20/11/2025
2025 နှောင်းပိုင်းမှာ လုပ်ဖြစ်ခဲ့တဲ့ ပန်းစည်းလေးတွေ။ အော်ဒါ ပန်းစည်းလေးလည်းပါသလို ကျမနဲ့ ရင်းနှီးသူတွေအတွက် မေတ္တာနဲ့ စည်းပေးထားတဲ့ ပန်းစည်းလေးတွေလည်း ပါတယ်။
ပန်းစည်းလက်ဆောင်ပေးရတာ ရင်ခုန်ဖို့ ကောင်းသလို လက်ခံရရှိတာကလည်း ပျော်စရာကောင်းတယ်။
ကျမကိုယ်တိုင်ကလည်း ပန်းစည်းစည်းသူအနေနဲ့ရော လက်ဆောင်ပေးဖူးသူ အနေနဲ့ရော လက်ခံရရှိဖူးသူ အနေနဲ့ရော တွေ့ကြုံဖူးလို့ ဒီခံစားချက်ကို တန်ဖိုးထားတယ်။
မှတ်မှတ်ရရ ပန်းစည်းလက်ဆောင် တူတူတန်တန် ရဖူးတဲ့ကာလက 2017 နဲ့ 2019, 2020 ကာလတွေပဲ။
2017တုန်းက ပြိုင်ပွဲတစ်ခုမှာ ဆုရတုန်းက ပထမဆု ဆုလက်ဆောင်နဲ့အတူ ပန်းစည်းလက်ဆောင်ရခဲ့တာပေါ့။ ဆုပစ္စည်းထက် ပန်းစည်းရတာကို ပိုပျော်ခဲ့တာ။
2019 မွေးနေ့နဲ့ 2020 မှာ သက်ဆိုင်ခဲ့သူတစ်ဦးဆီက အရမ်းလှတဲ့ ပန်းစည်းတွေ လက်ဆောင်ရခဲ့တယ်။
ပန်းစည်းလက်ဆောင်ရတဲ့အချိန် ပေးတဲ့သူရဲ့ စေတနာကို ကျေးဇူးတင်မိသလို ပန်းစည်း ဖန်တီးသူရဲ့ လက်ရာနဲ့အသေးစိတ်မှုကိုလည်း စိတ်ဝင်စားခဲ့မိတယ်။
လက်ဆောင်ရတဲ့ ပန်းစည်းတွေ ညှိုးသွားတဲ့အခါ ဖြည်ရင်း ဘယ်လိုစည်းထားသလဲ လေ့လာခြင်းက Floristဝါသနာရဲ့ ခရီးအစပေါ့။
Florist ပညာလေ့လာပြီး ပန်းစည်းလုပ်တဲ့အခါမှာလည်း လက်ဆောင်ပေးသူရဲ့ အသေးစိတ်မှာကြားမှု။ လက်ခံရသူရဲ့ ကျေနပ်မှုအပြုံးတွေက ဒီအလုပ်ကို ပိုမိုမက်မောစေမိတယ်။
ပန်းတစ်စည်း ဖန်တီးရတိုင်း ကိုယ်ပျော်ရွှင်ရသလို လက်ခံရရှိသူ၊ ပေးသူလည်း အတူပျော်ရွှင်ရစေတဲ့ ပန်းစည်းလေးတွေ အမြဲဖန်တီးနိုင်ဖို့ ကြိုးစားပါမယ်။
