Let’s Grow Together Myanmar SME

22/08/2026

ဆွစ်အစိုးရပညာသင်ဆု မြန်မာတွေလျှောက်ထားနိုင်

လာမယ့်ပညာသင်နှစ်အတွက် ဆွစ်ဇာလန်အစိုးရပညာသင်ဆု(Swiss Government Excellence Scholarship) ကို မြန်မာနိုင်ငံသားတွေလျှောက်ထားနိုင်ပြီလို့ ရန်ကုန်မှာရှိတဲ့ ဆွစ်ဇာလန်သံရုံးက ဒီနေ့ထုတ်ပြန်ပါတယ်။

အသက် ၃၅ နှစ်အောက်၊ မာစတာဘွဲ့ရထားသူတွေ အနေနဲ့ Ph.D၊ Research Fellowship. တွေအတွက် ပညာသင်ဆုကို လျှောက်ထားနိုင်မှာဖြစ်ပါတယ်။

#ဆွစ်ဇာလန် #ပညာသင်ဆု #ပညာရေး

22/08/2026

မြန်မာ အပါအဝင် ၇၅ နိုင်ငံကို ထရမ့်အစိုးရဗီဇာပိတ်ပင်မှု အမေရိကန်တရားသူကြီးပယ်ချ

ထရမ့်ဒုတိယသက်တမ်းတက်လာပြီးမကြာခင်မှာပဲ မြန်မာအပါအဝင် နိုင်ငံပေါင်း ၇၅ နိုင်ငံကို လူဝင်မှုဗီဇာပိတ်ပင်လိုက်တဲ့မူဝါဒကို မက်ဟက်တန်ခရိုင်တရားသူကြီး ဂျနက်ဗားဂတ်စ်က ပယ်ချလိုက်ပါတယ်။

ဒီမူဝါဒက ဥပဒေပြုအာဏာကို ကျော်လွန် လုပ်ဆောင်တာလို့ တရားသူကြီးက ပြောပါတယ်။

ဒီစီရင်ချက်နဲ့ပတ်သက်လို့ အမေရိကန်နိုင်ငံခြားရေးဝန်ကြီးဌာနက တစုံတရာထုတ်ပြန်လာတာမရှိသေးပါဘူး။

#ဗီဇာ #အမေရိကန် #မြန်မာ

20/08/2026

ကလေးများကို လိင်အမြတ်ထုတ်ရန် ကြံစည်ဟု စွပ်စွဲ ဖမ်းဆီးခံရသူများထဲ ၅ ဦးတွင် မြန်မာတဦးပါဝင်
******************************************
ဩဂုတ် ၁၉။ — Omaha, Nebraska ပြည်နယ်
အမေရိကန် Homeland Security Investigations (HSI) နှင့် ပြည်ထောင်စု၊ ပြည်နယ်၊ ဒေသခံရဲတပ်ဖွဲ့များ ပူးပေါင်းပြုလုပ်သည့် လျှို့ဝှက်စုံစမ်းဖမ်းဆီးမှုတစ်ခုအတွင်း ကလေးများကို လိင်ပိုင်းဆိုင်ရာ အမြတ်ထုတ်ရန် ကြံစည်သည်ဟု စွပ်စွဲခံထားရသူ အမျိုးသား ၅ ဦးကို ပြီးခဲ့သည့်အပတ်က Omaha မြို့တွင် ဖမ်းဆီးခဲ့သည်။
HSI တာဝန်ရှိသူ Chris Hessenflow က ကလေးလိင်ကုန်ကူးမှုနှင့် ပတ်သက်သည့် ဖက်ဒရယ်ဖမ်းဆီးမှု ၂၁ ကြိမ် ပြုလုပ်ခဲ့ပြီး ဖြစ်ကြောင်း၊ ထိုစစ်ဆင်ရေးများအတွက် ကြိုတင်စီစဉ်မှုကို လပေါင်းများစွာ စံုစမ်း ခဲ့ရသည်ဟု ဆိုသည်။

