føl facebook-dagboka til Norsk Kystleir !

Nordstranda og Breim skule - 35 tøffe elevar, som stod traust i tunge regnbyer, heilt utan sutring ! 3 lag med hud, gjer...
18/09/2026

Nordstranda og Breim skule - 35 tøffe elevar, som stod traust i tunge regnbyer, heilt utan sutring !
3 lag med hud, gjer mennesket vanntett !

Ein svært flott gjeng kom til Krokpollen mandag, litt skeptiske til nye og ukjende elevar, lærarar, og leirskulepersonale.
Dei fekk ei flott veke og ein flott leir, trass vekslande ver.
Tunge regnbyger, men så vindstille at det var umogleg å segle.
I badeøkter spelar det inga rolle om det regnar.

35 elevar, frå 2 ulike skular, vart godt samansveisa gjennom ulike, og stadig vekslande gruppeinndelingar i 4 dagar.
Båtar er glimrande reiskap for å bli kjent med kvarandre. Det er sosialiserande med parvis samarbeid i kajakk, med 3-4-5-6 i robåtar, 3 personar i tube, 7-8 i fiskebåtar, 12 i hurtiggåande båtar, og ikkje minst gutar som utviklar felles lagånd for å slå jentene i sangkonkurranse - sjølv om dei tapte...

Denne sosialiseringar mellom Nordstrengingar og Breimningar er gunstig med tanke på at 7. klassingane skal byrje på ungdomsskulen til neste år.

Elevane hadde all grunn til å vere skeptiske når leiarskapet i Krokpollen gav beskjed om at dei som har jobba og slite heile livet, fortener mat mest, og skal vere fremst i mat-kø. Dei som ikkje har gjordt eit dagsverk enno, stiller seg bakerst. Klar tale !
Lærarane måtte dermed stille seg framfor elevane, noko dei opplevde som svært ukomfortabelt.
Men så er det også slik at ein skal røyse seg på bussen for gravide damer og eldre mennesker.
Folkeskikk og respekt, med glimt i auget.
Det verste er at elevane godtek argumentasjonen, og stiller seg bakerst...

Når ein ser biletkavalkaden under, kan ein kanskje undre på korleis det er mogleg å få til så mange aktivitetar og så mykje innhald på berre 4 dagar.

Det er 3 grunnar for dette:
1. Vi køyrer doble skuledagar i Krokpollen - 12 timar.
Då slepp vi død-tid. Død-tid er som kjent rota til alt vondt, t.d. konflikter mellom elevar.
På andre leirskular, som sluttar kl. 1500-1600, ville innhaldet vårt tilsvare ein 7-8-dagars leir.

2. Det er også tidsbesparande å gå til dekka matbord 4 gongar for dag, framfor å gruppevis lage mat på stormkjøkken. Det tek minst 2 timar for nybyrjarar.
Stormkjøkken har vi derfor droppa, sjølv om det vert meir krevjande for kokken, og i alle fall når lasagne må lagast i 6 ulike variantar...

3. Elevane har ikkje med seg mobiltelefon ! Takk og lov.
Vår erfaring er at mobiltelefon gjer at dei ikkje er presise når samlingsreveljen går. Det vert mykje ventetid. Nokre snik seg også unna aktivitet for å "game" på mobilen.
Ungdom jaktar ustanseleg på det optimalt behagelege, det aller tryggaste, og underhaldning med høg komfort. Utfordre seg sjølv utom komfortsona, er krevjande for dei fleste ungdomar. Ikkje ulikt den voksne befolkninga...

2 av 4 Gloppen-skular har nytta sin eigen leirskule dei siste 2 åra. Det synest vi i Gloppen-registrerte Norsk Kystleir er svært kjekt - SVÆRT KJEKT !
Etter mange år utan skular frå Gloppen på booking-lista vår, er det stas at Nordstranda og Breim skule no brukar oss.
Vi legg ikkje skjul på at vi har vore frustrert over denne mangeårige handelslekkasjen, og det har sjølvsagt ført til reduserte skatteinntekter for Gloppen kommune...
Kystleiren er Gloppen sin vestlegaste utpost, og er sikkert like lett å gløyme for Gloppen, som Bjørnøya er for Noreg.

Tusen takk til dei unge Nordfjordingane frå Gloppen, som utvilsomt vil halde befolkninga i distriktet oppe på eit høgt også i framtida. Det er flotte ungdomar vi har i Gloppen !

