20/06/2026
ДАРХАН-УУЛ АЙМАГТ АЯЛАЛ ЖУУЛЧЛАЛЫН САЛБАРЫН СУРГАЛТ ЭХЭЛЛЭЭ
Зочлох үйлчилгээний байгууллагуудын үйлчилгээний чанар, ажилтнуудын харилцааны ур чадварыг сайжруулах, дижитал шилжилтийг эрчимжүүлэх, орон нутгийн аялал жуулчлалын бүтээгдэхүүн хөгжүүлэлтийг дэмжих зорилготой сургалт аймгийн Соёл, урлаг, аялал жуулчлал, залуучуудын газарт өнөөдөр /2026.06.20/ зохион байгуулж байна.
🔹Тус сургалт нь БНСУ-ын KOICA байгууллагын дэмжлэгтэйгээр зохион байгуулагдаж байгаа бөгөөд зочлох үйлчилгээний салбарын ажилтнууд, аялал жуулчлалын бизнес эрхлэгчид, орон нутгийн мэргэжилтнүүдийг чадавхжуулахад чиглэж байна. Сургалтын хүрээнд практикт суурилсан зочид буудлын харилцагчийн үйлчилгээний стратеги, дижитал маркетинг, бүс нутгийн аялал жуулчлалын бүтээгдэхүүн хөгжүүлэлтийн чиглэлээр мэдлэг, ур чадвар олгоно.
Сургалтын үндсэн хөтөлбөр:
1.Үйлчилгээний чанарыг сайжруулах практик сургалт:
- Үйлчлүүлэгчийн MOT болон үйлчилгээний мөчлөгийн тухай ойлголт, DISC хэв шинжид суурилсан харилцааны стратеги, гомдол гаргасан үйлчлүүлэгчтэй харилцах процесс болон газар дээрх үйлчилгээний чадавхыг нэмэгдүүлэх дүрд тоглох практик дадлагууд сэдвээр Пак Ён Ү
2.Глобал OTA зах зээлд нэвтрэх стратеги:
- Уламжлалт захиалгын хэлбэрийг сайжруулах, Глобал OTA платформ ашиглан дижитал өрсөлдөх чадварыг бэхжүүлэх, мобайл захиалгын чиг хандлагыг ойлгох, цахим сэтгэгдэл (review) болон үнэлгээний менежментээр дамжуулан хайлтын илэрцэд дээгүүр байрших тактик сэдвээр Юү Хы Сү
3.Бүс нутгийн аялал жуулчлалын бүтээгдэхүүн хөгжүүлэлтийн хэлэлцүүлэг:
- Зочид буудлын гарын авлага (manual)
- Орон нутгийн байгаль орчин, уламжлалт соёл, үндэсний хоол, жуулчдад зориулсан нэмэлт үйлчилгээ болон бүтээгдэхүүн хөгжүүлэлтийн боломжууд
🎊Сургалтын төгсгөлд оролцогчдод авсан мэдлэг, чадварыг нь баталгаажуулж сертификат гардуулна.
📌Сургалт 2026 оны 6 дугаар сарын 19-29-ний өдрүүдэд Сэлэнгэ, Дархан, Хөвсгөл, Булган, Орхон (Эрдэнэт), Архангай аймгуудад үргэлжлэн зохион байгуулагдах юм.
Соёл, спорт, аялал жуулчлал, залуучуудын яам
Аялал жуулчлалын мэргэжлийн холбоо НЭЗХЭ / MTO
Дархан-Уул аймгийн Соёл, урлаг, аялал жуулчлал, залуучуудын газар
Дархан-Уул Аймаг