လျှို့ဝှက်အေးဂျင့်များသည် အွန်လိုင်းမှတစ်ဆင့် ကလေးများကို အန္တရာယ်ပြုရန် ရှာဖွေနိုင်သူများနှင့် ဆက်သွယ်ခဲ့ကြသည်။ ယခုစစ်ဆင်ရေးတွင် လူ ၁၄၆ ဦး က အခကြေးငွေပေး လိင်ဆက်ဆံရန် စိတ်ဝင်စားမှု ပြသခဲ့ပြီး၊ ထိုလိင်လုပ်သားသည် အရွယ်မရောက်သေးသူဖြစ်ကြောင်း သိရှိပြီးနောက် ၄၆ ဦးက ဆက်လက်စိတ်ဝင်စားခဲ့ကြသည်။
တာဝန်ရှိသူများက အင်တာနက်ကြောင့် အရွယ်မရောက်သေးသူများကို ရှာဖွေသူများသည် မိုင်ရာနှင့်ချီဝေးသည့် နေရာများမှပင် ဆက်သွယ်လာနိုင်ပြီး ခရီးထွက်လာရန်ပင် အသင့်ရှိနေကြကြောင်း ဆို၏။
ထိုနောက် သက်သေအထောက်အထားများ ခိုင်လုံပြီးနောက် အမျိုးသား ၅ ဦးကို ဖမ်းဆီးခဲ့သည်။
ဖမ်းဆီးခံရသူများနှင့် စွဲချက်များ —
* Law Eh — အရွယ်မရောက်သေးသူအား လိင်ကုန်ကူးရန် ကြိုးပမ်းမှုနှင့် ကလေးညစ်ညမ်းပုံများ (child po*******hy) လက်ဝယ်ထားရှိမှု။ ယခင်ပြစ်မှုမှတ်တမ်း မရှိ။
Jocsan Aparicio-Santos — အရွယ်မရောက်သေးသူအား လိင်ကုန်ကူးရန် ကြိုးပမ်းမှု။ ယခင်က Lancaster County တွင် ကလေးအလွဲသုံးစား/လိင်ပိုင်းဆိုင်ရာ အလွဲသုံးစားမှု ပြစ်မှုမှတ်တမ်းရှိ။

* Logan Trigg — အရွယ်မရောက်သေးသူအား လိင်ကုန်ကူးရန် ကြိုးပမ်းမှု။ ယခင်က အရွယ်မရောက်သေးသူအား ပထမအဆင့် လိင်ပိုင်းဆိုင်ရာ စော်ကားမှု၊ အိမ်တွင်းအကြမ်းဖက်မှု၊ ခိုးမှုနှင့် ကလေးအလွဲသုံးစားမှု စသည့် ပြစ်မှုမှတ်တမ်းများရှိပြီး S*x Offender Registration Act (SORA) စည်းမျဉ်းချိုးဖောက်မှုလည်း ပါဝင်သည်။
* Tillian Hutton — အရွယ်မရောက်သေးသူအား လိင်ကုန်ကူးရန် ကြိုးပမ်းမှု။ ယခင်ပြစ်မှုမှတ်တမ်း မရှိ။
တာဝန်ရှိသူများက အဆိုပါစစ်ဆင်ရေးသည် Omaha နှင့် Lincoln နှစ်မြို့လုံးတွင် နေထိုင်သူများကို ပစ်မှတ်ထားလုပ်ဆောင်ခဲ့ခြင်းဖြစ်ပြီး မည်သူမျှ အန္တရာယ် မဖြစ်စေရဘဲ ဘေးကင်းစွာ ဆောင်ရွက်နိုင်ခဲ့ကြောင်း ပြောကြားခဲ့သည်။

****
မှတ်ချက်။ နေရာတကာ၏ မူအရ အမေရိကားသို့ မြန်မာဒုက္ခသည်များအဖြစ် အသိအမှတ်ပြုကာ ရောက်ရှိလာကြသော သူများအားလုံးကို ဘာသာ-လူမျိုး မခွဲခြားဘဲ မြန်မာဟုသာ သုံးစွဲမှုပြုပါကြောင်း။

အမြင်မတူသူများ လွတ်လပ်စွာ သဘောကွဲလွဲခွင့်ရှိသော်လည်း ရုန့်ရင်းကြမ်းတမ်း ညစ်ညမ်းမိုက်ရိုင်းသော ကွန်မန့်များကိုမူ ဘလောက်သွားမည်ဖြစ်သည်။