Tusen takk til lærarane for godt og triveleg samarbeid under leiren.
Pga av høge drivstoffutgifter for tida, har vi ein regel om berre ein tur i tube, pr. pers. pr. dag. Derfor er det imponerande at ein lærar greidde å mase seg til 2 turar i Krokpollen sin fornøyelsespark.
(Ein liter bensin = 3 liter pepsi Max).
"Jammen, det er no so kjekt !"

Tusen takk til teamet vårt; Roar Willumsen, Johannes Myklebust, Jordanas Zickus, Roar Henden, og underteikna.
Godt jobba også på årets siste skule-leir !

Lurifax, spåkone, og palleløp.Saman med ungdomane våre besøkte vi Åheim-dagane denne helga. Flott arrangement med mange ...
06/09/2026

Lurifax, spåkone, og palleløp.

Saman med ungdomane våre besøkte vi Åheim-dagane denne helga. Flott arrangement med mange spennande stands og underhaldning.

4 av ungdomane våre stilde sporty opp på palleløp, saman med 2 av våre instruktørar og 30 andre. Alle debutantar. Flott innsats av alle 6, sjølv om ein miste skoen, ei jente fall i vatnet, og ein fullførte med pallane halvmeteren under vatn. Då er det tungt !
Alle vart premierte og ein av våre instruktørar tok like godt ein fin andreplass i debutløpet (sjå video).

Spåkone prøvde vi, og fekk framtida vår blottlagt.
"Lurifax" fekk deltakarane våre til å lage seglbåtar, og presenterte mykje snadder av eigne produkt. Mykje er veleigna til julebordsesongen...

Sjølv fekk eg ein prat med Kjell Brenne, som har varme kjensler for Byrkjelo, der han i 1965 vann 100 meter, slo Richard Simonsen i samløp, og fekk sitt gjennombrot som sprinter. Fleire år på det norske landslaget vart resultatet.
Han viste meg også eit kort over det beste resultatet på 60 meter i Europa i 1967: 6.6 sek. Fleire var notert til 6.6 dette året, og Kjell Brenne var ein av dei.

Åheim-dagane var ei fin oppleving, og det var også resten av helgaopphaldet i Krokpollen. Båtkøyring, fisketurar, rib-turar, tubekøyring i regnveret, og sesongens lengste badeøkt; 3 timar og 40 minutt. Du verda kor uthaldande nokre er.
Jacuzzi-bad med 40 grader var heilt ok etterpå.

Mørkegøymsel er framleis kjekt, sjølv for godt voksne.

Takk til ungdomane for ei flott helg saman med dykk.

Nær 90 elevar frå Eid ungdomsskule har vore på leirskule i eigen kommune dei siste 2 vekene; Norsk Kystleir i Krokpollen...
03/09/2026

Nær 90 elevar frå Eid ungdomsskule har vore på leirskule i eigen kommune dei siste 2 vekene; Norsk Kystleir i Krokpollen, Stad kommune. Stad kommune sitt sørvestlegaste punkt.
Krokpollen er nært, men likevel fjernt for dei fleste.

Denne veka har 44 9.klassingar vore i Krokpollen på leirskule.

Ein hærleg gjeng som har fått kjennskap til sjølivet i mange ulike versjonar.
- Robåt
- Kajakk
- Påhengsmotor
- Segling
- Fiske
- Knopar og stikk

Meistring, prøving og feiling (sjå videoar), og nye opplevingar.

I tillegg har dei fått oppleve Krokpollen som rekreasjonsarena, friluftslivsarena, aktivitetspark, fotballarena, og som fornøyelsespark (tube-køyring, badeland med whirlpool bath, og allsang langt over grensa).

Historisk båtreise rundt Rugsundøy med vandring på krigsstillingane på Tongane, båtstopp under Europas høgste havklippe (Hornelen 860 m.o.h.) med historier om kong Olav Trygvasson, dronning Ingerid, og landets eldste butikk (Rugsund handelsstad).

Det er mykje i elevane sitt eige nærmiljø som er heilt ukjend kunnskap for dei. Ikkje minst er eigen nærgeografi og vår storslåtte natur, i landets 5. lengste fjord, kjekt for oss å formidle og vise fram.
Nordfjord har svært mykje å by på, og det er viktig at vår eigen ungdom er bevisst på at dei bur midt i verdas mest attraktive reisemål.
Eit av Norsk Kystleir sine mål er å dyrke røter og skape identitet til begrepet "heime". Vi vonar at våre gjester får utvida heimekjensle til Nordfjord og Vestlandet ved opphald i Krokpollen. Vi trur det styrker lysta til framtidig busetnad i landsdelen.

