တို့လည်း လုပ်နိုင်တယ် - Yes, We Can

11/05/2026

နောက်ဆုံး ending အပိုင်းလေးပါ

07/05/2026

အပိုင်း ၂ ကို စောင့်မျှော်နေကြတဲ့သူတွေအတွက် …

04/05/2026

‼️ကျောင်းဖွင့်ခါနီး ကျောပိုးအိတ်တွေ စျေးတတ်လို့ စိတ်ညစ်နေပါသလား…‼️

၁ သိန်းမပြည့်တဲ့ စျေးနဲ့ Quality အရမ်းကောင်းတဲ့
Yes,We Can ရဲ့ ကျောပိုးအိတ်လေးရှိပါတယ်ဗျ…

Quality အရမ်းကောင်းတာမလို့ စာသင်နှစ်တွေ
တစ်နှစ်ပြီး တစ်နှစ် ကုန်ဆုံးသွားရင်တောင်
နောက်တစ်လုံး မကိုင်ချင်လောက်အောင်ကို
စိတ်ချရပါတယ်ဗျ…💪🏻

Instock ရှိတုန်းလေးကိုတော့ မပြောင်းလဲသော
စျေး ၉၂၀၀၀ ကျပ်နဲ့ ရရှိဦးမှာပါဗျ…🫶🏻

အဲ့ဆို မြန်မြန် ဝယ်မှ စိတ်ချရမှာဆိုတော့
အခုမှ ဝယ်လိုက်တော့နော်💜

#တို့လည်းလုပ်နိုင်တယ် +

02/05/2026

တစ်ယောက်နဲ့တစ်ယောက် သင်ယူနိုင်စွမ်းတွေ မတူညီနိုင်သလို၊ အိမ်မက်ချင်းလည်း ထပ်တူကျချင်မှ ကျပါလိမ့်မယ်။ ဒါပေမဲ့ အတန်းထဲက ခုံတန်းလေးတွေမှာ အတူတူထိုင်ပြီး တစ်ယောက်ကိုတစ်ယောက် ရှင်းပြပေးကြတဲ့အခါ အခက်အခဲဆိုတာထက် "သူငယ်ချင်း" ဆိုတဲ့ သံယောဇဉ်က ပိုပြီး အားကောင်းလာပါတယ်။

သင်ယူရတာ တစ်ခါတလေ ခက်ခဲနေနိုင်ပေမယ့်...
လက်တွဲခေါ်မယ့်သူတွေရှိရင်၊
အားပေးမယ့်အပြုံးတွေရှိရင်၊
ကျွန်တော်တို့လည်း တူတူကြိုးစားကြည့်ချင်ပါတယ်။ဝိုင်းဝန်းကူညီပေးကြသူတွေနဲ့အတူ အတန်းထဲမှာ ပျော်ရွှင်စွာ ပါဝင်ခွင့်ရဖို့၊ ကျောင်းကစားကွင်းထဲမှာ အတူတူ ပြေးလွှားဆော့ကစားဖို့... ဒီကျောင်းဖွင့်ရာသီမှာ ကျွန်တော်တို့ "မျှော်လင့်မိတယ်"။

မတူညီတဲ့ အရောင်အသွေးတွေ စုစည်းမှ လှပတဲ့ သက်တံတစ်ခု ဖြစ်လာသလိုပဲ၊ ရောင်စုံပန်းခင်းကြီးဖြစ်ဖို့ ပန်းပေါင်းစုံ ပါဝင်ကြသလို၊ကျွန်တော်တို့ အားလုံးပါဝင်နိုင်တဲ့ စာသင်ခန်းလေးတွေဟာလည်း အနာဂတ်အတွက် အလှပဆုံး ဖြစ်နေပါလိမ့်မယ်။

#အတူတူသင်ယူကြမယ် #တို့လည်းလုပ်နိုင်တယ်

30/04/2026

YWCA က Catering Service လေးမှာ 'Deft Chef' အဖွဲ့က သူငယ်ချင်းတွေနဲ့အတူ ပျော်ပျော်ပါးပါး အတွဲညီညီ ဆောင်ရွက်ခဲ့ကြပါတယ်။ ကျွန်တော်တို့ရဲ့ “Yes,We Can” အဖွဲ့က ဝန်ဆောင်မှုပိုင်းမှာ ပါဝင်ပီး “Deft Chef” အဖွဲ့က စားသောက်ဖွယ်ရာတွေကို ချက်ပြုတ်ပေးခဲ့တာပဲ ဖြစ်ပါတယ်။

ဒီလို Inclusive ဖြစ်တဲ့ ပွဲမှာ ပါဝင်ရတဲ့အပြင် အရည်အချင်းတွေ အတွေ့အကြုံတွေ ပြသခွင့်ရခဲ့တာလဲ
ကျွန်တော့်တို့အတွက်တော့ ဂုဏ်ယူစရာပါ။ ရှေ့ဆက်ပြီးတော့လည်း အားလုံးတန်းတူညီတူ လျှောက်လှမ်းနိုင်မယ့် ခြေလှမ်းတွေကို အတူတူ လှမ်းချင်ပါသေးတယ်။ 💪

"We had a great time collaborating with the 'Deaf Chef' team for the catering service at YWCA. Our 'Yes, We Can' team took care of the service, while the 'Deaf Chef' team prepared all the delicious food.