နေရာတကာ

စကားချပ်။ ကလေးသူငယ်များ၏
ညစ်ညမ်းရုပ်ပုံနှင့် ဗီဒီယိုများ (Child S*xual Abuse Material - CSAM) ကို ဖုန်း၊ တက်ပလက် သို့မဟုတ် ကွန်ပျူတာထဲတွင် ဒေါင်းလုဒ်လုပ်ခြင်း၊ သိမ်းဆည်းခြင်း၊ ကြည့်ရှုခြင်း သို့မဟုတ် ဖြန့်ဝေခြင်းတို့သည် မြန်မာနိုင်ငံအပါအဝင် တစ်ကမ္ဘာလုံးတွင် ဆိုးရွားသော ရာဇဝတ်မှု
အဖြစ် သတ်မှတ်ထားသည်။
နိုင်ငံအများစုတွင် .....
အောက်ပါဥပဒေများဖြင့် ထိရောက်စွာ အရေးယူနိုင်ပါသည် -ကလေးသူငယ်အခွင့်အရေးများဆိုင်ရာ ဥပဒေ (၂၀၁၉): ကလေးသူငယ်များအား လိင်ပိုင်းဆိုင်ရာ အမြတ်ထုတ်ခြင်း၊ ညစ်ညမ်းရုပ်ပုံ/ဗီဒီယိုများ ထုတ်လုပ်ခြင်းနှင့် သိမ်းဆည်းခြင်းများအတွက် ပြင်းထန်သော ထောင်ဒဏ်များ ချမှတ်နိုင်သည်။
ဆက်သွယ်ရေး ဥပဒေ: ဆက်သွယ်ရေး ကွန်ရက်တစ်ခုခုကို အသုံးပြုပြီး ညစ်ညမ်းသည့် အရာများကို ပေးပို့ခြင်း၊ ရယူခြင်း သို့မဟုတ် သိမ်းဆည်းခြင်းများ ပြုလုပ်ပါက ထောင်ဒဏ်နှင့် ငွေဒဏ်များ ချမှတ်နိုင်သည်။
အီလက်ထရောနစ် ဆက်သွယ်ဆောင်ရွက်ရေး ဥပဒေ: အင်တာနက်နှင့် နည်းပညာကို အသုံးပြု၍ ကလေးသူငယ် ညစ်ညမ်းစာပေနှင့် ရုပ်ပုံများကို ကူးယူ ဖြန့်ဖြူးခြင်းများအတွက် အရေးယူနိုင်သည်။
ထို့အပြင် Google, Apple နှင့် အခြားသော နည်းပညာကုမ္ပဏီများသည် cloud ပေါ်သို့ ဤကဲ့သို့သော ဖိုင်များ ရောက်ရှိသွားပါက အလိုအလျောက် သိရှိနိုင်သည့် စနစ်များ သုံးစွဲထားပြီး၊ တွေ့ရှိပါက အကောင့်များကို ပိတ်ပစ်သည့်အပြင် နိုင်ငံတကာ ရဲတပ်ဖွဲ့များထံ တိုက်ရိုက် သတင်းပို့ တိုင်ကြားလေ့ရှိသည်။

17/08/2026

လူသတ်ရန် ကြံစည်မှုဖြင့် စွပ်စွဲခံထားရသည့် မြန်မာလူငယ် အာမခံဖြင့်လွတ်နေစဉ် ပြန်လည်ဖမ်းဆီးခံရ
************************************************
ဩဂုတ် ၁၇။ အင်ဒီယားနားပြည်နယ် Fort Wayne မြို့တွင် လူတစ်ဦး ဦးခေါင်းကို ကျည်ထိမှန်ခဲ့သည့် ပစ်ခတ်မှုနှင့်ပတ်သက်၍ လူသတ်ရန်ကြိုးပမ်းမှုဖြင့် စွပ်စွဲခံထားရသော ဆယ်ကျော်သက် ၃ ဦးအနက် Ar Meh Ka ကို အာမခံဒေါ်လာ ၅၀,၀၀၀ ဖြင့် ပြန်လည်လွတ်မြောက်နေစဉ် ထပ်မံဖမ်းဆီးခံခဲ့ရသည်။

မေလတွင် အသက် ၁၈ နှစ်ပြည့်ခဲ့သည့် Ka ကို ဩဂုတ် ၁၆ ရက်နေ့တွင် Allen County Jail သို့ ဆေးခြောက် သို့မဟုတ် hashish လက်ဝယ်ထားရှိမှု လက်ရှိတွင် အာမခံမပေးဘဲ ထိန်းသိမ်းထားကြောင်း သိရ၏။
Ka သည် ယခင် လူသတ်ရန် ကြိုးပမ်းမှု ဖြစ်ပွါးခဲ့သည့် မေလ ၁ ရက် ပစ်ခတ်မှုကတည်းက အသက် ၁၇ သာရှိသေးသော်လည်း အရွယ်ရောက်သူအဖြစ် တရားစွဲခံထားရပြီး Level 1 felony လူသတ်ရန်ကြိုးပမ်းမှု နှင့် Level 3 felony ပြင်းထန်သော ကိုယ်ထိလက်ရောက်ကျူးလွန်မှု စွဲချက်များ ရင်ဆိုင်နေရသည်။
*****
ယခင်ပြစ်မှုများ အကျဉ်းမှာ......