Denne veka hadde vi 2 fineversdagar, og ein klisj blaut dag med mykje vind. Bølgjer og båt er ein glimrande læringsarena, der ein kjenner på elementa, får respekt for naturkreftene og kjenner på grensene i høve eigen kompetanse. Det er LÆRING.

Nokre av bileta under ser meir dramatiske ut enn dei var, og vi hadde følgjebåtar tett på småbåtane som sikring. Elevane løyste utfordringane på ein glimrande måte, sjølv om nokre "gynga" lenge etter at dei kom på land.

Tusen takk til elevar og lærarar for godt og triveleg samspel gjennom 4 gode dagar.
Tusen takk til vårt eige team for glimrande innsats.
Tusen takk til Eid ungdomsskule og Stad kommune for leirskuleoppdraget.

Nyt bileter og videoar av unge, friske Nordfjordingar gjennom gode dagar, proppa av meistring og opplevingar.
I Krokpollen køyrer vi doble skuledagar (0900-2300), kjemisk fritt for kjøpesenter og asfalt.
Det kan vere sunt for barn av den digitale verda...

Facebook-dagboka kan melde om ivrige og livlege deltakarar frå Troda 4H denne helga (Davik, Rugsund, og frå fleire stada...
30/08/2026

Facebook-dagboka kan melde om ivrige og livlege deltakarar frå Troda 4H denne helga (Davik, Rugsund, og frå fleire stadar på sørsida av Nordfjord).
22 deltakarar og 5 voksne inntok Krokpollen frå fredag til søndag, klar for ulike aktivitetar i saltvatn.

Kong Harald sin død var markert med flagg på halv stang, og ein liten prat om monarken, som var i Nordfjord med kongeskipet i fjor. Då passerte han både Davik og Krokpollen. Underteikna fekk sjølvsagt også nemnt at eg har vore så heldig at har fått helst både på kong Harald og på kronprins Haakon, no kong Haakon den 8.

4H-eldsjela Camilla Nesheim hadde med seg ein flott flokk, både deltakarar og voksne, og hadde som vanleg organisert heilt glimrande. God luksusmat vart servert, og dessert-isen på laurdag kveld, servert på party-flåten, sler det meste.

Vi er storleg imponert over 4H-rørsla på begge sider av Nordfjord. Mange medlemer, godt organisert, med solid og kontinuerleg leiarskap.
Dei bidreg til gode og trygge oppvekstkår, til samhald, til livsglede, og til identitetsbygging som gjev gode røter for framtidig busetnad i Nordfjord.
Dette er politikk i praksis !

Tusen takk til ungdomar og voksne for eit triveleg besøk frå hi sida av fjorden.
Tusen takk også for gode ord og gåver.

Helsing Roar og Magnus.

Krokpollen er ein arena for livsglede, livslyst, og meistring.I dag er det likevel flagg på halv stang på Norsk Kystleir...
28/08/2026

Krokpollen er ein arena for livsglede, livslyst, og meistring.
I dag er det likevel flagg på halv stang på Norsk Kystleir.

Idrettskongen, integreringskongen, samlingskongen, folkekongen, og heile nasjonen sin bestefar, kong Harald, er død.

Kondolerer til kongefamilien, og lukke til med gjerninga for kong Haakon den 8.

Draumedagar for Eid ungdomsskule !Det vart full klaff for 45 sommarhungrige elevar, då dei traff sesongens beste dagar i...
27/08/2026

Draumedagar for Eid ungdomsskule !

Det vart full klaff for 45 sommarhungrige elevar, då dei traff sesongens beste dagar i Krokpollen.
Sol, sol, og sol - i 4 dagar !

Segling, kajakk, knopar og stikk, roing, bading.
Påhengsmotorkurs, fisketurar, og bading igjen.
Historisk båttur rundt Rugsundøy, morgongymnastikk, tubekøyring, helsing på cruise-skip, allsang langt over grensa, bålkos på partyflåte, tur med "Nordfjordtausa", drikking av "heksepiss" under Hornelen, haustmørkeleiken "mission impossible", gode måltid, skattejakt med kajakk, kartnavigasjon og oppdragsløysing med motorbåt, og badeøkt igjen.

12 timars dagar med full aktivitet gav smilande og blide elevar, også for dei som ikkje smiler så mykje i skulekvardagen.

Betre dagar får verken elevar, lærarar, eller personalet i Krokpollen.

Tusen takk til elevar og lærarar for godt samarbeid, for velfyllt minnebok, og for at vi fekk dele årets beste sommardagar med dåkke !
(fleire bileter kjem frå eventyrproduksjonen i Krokpollen).

