Байгальд Ээлтэй Монгол - Nature Friendly Mongolia

03/02/2026

МОНГОЛЧУУДАА, БҮГДЭЭРЭЭ БАЙГАЛЬД ЭЭЛТЭЙ АМЬДАРЦГААЯ Л ДАА...ГУЙЖ БАЙНА. ТЭНГЭР ШҮТЛЭГТЭЙ БҮХ ИРГЭД ДУУ ХООЛОЙГОО ӨРГӨНӨ ҮҮ...

03/02/2026

03/02/2026

ТАНЫ ДУУ ХООЛОЙ ХЭРЭГТЭЙ БАЙНА
Ухаанд хүмүүс бидний барьсан ШОР шиг үзүүртэй хашаанд зэрлэг амьтад орооцолдож амь тасартлаа тэмцэж эцэст нь үхэж үрэгдэн, зарим нь яг үхсэн хэвээрээ хашаанд тохогдон БОРЦ болон үхдэг дүр зураг анх удаа биш юм аа. Энэ бол МОНГОЛЧУУД бидний хэдэн арван жилийн ЭМГЭНЭЛТ ТҮҮХ бөгөөд хэдэн зуун, хэдэн мянган амьтан ийм хэрцгий байдлаар БИД АЛСАН. Хамгийн сүүлд 2023 онд төмөр замын дагуу тооллого хийхэд 2000 зэм тоолсон. Тиймээс нийгэмд энэ сэдэв хүчээ авч олны анхааралд өртсөн энэ үед энэхүү сэдвийг дахин хөндөж байна. Та бүхэн өөрийн нүүр хуудасдаа тавьж эдгээр амьтны ирээдүйд дуу хоолойгоо өргөн үү. Баярлалаа!

02/02/2026

https://www.facebook.com/share/v/1BEdUusTKa/?mibextid=wwXIfr

01/05/2025

Төмөр замын хашаагаа бүгдийг өөрчилж, өргөсгүй болгож амьтдад ээлтэй болгосон миний Монголчуудаа. Айлын хүмүүс ч дор дор нь арга хэмжээ авах юм.
Хойд Америкт манай орны цагаан зээртэй төстэй нүүдэл хийдэг, амьдралын хэв маягтай Pronghorn (Пронхорн) гэдэг нэгэн зүйлийн зээр бий. Эдгээр амьтад 2022-2023 оны өвөл болсон, урьд өмнө хэзээч байгаагүй тийм их цастай өвлийн улмаас их нүүдэл хийжээ. Олон тоогоор ч хорогдсон байна. Манайхаар бол ЗУД болж ээ. Зуд болхоор манай орны цагаан зээр их нүүдэл хийж, бас олноороо үхдэг. Гэхдээ манайд зуд болох давтамж, хүнд хэцүү жилүүдийн давтамж их тул цагаан зээрийн нүүдэл их.
Энэ их зуднаар Хойд Америкийн эдгээр зээрүүд торон хашаанд тулж, нүүдлээ үргэлжлүүлж чадахгүй болсоноор олноороо үхсэн байна. Тиймээс Америкчууд хашаагаа өөрчилж, амьтдад ээлтэй болгож байгаа юм байна. Үүнийгээ энэхүү видеогоор дамжуулж гаргасан байна.

25/12/2024

Хүний хөл хөдөлгөөн харьцангуй багатай газар, уст цэгийг түшиглэн том том харууц сайтай гүүрүүд зам дагуу олноор барих нь зэрлэг амьтдад ээлтэй байдаг байна. Гүүрэн гарцны харууцтай байдал буюу openness 30.77 түвшингээс их бол амьтад тухайн гарцаар гарах магадлал их байдаг байна.
Замын инженер болон бүтээн байгуулалтад гар бие оролцдог хүмүүст нэмэлт мэдээлэл болгож хуваалцаж буй учраас та бүхэн сайн share хийгээд бусадтай хуваалцаж өгнө үү. Баярлалаа та бүхэнд.