မေလ ၁ ရက် နံနက် ၄:၄၅ ခန့်တွင် လူတဦးမှာ ပစ်ခတ်ခံရပြီး ဦးခေါင်းသေနတ်ထိကာ အရေးပေါ်ဆေးရုံသို့ ပို့ဆောင်ခဲ့ရသည်။
အခင်းဖြစ်ရာနေရာတွင် 9mm၊ .45 caliber နှင့် 10mm အမျိုးအစားများပါဝင်သည့် ကျည်ခွံ ၄၈ ခုခန့် တွေ့ရှိခဲ့သည်ဟု ရဲတပ်ဖွဲ့က ဆိုသည်။ မျက်မြင်သက်သေများကလည်း ပစ်ခတ်ပြီးနောက် လူ ၃ ဦး အိမ်များကြားမှ ပြေးထွက်သွားသည်ကို တွေ့ခဲ့ကြောင်း ပြောဆိုခဲ့သည်။
အနီးအနားရှိ လုံခြုံရေးကင်မရာများမှတ်တမ်းတွင် ပစ်ခတ်မှုမဖြစ်မီနှင့် ဖြစ်ပြီးနောက် အနီရောင် Toyota Sienna ကားတစ်စီးကို တွေ့ရှိခဲ့သည်။
စုံစမ်းစစ်ဆေးသူများက အဆိုပါကား၏ သွားလာမှုလမ်းကြောင်းကို ကင်မရာများမှတစ်ဆင့် ခြေရာခံခဲ့ကြသည်။
ရဲများက မေလ ၁ ရက် ညနေ ၆:၀၄ ခန့်တွင် ကားကို ရပ်တန့်စစ်ဆေးပြီး Ka ကို စစ်ဆေးမေးမြန်းခဲ့သည်။
Ka နေထိုင်ရာအနီးရှိ လုံခြုံရေးကင်မရာမှတ်တမ်းတွင် မေလ ၁ ရက် နံနက် ၃:၁၈ ခန့်၌ အဖြူရောင် Toyota Camry ကားတစ်စီးရောက်လာပြီး လူ ၃ ဦးက အနီရောင် Sienna ကားထဲသို့ ဝင်ရောက်ခဲ့ကြသည်။
ထိုလူများ၏ ဝတ်စားဆင်ယင်ပုံမှာ ပစ်ခတ်မှုဖြစ်ပြီးနောက် ထွက်ပြေးသည့် လူများနှင့် ကိုက်ညီနေကြောင်း စုံစမ်းသူများက ပြောသည်။ လူတစ်ဦးမှာ ကားရှေ့ခန်းသို့ မဝင်မီ သေနတ်တစ်လက်ကို ကိုယ်ပေါ်တွင် ထည့်ထားသည်ကိုလည်း မှတ်တမ်းတွင် ရှင်းလင်းစွာ တွေ့ရကြောင်း ဆိုသည်။
Ka ၏ မိခင်နှင့် အစ်ကိုဖြစ်သူတို့က ဗီဒီယိုကို ကြည့်ရှုပြီး ကားပေါ်ရှိ လူများအနက် ၂ ဦးမှာ Ka ၏ သူငယ်ချင်းများဖြစ်ပြီး Ka ကိုယ်တိုင်မှာ ကားမောင်းသူဖြစ်ကြောင်း ဖော်ထုတ်ပေးခဲ့သည်ဟု ရဲတပ်ဖွဲ့က ဆိုသည်။
နံနက် ၃:၂၃ ခန့်တွင် Sienna ကားသည် ဓာတ်ဆီဆိုင်တစ်ခုသို့ ဝင်ရောက်ခဲ့ပြီး Ka က ဆီဖြည့်နေစဉ် အခြားလူ ၂ ဦးက ဆိုင်အတွင်း ဝင်ခဲ့ကြသည်။
ရဲတပ်ဖွဲ့က အနီရောင်အပေါ်ဝတ်အင်္ကျီနှင့် ဘောင်းဘီတိုဝတ်ထားသူမှာ Nay Zar ဖြစ်ကြောင်း သတ်မှတ်ခဲ့သည်။ Zar သည် ထိုအချိန်တွင် အသက် ၁၆ နှစ်သာ ရှိသေးသည်။
ရဲမှတ်တမ်းအရ Zar သည် ဆိုင်အတွင်း သေနတ်နှင့်တူသော အရာတစ်ခုကို လွှတ်ချမိပြီး ပြန်ကောက်ယူကာ လူမမြင်နိုင်သည့်နေရာသို့ သွားပြီး ကိုင်တွယ်ခဲ့သည်။ ရဲများက ထိုအရာမှာ သေနတ်ဖြစ်ကြောင်း ရှင်းလင်းစွာ မြင်တွေ့နိုင်ခဲ့သည်ဟု ဆိုသည်။
တတိယတရားခံအဖြစ် Ozaifer Nar ကို ဖော်ထုတ်ခဲ့ပြီး ၎င်းသည် ပစ်ခတ်မှုဖြစ်ချိန်တွင် အသက် ၁၆ နှစ်ရှိခဲ့သည်။
စုံစမ်းသူများသည် Ka ၏ ဖုန်းမှ Apple Maps သွားလာမှုမှတ်တမ်းများကို စစ်ဆေးရာ မေလ ၁ ရက်နေ့တွင် Oliver Street မှ စတင်ပြီး ပစ်ခတ်မှုဖြစ်ပွားခဲ့သည့် Corwin Lane သို့ အဆုံးသတ်သည့် လမ်းကြောင်းတစ်ခုကို တွေ့ရှိခဲ့သည်။
ရဲတပ်ဖွဲ့က မေလ ၁ ရက် ပစ်ခတ်မှုနှင့် ဧပြီ ၂၄ ရက်၊ ဧပြီ ၂၆ ရက် ပစ်ခတ်မှုများကြား ဆက်စပ်မှုများ ရှိနိုင်ကြောင်း စုံစမ်းခဲ့သည်။
ဧပြီ ၂၄ ရက်ဖြစ်စဉ်တွင်မူ .45 caliber နှင့် 10mm ကျည်ခွံများ တွေ့ရှိခဲ့ပြီး သံသယရှိသည့်ကားမှာလည်း အနီရောင် Toyota Sienna ဖြစ်သည်ဟု ဆိုသည်။ ဧပြီ ၂၆ ရက်ဖြစ်စဉ်မှ .45 caliber ကျည်ခွံများသည် ဧပြီ ၂၄ ရက်တွင် အသုံးပြုခဲ့သည့် သေနတ်တစ်လက်တည်းမှ ပစ်ခတ်ခဲ့ခြင်းဖြစ်ကြောင်း ballistic စမ်းသပ်ချက်က ဖော်ပြခဲ့သည်။
ထိုကြောင့် ဖြစ်ခဲ့သော ပစ်ခတ်မှုများ အားလုံးကို
ဖော်ပြပါ တရားခံ ၃ ဦးကို အမှုတစ်ခုတည်းအဖြစ် ပူးတွဲတရားစွဲမည်ဖြစ်၏။

