22/03/2025
नेपाली नयाँ वर्ष २०८२ को भव्य सांस्कृतिक उत्सव
“नेपालको पहिचान, हाम्रो गौरव”
हाम्रो भूमि सगरमाथाको शिर उचाल्ने देश, शान्तिका अग्रदूत गौतम बुद्ध जन्मेको पवित्र भूमि, विविध संस्कृति र परम्पराले भरिपूर्ण नेपाल! अब यही नेपाललाई माल्टाको मुटु भ्यालेट्टामा उजागर गर्ने समय आएको छ।
यसपालिको नेपाली नयाँ वर्ष २०८२, एक साधारण उत्सव मात्र होइन !
वेशभूषा, बाजागाजा, झाँकी, संस्कृति, र परम्पराको अनुपम संगम हुनेछ!!
राष्ट्रियता झल्काउँदै, फर्फराउँछ नेपाली झण्डा,
माटोको सुगन्ध बोकेर, हामी उभिन्छौं स्वाभिमानका साथ !!
नेपालीपनको सुगन्ध छर्दै, हिमाल, पहाड, तराईको साझा पहिचानलाई विश्वमाझ चिनाउने एउटा अनुपम अवसर हुनेछ।
✅ मिति: अप्रिल १४, २०२५
✅ स्थान: valleta triton fountain
हामी सबै मिलेर, पुरानो वर्षका थकान र चिन्तालाई एक दिनको विश्राम दिऊँ,
र नयाँ वर्षलाई उल्लास, उमंग, र उत्साहका साथ स्वागत गरौँ।
माल्टामा रहेका विभिन्न संघसंस्था, समुदाय, र महानुभावहरूको अपार साथ र समर्थन हामीसँग छ।
तसर्थ, चाँडै नै बैठक आयोजना गरी आवश्यक परामर्श र सहकार्यका लागि निमन्त्रणा गरिनेछ।
नेपाललाई अझ मजबुत बनाउने हाम्रो यात्रामा तपाईंको उपस्थिति अनिवार्य छ!
“आउनुहोस्, संस्कृति बचाऔँ, नेपाललाई चिनाऔँ, र नेपाली नयाँ वर्षलाई ऐतिहासिक बनाऔँ!”
