21/08/2021
COVID နောက်ဆက်တွဲလက္ခဏာများ
==========================
COVID ပျောက်သွားပေမယ့် ၄ပတ်ကနေ ၃လကြားမှာ ဒီလို လက္ခဏာတွေ ဖြစ်တတ်ပါသေးတယ်
အသက်ကြီးသူ၊ နဂိုရောဂါ အခံရှိသူ၊ ဆေးရုံတက်ပြီး ကုသမှုခံယူလိုက်ရသူတွေမှာ အဖြစ်များပါတယ်
COVID လက္ခဏာ မပြပဲ ၄ပတ်ကြာမှ ဒီလိုလက္ခဏာတွေ ပေါ်တဲ့သူတွေလဲရှိပါတယ်
အပျော့စားလက္ခဏာများ
----------------------------------
🔹️ ချောင်းခြောက်ဆိုးခြင်း
🔹️ အသက်ရှုမဝခြင်း
🔹️ ရင်ဘတ်အောင့်ခြင်း
🔹️ ရင်တုန်ခြင်း (အဖြစ်များ)
🔹️ မအီမသာဖြစ်ခြင်း
🔹️ ပျို့ချင်၊ အန်ချင်ဖြစ်ခြင်း
🔹️ ဗိုက်အောင့်ခြင်း
🔹️ ဝမ်းလျှောခြင်း
🔹️ နုံးခြင်း၊ မောခြင်း
🔹️ ညဘက် အိပ်မပျော်ခြင်း (အဖြစ်များ)
🔹️ သတိမေ့ခြင်း
🔹️ အာရုံစူးစိုက်မရခြင်း
🔹️ ခေါင်းကိုက်ခြင်း
🔹️ မိုက်ခနဲ မူးဝေခြင်း
🔹️ ကိုယ်လက် နာကျင်ကိုက်ခဲခြင်း
🔹️ ခြေလက်ထုံကျင်ခြင်း
🔹️ အရေပြား ယားယံခြင်း၊ အနီစက်ထွက်ခြင်း
🔹️ ဆံပင်ကျွတ်ခြင်း
🔹️ ရာသီမမှန်ခြင်း
🔹️ မျက်စိ နီခြင်း၊ ရောင်ခြင်း
🔹️ အနံ/အရသာ ပြောင်းခြင်း
ပြင်းထန် လက္ခဏာများ
-------------------------------
ကိုယ်တွင်း ခုခံအားက ရောဂါကို အနိုင်မတိုက်နိုင်တဲ့အခါ ကိုယ်တွင်းကလီစာ များစွာကို ဖျက်စီးပစ်ပါတယ်
ရောဂါဖြစ်ပြီး ၄ပတ်ကျော်မှ စ,ဖြစ်တာတော့ မဟုတ်ပါဘူး
ရှေ့မှာကတည်းက ဖျက်စီးခံလိုက်ရတာတွေက မပျောက်ပဲ ကျန်ခဲ့တာပါ
🔶️ အဆုတ် - အဆုတ် ဒဏ်ရာရခြင်း၊ အမာရွတ်ကျန်ခြင်း၊ ကျုံ့ခြင်း၊ လေအိတ်ပေါက်ခြင်း
🔶️ နှလုံး - နှလုံးခုန်နှုန်း စည်းချက်မမှန်ခြင်း၊ နှလုံးကြွက်သား ရောင်ခြင်း၊ ကျုံ့ခြင်း၊ နှလုံး ပတ်ပတ်လည် ရေဝိုင်းခြင်း
🔶️ ဦးနှောက် - ဦးနှောက်ရောင်းခြင်း၊ အာရုံကြောရောင်ခြင်း
🔶️ ကျောက်ကပ် - ကျောက်ကပ်ရောင်ခြင်း၊ ပျက်စီးခြင်း
🔶️ မျက်စိ - မျက်စိရောင်ခြင်း၊ အမြင်ကွယ်ခြင်း
🔶️ ဟော်မုန်း - ဆီးချို၊ လည်ပင်းကြီး၊ အရိုးပွရောဂါတို့ အသစ်ဖြစ်ပေါ်ခြင်း၊ နဂို ဖြစ်ဖူးလျှင် ပိုဆိုးလာခြင်း
🔶️ သွေး - သွေးခဲခြင်း၊ သွေးမတိတ်ရောဂါဖြစ်ခြင်း (ITP)
🔶️ စိတ် - ကာလကြာရှည်စွာ စိတ်ဒဏ်ရာရခြင်း
ဗဟုသုတ ရစေရန် ရည်ရွယ်ပါသည်
ပြည်သူများ ကပ်ဘေးမှ အမြန်ဆုံး ကျော်လွှားနိုင်ကြပါစေ
Credit: Dr. NI (ဒေါက်တာနီနီ) Facebook မှ ကူးယူဖော်ပြသည်
