07/05/2026
АМИНЫ ОРОН СУУЦАНД НАРНЫ ПАНЕЛЬ СУУРИЛУУЛЖ,
ИЛҮҮДЭЛ ЦАХИЛГААНАА СҮЛЖЭЭНД БОРЛУУЛАХ ЗӨВЛӨМЖ 👍
1. ХЭРХЭН АЖИЛЛАДАГ ВЭ?
Нарны панель → Инвертер → Гэрийн хэрэглээ → Илүүдэл цахилгаан түгээх сүлжээнд
Өдрийн цагаар үйлдвэрлэсэн цахилгаан эрчим хүч эхлээд таны гэрийн хэрэглээг хангаж, илүүдэл нь төвийн түгээх сүлжээнд нийлнэ.
2. ЯМАР ЧАДАЛ ТОХИРОМЖТОЙ ВЭ?
3 кВт - Бага хэрэглээтэй айл
4,000–5,000 кВт.ц/жил
5 кВт - Жижиг амины орон сууц
6,500–8,000 кВт.ц/жил
8 кВт - Цахилгаан хэрэглээ өндөр айл
10,000–12,500 кВт.ц/жил
10 кВт - Том байшин
13,000–16,000 кВт.ц/жил
Ихэнх айлд 5–8 кВт-ын on-grid систем тохиромжтой.
3. ИЛҮҮДЭЛ ЦАХИЛГААНЫ ТАРИФ
06:00–17:00
285 төг/кВт.ц
17:00–22:00
300 төг/кВт.ц
Тариф нь НӨАТ-гүй.
4. 20 кВт ХҮРТЭЛ ХОЛБОЛТЫН ҮЙЛ ЯВЦ
1. Хялбаршуулсан хүсэлт гаргана.
2. Түгээх байгууллага холбох боломжийг 5 ажлын хоногт судалж, хариу мэдэгдэнэ.
3. Угсралтын дараа газар дээр нь 3 ажлын хоногт шалгалт хийж, шаардлага хангасан эсэхийг баталгаажуулан тоолуурт лац тавина.
4. Шаардлага хангасан тохиолдолд 3 ажлын хоногт гэрээнд нэмэлт оруулж, сүлжээнд холбоно.
20 кВт хүртэл — хялбаршуулсан журам
5. ТЕХНИКИЙН ХАМГИЙН ЧУХАЛ ШААРДЛАГА
Панелийг өмнө зүг рүү, сүүдэр багатай байрлуулах
On-grid эсвэл hybrid инвертер сонгох
Хоёр чиглэлтэй тоолууртай байх
Газардуулга, аянга хамгаалалт, SPD хамгаалалттай байх
Сертификаттай тоног төхөөрөмж, туршлагатай тусгай зөвшөөрөлтэй гүйцэтгэгч сонгох
6. 5 кВт СИСТЕМИЙН ЖИШЭЭ ТООЦОО
Жилийн үйлдвэрлэл: 7,000 кВт.ц
Өөрөө хэрэглэсэн: 4,200 кВт.ц буюу 60%
Сүлжээнд нийлүүлсэн: 2,800 кВт.ц буюу 40%
Илүүдэл борлуулалтын орлого:
2,800 × 285 = 798,000 төг/жил
Үүн дээр өөрийн хэрэглээний цахилгааны хэмнэлт нэмэгдэнэ.
7. МЭРГЭЖЛИЙН ЗӨВЛӨМЖ
Эхний ээлжинд өөрийн хэрэглээг хангах хэмжээний 5–8 кВт-ын on-grid системээс эхлэх нь хамгийн зөв. Батерейгүй систем нь хөрөнгө оруулалт багатай, өгөөж өндөртэй. Дараа нь хэрэглээ нэмэгдвэл hybrid инвертер + battery шийдэл рүү өргөтгөж болно.
Эх сурвалж:
Эрчим хүчний сайдын 2026.03.02-ны А/42 тушаал;
ЭХЗХ-ны 2021.06.24-ний 390 дүгээр тогтоол.
АМИНЫ ОРОН СУУЦ ЭКСПО 2026 оны 5 сарын 15-17-нд БАРИЛГАЧИН худалдааны төвд болно.