Heile 42 deltakarar frå Trekløveret 4H, Kjølsdalen, var i Krokpollen desnne helga. Kanskje er det Nordfjord si største 4...
23/08/2026

Heile 42 deltakarar frå Trekløveret 4H, Kjølsdalen, var i Krokpollen desnne helga. Kanskje er det Nordfjord si største 4H-gruppe ?
Og det er så vidt bygda har eit namneskilt ved riksvegen...

8 voksne var dei også, totalt 50 personar frå den vesle bygda. Imponerande !
Dei har vore i Krokpollen på leir i over 15 år, og har allereide bestilt plass til neste år.
Dianne Eikås har drive 4h-arbeid lenge før dagens 18-åringar var fødde, og ho har god støtte frå ei stor og ivrig foreldregruppe. Dei servar ungdomen på ein framifrå måte.
Det vert lagt ned eit imponerande frivilleg arbeid langs ytre Nordfjord.
Gode oppvekstkår = gode folk ! Godt jobba !

Hei og Hå 4H - Bryggja !Våre sambygdingar frå Bryggja har besøkt Krokpollen denne helga. Årlege besøk i over 15 år ! Det...
16/08/2026

Hei og Hå 4H - Bryggja !

Våre sambygdingar frå Bryggja har besøkt Krokpollen denne helga. Årlege besøk i over 15 år ! Det er hyggeleg naboskap !

25 unge lovande 4H`arar, er priviligert som kan ha med seg gode voksne i støtteapparatet sitt - nokre i årevis. Det er ikkje sjølvsagt !

4H-rørsla styrkar oppvekstkåra, noko som ser ut til å vere viktigare enn nokon gong før. Leiarskapet med Nina Helen Midtbø i spissen, er bevisst utfordringane også små bygder står i.

Svært flott gjeng desse 4H`arane; aktivitetsglade, ryddige, og med ein inderleg innsats. Vi måtte til med desibel-målar får å kåre gutane som sigerherrar i songkonkurransen.

Nyt aktivitetsbileta frå ei helg med varierande vèrtilhøve.....men no byrjar skulane igjen, så då tittar vel sola fram ?

Tusen takk "hei og hå - 4H", for gode dagar, og ikkje minst er leiren strøken etter besøket.

Takk for 7 gode år Daniel !Daniel Meling kom til oss som praksis-student frå friluftslivsutdanning i Volda for 7 år sida...
16/08/2026

Takk for 7 gode år Daniel !

Daniel Meling kom til oss som praksis-student frå friluftslivsutdanning i Volda for 7 år sidan.

Svært ivrig, god på kommunikasjon med ungdom, allsidig, og ein særs god motivator. Eit pedagogisk naturtalent og ein ungdomsmagnet. Eigenskapar ein ikkje kan studere seg til.

Når ungdomar som absolutt ikkje vil bade, plutseleg er ikledd våtdrakt og tek back flip frå stupebrettet, då veit vi at Daniel har lagt breisida til.

- Slike folk veks ikkje på tre, tenkte vi, og dermed har han vore med oss i 7 år.
Daniel har vore ein stor berikelse for Norsk Kystleir - TUSEN TAKK !

Vi vonar Daniel også har hatt godt utbyte av åra i Nordfjord.

Konkurranseinstinktet ligg på utsida av Daniel, til og med i yatzy. For å behalde trivselen i leiren, har vi derfor tapt litt på omgang, både i "idiot", mattis, og kasino smyg.

No ventar vidare studier i heimbyen Stavanger, der det vert masteroppgåve i idrett.

Vi ønskjer han lukke til med studiane, og han slepp mobbinga om skarre-R, når han no flyttar heim til "sine eigne" - dei som ikkje greier å seie R.

Daniel er velkomen tilbake til oss når han vil, og han har bebuda
ei storhending i Krokpollen innan 3 år. Vi ventar i spenning !

Vi har blitt svært glade i denne karen, og vi kjem til å sakne han.

Lukke til med nye kapittel i livet Daniel !

Adresse

Vågsøy
Bryggja
6711

Telefon

+4799715222

Nettsted

Varslinger

Bli den første som får vite det: Vi sender deg en e-post når Norsk Kystleir legger ut nyheter og kampanjer. E-postadressen din brukes ikke til noe annet formål, og du kan melde deg av når som helst.

Kontakt Bedriften

Send en melding til Norsk Kystleir:

Snarveier

Del

Kategori