Хятадын баруун хойд хэсэгт буюу Монголын баруун өмнөд хязгаартай бараг залгаа орших Kalamaili-ийн байгалийн нөөц газарт Хулан, хар сүүлтийн нүүдэлд шинээр барьсан хурдны замын нөлөөг судалсан байна. 2020 онд энэ замын дагуу зэрлэг амьтанд зориулсан 22 гарам гарц барьжээ. Гарцууд нь 3-10 метрийн өндөртэй, 20-50 метрийн өргөнтэй 26 метр урт үргэлжилсэн гүүрүүд юм байна. Үүний дараа судлаачид хоёр жилийн хугацаанд 214 автомат камер 22 гарц гарамны дагуу суулгаж амьтад эдгээр гарцуудыг хэр их ашиглаж байна, мөн ямар хүчин зүйлүүд нөлөөлж байна хэмээн судалсан байна. Нийт 43,215 зураг ашигласан бөгөөд Хулан, хар сүүлт, туулай, үнэг, шилүүс, чоно, шилүүс зэрэг амьтад эдгээр гарцуудыг ашигласан. Гол үр дүн нь хүний нөлөө, уст цэгийн байршил, мөн гарцууд хаана байршуулсан, мөн тухайн гарцны харууцтай байдал зэрэг хүчин зүйлээс хамааран Хулан, хар сүүлтийн эдгээр гарцуудыг ашиглах байдал өөр өөр байжээ.

15/12/2024

Засмал замаар машин илүү их явдаг бас хурд ихтэй явдаг учраас хурдны засмал зам амьтдын нүүдэлд сөргөөр нөлөөлдөг. Төвд бөхөн нүүдлийнхээ үед хурдны замаар гардаг бөгөөд энэ үед нь машинуудыг зогсоож, хөдөлгөөнийг хорих арга хэмжээ авдаг байна. Энэхүү арга нь богино хэмжээнд авч буй арга юм. Хэрвээ нүүдлийн замыг нь судлаад тодорхой болгочихвол улирлаар нүүдэллэдэг, нүүдлийн корридор нь тодорхой амьтдын хувьд нүүдлийн замд нь дээгүүр, доогуур гарам гарц барих арга нь урт хугацааны тохиромжтой арга юм. Харин нүүдлийн корридор нутаг нь тодорхойгүй хэрмэл амьдралтай манай орны тал хээр, говийн амьтдын хувьд том том урт гүүрэн гарцуудыг ойр ойрхон барьж байгуулах нь тэдний нүүдэл болон хэрмэл шилжилт хөдөлгөөнийг аюулгүй байлгахад чухал үүрэгтэй. Хөгжиж болно, гэхдээ байгальдаа ээлтэй хөгжлийн төлөө хамтдаа шийдэл олох нэн чухал.

https://www.facebook.com/ChinaGlobalTVNetwork/videos/833860285369256/

21/11/2024

Говийн Их дархан цаазат газрын амьтад болон экосистемийг хамгаалах үйлсийг дэмжих зорилгоор ЗУРАГТ ХУУДАС (ПОСТЕР) бүтээх уралдаан зарлагдсан байна.

Экосистемийн хамгаалалд хувь нэмэр оруулах хүсэлтэй хүн бүрийг уралдаандаа идэвхтэй оролцохыг урьж байна! 🌱

Говийн Их Дархан Цаазат газрын амьтад болон экосистемийг хамгаалах үйлсийг дэмжин, ЗУРАГТ ХУУДАС буюу (ПОСТЕР) бүтээх уралдаанаар дамжуулан олон нийтэд дэлгэрүүлэх зорилгоор энэхүү тэмцээнийг "Экологи-Эрдэм клуб" нь Монголын байгаль орчны иргэний зөвлөл Монголын Байгаль Орчны Иргэний Зөвлөл, Ханнс-Зайделийн сангийн Монгол дахь төлөөлөгчийн газар Hanns Seidel Foundation Mongolia , Олон улсын тахь группийн Монгол дахь төлөөлөгчийн газар International Takhi Group байгууллагуудын дэмжлэгээр зохион байгуулж байна.

