Norsk Kystleir

16/08/2026

Hei og Hå 4H - Bryggja !

Våre sambygdingar frå Bryggja har besøkt Krokpollen denne helga. Årlege besøk i over 15 år ! Det er hyggeleg naboskap !

25 unge lovande 4H`arar, er priviligert som kan ha med seg gode voksne i støtteapparatet sitt - nokre i årevis. Det er ikkje sjølvsagt !

4H-rørsla styrkar oppvekstkåra, noko som ser ut til å vere viktigare enn nokon gong før. Leiarskapet med Nina Helen Midtbø i spissen, er bevisst utfordringane også små bygder står i.

Svært flott gjeng desse 4H`arane; aktivitetsglade, ryddige, og med ein inderleg innsats. Vi måtte til med desibel-målar får å kåre gutane som sigerherrar i songkonkurransen.

Nyt aktivitetsbileta frå ei helg med varierande vèrtilhøve.....men no byrjar skulane igjen, så då tittar vel sola fram ?

Tusen takk "hei og hå - 4H", for gode dagar, og ikkje minst er leiren strøken etter besøket.

16/08/2026

Takk for 7 gode år Daniel !

Daniel Meling kom til oss som praksis-student frå friluftslivsutdanning i Volda for 7 år sidan.

Svært ivrig, god på kommunikasjon med ungdom, allsidig, og ein særs god motivator. Eit pedagogisk naturtalent og ein ungdomsmagnet. Eigenskapar ein ikkje kan studere seg til.

Når ungdomar som absolutt ikkje vil bade, plutseleg er ikledd våtdrakt og tek back flip frå stupebrettet, då veit vi at Daniel har lagt breisida til.

- Slike folk veks ikkje på tre, tenkte vi, og dermed har han vore med oss i 7 år.
Daniel har vore ein stor berikelse for Norsk Kystleir - TUSEN TAKK !

Vi vonar Daniel også har hatt godt utbyte av åra i Nordfjord.

Konkurranseinstinktet ligg på utsida av Daniel, til og med i yatzy. For å behalde trivselen i leiren, har vi derfor tapt litt på omgang, både i "idiot", mattis, og kasino smyg.

No ventar vidare studier i heimbyen Stavanger, der det vert masteroppgåve i idrett.

Vi ønskjer han lukke til med studiane, og han slepp mobbinga om skarre-R, når han no flyttar heim til "sine eigne" - dei som ikkje greier å seie R.

Daniel er velkomen tilbake til oss når han vil, og han har bebuda
ei storhending i Krokpollen innan 3 år. Vi ventar i spenning !

Vi har blitt svært glade i denne karen, og vi kjem til å sakne han.

Lukke til med nye kapittel i livet Daniel !

16/08/2026

Flott veke for ungdom i medvind frå fredag til fredag. Bl.a. segltur til Eid med Bavaria 49.
God aktivitet i klatreveggen på Eid.
Gode dagar trass vått ver.

09/08/2026

Våt, men triveleg helgasamling.

Regn, regn, og regn... og dels mykje vind.
Ikkje til hinder for aktivitet likevel, sjølv om det sikkert vert nok av innandørsaktivitetar som puslespel, kortspel, og matlaging.

Søndag vart, trass alle negative vermeldingar, ein flott dag i Krokpollen.
Fisketur, stor badeøkt, Rib-båt og tube-køyring, og ikkje minst fekk vi innvia ein ny badestamp som vart frakta inn i leiren på fredag.

Oljehyre måtte til på laurdag, og skliing på magen forvandla plenen til eit gjørmehol.

Bursdag vart feira med kake, og mykje god mat.

Denne helga vart det også mekka litt, og fleire båtar fekk nytt liv etter forgassar-rensing.

Takk for gode dagar saman med flott ungdom.

29/07/2026

Når syskjenborn på 30-45 år er tilbake i ten-åra…

28/07/2026

Familietreff i Krokpollen.

Sist veke var det stort slekts-stemne i Krokpollen.
Over 40 slektningar leika i havet, fiska, hadde krabbefest, pusla puslespel, og naut god mat.
Ein svært aktiv familieleir.

Gamle relasjonar vart fornya, nye relasjonar vart skapt, og slektsminner vart foreviga.

4 søsken, 11 søskenbarn, ei røys 3-menningar, og mange flotte representantar for nytt blod i slekta.

Vi trur at felles opphav for denne gjengen hadde fryda seg, og vore svært stolte over samspelet og banda mellom desse etterkommarane.

16/07/2026

Fjordenes Tidende med flott reportasje frå sommarleiren ved Norsk Kystleir i Krokpollen sist veke. Krokpollens venneforening var arrangør, og desse jentene har vore på leir her 13-15 gongar ! For det meste med Trekløveret 4H, men også med skulekorps, sommarleirar, Kjølsdalen montesorriskule, og Eid ungdomsskule.

15/07/2026

Fjordenes Tidende med stor reportasje frå sommarleiren 2026.

Norsk Kystleir i Krokpollen samla rundt 50 deltakarar til sommarleir. To av dei er søstrene Martina Telvik og Hanna Telvik.

10/07/2026

Krokpollens venneforening ?

Slik vert du medlem:
Bet. kr. 100,- til knt. nr. 3705 62 25561.
Namn, tlf, og mailadresse. Merk: «medlem".

Vi ønskjer deg med på laget ! Vi ønskjer deg med på barne- og ungdomsarbeid på sitt beste, på sitt viktigaste, og på eit særleg breitt plan.

Betalande medlemer vert INVITERT til FB-sida til Krokpollens venneforening. Innsyn.
Roar Willumsen er adm. for sida.

Bileta:
Deltakarar på Sommarleir 2026.