Ka၊ Zar နှင့် Nar တို့ကို Level 1 felony လူသတ်ရန်ကြိုးပမ်းမှု နှင့် Level 3 felony ပြင်းထန်သော ကိုယ်ထိလက်ရောက်ကျူးလွန်မှု တို့ဖြင့် တရားစွဲထားခဲ့ခြင်းဖြစ်၏။
အမှုမှတ်တမ်းများတွင် ၎င်းတို့ ၃ ဦးသည် “acting in concert” — အတူတကွ ပူးပေါင်းကျူးလွန်ခဲ့သည် ဟု စွပ်စွဲထားသော်လည်း ကျည်ပစ်ခဲ့သူမှာ မည်သူဖြစ်သည်ကို တိတိကျကျ မဖော်ပြထားပါ။
သို့သော်လည်း အင်ဒီယားနားဥပဒေအရ အခြားသူတစ်ဦးက ပြစ်မှုကျူးလွန်ရာတွင် သိရှိနားလည်စွာ ကူညီခြင်း၊ လှုံ့ဆော်ခြင်း သို့မဟုတ် ပူးပေါင်းခြင်းရှိပါက (ကိုယ်တိုင် ပြစ်မှု၏ အစိတ်အပိုင်းအားလုံးကို မလုပ်ဆောင်ခဲ့သော်လည်း) တူညီသည့်ပြစ်မှုဖြင့် တရားစွဲနိုင်သည်။
၄င်းတို့ ၃ ဦးစလုံးကို ယခင်အမှုများအတွက် တစ်ဦးလျှင် ဒေါ်လာ ၅၀,၀၀၀ surety bond သတ်မှတ်အာမခံပေး လွှတ်ထားခဲ့ရာကနေ ယခုလို ထပ်မံ ဖမ်းဆီးခံခဲ့ရခြင်းဖြစ်သည်။
မှတ်ချက် ၁။ Ka၊ Zar နှင့် Nar တို့အပေါ် စွပ်စွဲချက်များအားလုံးသည် လက်ရှိတွင် စွပ်စွဲချက်များသာဖြစ်ပြီး တရားရုံးတွင် အပြစ်ရှိကြောင်း သက်သေမပြနိုင်မချင်း အပြစ်မရှိသူများအဖြစ် သတ်မှတ်ရမည်ဖြစ်သည်။