📌Уралдаанаар дамжуулан:
- Оролцогчдын чөлөөт, бүтээлч сэтгэхүйг дэмжих, тэдэнд бүтээлээрээ дамжуулан үзэл бодлоо
илэрхийлэх боломж олгох
- Говийн экосистем, байгалийн онцлог, ховор амьтдын ач холбогдлыг сурталчлах, тэдгээрийн талаарх
мэдлэгийг олон нийтэд түгээх
- Байгаль болон ховор амьтдад тулгарч буй аюул заналхийллийг ойлгуулах, тэдгээрийг хамгаалах
хэрэгцээ, ач холбогдлыг тодотгох
- Байгаль хамгааллын талаарх мэдлэгийг нэмэгдүүлэх, олон нийтийг оролцоход уриалах

📌Бүтээлд тавигдах шаардлага:
- Бүтээлийг онлайнаар буюу зурган файл (.png) хэлбэрээр хүлээн авна.
- Бүтээл нь сэдэвтэйгээ уялдаа холбоотой байх
- Хуулбарлан дурайхгүй байх
- Арга барил, ашиглах материал, программ чөлөөтэй
- Гоо зүй болон ёс зүйн хэм хэмжээг баримтлах
- Бүтээлд нэмэлт тайлбар хэрэгтэй гэж үзвэл хавсарган илгээж болно.
- Өгөгдсөн хугацаанаас хэтэрсэн тохиолдолд бүтээлийг хүлээн авахгүй.

📌Шалгаруулах журам:
- Олон нийтийн дэмжлэг (лайк, шэйр) тоог харгалзан үзнэ.
- Дүрслэл болон хөндсөн асуудал нь оновчтой байх.

🙋‍♀️🙋‍♂️Уралдааны талаарх дэлгэрэнгүй мэдээллийг доорх зурагт мэдээллээс хүлээн авна уу.

📌Оролцогчид бүтээлээ өөрийн биеэр болон цахим хуудсаар илгээх боломжтой буюу орон нутгаас оролцох боломжтой юм.

Бидний мэдээллийг хүлээн авч буй та бүхэнд баярлалаа. Уралдаанд идэвхтэй оролцохыг уриалж байна.🐾

21/11/2024

Говийн Их дархан цаазат газарт Нарансэвстэйн боомт нээгдсэнээр ховордсон амьтад болох Мазаалай баавгай, Хавтгай тэмээ зэрэг амьтдын амьдрах орчинд ноцтой аюул учирч, цаашид устаж үгүй болох эрсдэлд орно. Байгалийн энэ хосгүй өвийг хадгалж үлдэхийн тулд та, бид бүхний оролцоо, дуу хоолой чухал юм.

08/11/2024

Дэлхийн өвийн конвенцийг 1972 оны 11-р сарын 16-нд ЮНЕСКО-гийн Ерөнхий бага хурлаар батлаж 1975 онд хорин улс гарын үсгээ зурснаар Конвенци хүчин төгөлдөр болсон байна. 2024 оны байдлаар нийт 195 орон энэхүү Конвенцид нэгдэн оржээ.

Дэлхийн өвийн конвенцийг 1972 онд батлаж буй нь, Парис Франц © ЮНЕСКО

ENGLISH

The World Heritage Convention was adopted on 16 November 1972 by the General Conference of UNESCO. It formally took effect upon ratification by the first 20 States Parties in 1975. As of 2024, 195 countries have become parties to the Convention.

Adoption of the 1972 World Heritage Convention in room 1, UNESCO, Paris France © UNESCO

01/11/2024

ӨВ ГЭЖ ЮУ ВЭ?

Өв гэдэг ойлголт нь өвөг дээдсээс уламжлан ирсэн өнөөдөр бидний залгамжлан явж ирээдүй хойч үедээ өвлөн үлдээх хөрөнгийг хэлнэ. Соёлын болон байгалийн өв нь амьдралын ахин давтагдашгүй эх сурвалж, урам зориг юм.

ENGLISH

Heritage is our legacy from the past, what we live with today, and what we pass on to future generations. Our cultural and natural heritage are both irreplaceable sources of life and inspiration.

https://whc.unesco.org/en/about/