ဓာတ်ပုံများ (ဘယ်မှညာသို့):
Ar Meh Ka — ယခုအကြိမ် အသစ်ဖမ်းဆီးခံရစဉ် ရိုက်ကူးထားသော Booking ဓာတ်ပုံ၊
Ozaifer Nar — ဆံပင်တိုနှင့် အဝါရောင်အင်္ကျီဝတ်ထားသည့်ပုံ၊
Nay Zar — ဆံပင်ရှည်နှင့် အဝါရောင်အင်္ကျီဝတ်ထားသည့်ပုံ၊
Ar Meh Ka — ယခင်ဖမ်းဆီးခံရစဉ် အဝါရောင်အင်္ကျီဝတ်ထားသည့် မူလ Booking ဓာတ်ပုံ။
*****
နေရာတကာ၏ မူအရ အမေရိကားသို့ မြန်မာ ဒုက္ခသည်များအဖြစ် အသိအမှတ်ပြုကာ ရောက်ရှိလာကြသော သူများအားလုံးကို ဘာသာ-လူမျိုး မခွဲခြားဘဲ မြန်မာဟုသာ သုံးစွဲမှုပြုပါကြောင်း။

မူရင်း သတင်းနှင့် ဓာတ်ပုံများကို Allen County ရဲမှတ်တမ်းများကနေ ရယူကိုးကား ပြန်ဆိုရေးသားဖော်ပြပါသည်။

နေရာတကာ

17/04/2026

12/04/2026

(Burmese Below)

🌼 Happy Myanmar New Year & Thingyan Festival 🌼

On this joyful occasion of Thingyan,
Let’s Grow Together Group would like to extend our warmest wishes to all our valued customers.

May the New Year bring you good health, happiness,success, and prosperity in all your endeavors.

We sincerely thank you for your continuous trust and support.We look forward to growing together and achievinggreater success in the coming year.

✨ Happy New Year! ✨
Let’s Grow Together Group

🌼 မင်္ဂလာရှိသော မြန်မာနှစ်သစ် သင်္ကြန်အခါသမယမှ ကြိုဆိုပါသည် 🌼

လေးစားရသော Customer များအားလုံးကို Let's Grow Together Group မှ နှစ်သစ်အခါသမယတွင်
ကျန်းမာချမ်းသာခြင်း၊ စိတ်ချမ်းသာခြင်း၊
စီးပွားရေးအောင်မြင်တိုးတက်ခြင်းများနှင့်
အတူ ကံကောင်းခြင်းများ အစဉ်လိုက်ပါစေကြောင်း
ဆုမွန်ကောင်းတောင်းအပ်ပါသည်။

သင်တို့၏ ယုံကြည်အားပေးမှုအတွက် အထူးကျေးဇူးတင်ရှိပါသည်။နှစ်သစ်မှာလည်း အတူတကွ ပိုမိုအောင်မြင်သော လမ်းကြောင်းများကို
ဆက်လက်လျှောက်လှမ်းနိုင်ကြပါစေ။

✨ မင်္ဂလာနှစ်သစ်ပါ ✨
Let's Grow TogetherGroup

#သကြ်န် #နှစ်သစ်ဆုတောင်း