It was a proud moment for us to showcase our skills and gain experience in such an inclusive event. We look forward to taking more steps together toward an inclusive future where everyone can walk side by side. 💪"

#တို့လည်းလုပ်နိုင်တယ်

28/04/2026

24/04/2026

✨ သင်္ကြန် ပိတ်ရက်တွေ အပြီးမှာ အပြုံးတွေနဲ့ကြိုဆိုနေမဲ့ မနက်ခင်းလေး ✨

ပိတ်ရက်တွေ အပြီးမှာ ကျွန်တော်တို့ရဲ့ Yes , we can အဖွဲ့သားလေးတွေက သူတို့ရဲ့ စိတ်အားထက်သန်တဲ့ ဝန်ဆောင်မှုတွေနဲ့အတူ မိတ်ဟောင်း၊ မိတ်သစ် အားလုံးကို နွေးထွေးစွာ စောင့်ကြိုနေပါတယ်။

Walk Together, Create Together for BETTER FUTURE" ဆိုတဲ့အတိုင်း ကျွန်တော်တို့အားလုံးရဲ့ လက်တွဲမှုကနေတစ်ဆင့် သူတို့လေးတွေရဲ့ အနာဂတ်ကို ပိုမိုတောက်ပအောင် အတူတူ ဖန်တီးပေးနိုင်မယ့် အခွင့်အရေးလေးတစ်ခုပါ။

ပိတ်ရက်မှာ မိသားစုတွေ၊ သူငယ်ချင်းတွေနဲ့အတူ အနားယူရင်း၊ တစ်ဖက်ကလည်း လူမှုပတ်ဝန်းကျင်အတွက် အကျိုးရှိစေမယ့် ဒီအစီအစဉ်လေးမှာ အားလုံးပဲ ပါဝင်ပေးကြဖို့ ဖိတ်ခေါ်လိုက်ရပါတယ်။ ❤️

📅 ပွဲအသေးစိတ်
• နေ့ရက်: April 25 2026
• အချိန်: နံနက် 10:30 AM – 12:30 PM
• နေရာ: HOTEL GRAND VISTA (2nd Floor)
• လိပ်စာ: ၃၀၃၊ အောက်ကြည့်မြင်တိုင်လမ်း၊ ရန်ကုန်။
• စျေးနှုန်း: 35,000 MMK (လူ ၂ ယောက်စာအတွက်)

"Yes, We Can" - သူတို့လေးတွေလည်း လုပ်နိုင်တယ်ဆိုတာကို လာရောက်အားပေးရင်း အမှတ်တရ စနေနေ့လေးကို ပိုင်ဆိုင်လိုက်ပါ။

🎟️ လက်မှတ်ကြိုတင်ဝယ်ယူရန်
နေရာ အကန့်အသတ်ရှိလို့ အခုပဲ ဖုန်းဆက်ပြီး နေရာဦးလိုက်ပါ -
📞 09 783 738 502
#တို့လည်းလုပ်နိုင်တယ်

22/04/2026

"စွန့်ပစ်ပစ္စည်းမှသည် အသုံးဝင်မှုများဆီသို့" ♻️✨

ပတ်ဝန်းကျင်မှာရှိတဲ့ အရာဝတ္ထုတွေကို အကျိုးရှိရှိ ပြန်လည်အသုံးပြုရင်း နေ့စဉ်ဘဝအတွက် လိုအပ်တဲ့ အသုံးအဆောင်တွေကို ကိုယ်တိုင်ဖန်တီးနိုင်ဖို့ ရည်ရွယ်ပြီးတော့ ကျွန်တော်တို့ အချင်းချင်း မျှဝေခဲ့ကြပါတယ်။

ဒီအစီအစဉ်လေးမှာ...
✅ ကုန်ကျစရိတ် သက်သာစေရန်
✅ ပတ်ဝန်းကျင် ထိန်းသိမ်းရန် နဲ့
✅ လက်တွေ့ဘဝမှာ အသုံးချနိုင်ရန် ဆိုတဲ့ ရည်ရွယ်ချက် (၃) ခုနဲ့အတူ ရိုးရှင်းတဲ့ နည်းလမ်းလေးတွေကို ဝေမျှပေးခဲ့တာပါ။

အလှဆင်ပစ္စည်း (Decorative Products) တွေကနေစလို့ လက်တွေ့ဘဝမှာ တကယ်အသုံးဝင်တဲ့ အိမ်တွင်းသုံးပစ္စည်း (Practical Home Utilities) တွေအထိ အချိန်တိုအတွင်း ထိရောက်တဲ့ ရလဒ်တွေရအောင် အတူတူ ဖန်တီးခဲ့ကြပါတယ်။

အထူးသဖြင့် ဒီကနေ့ ဧပြီလ (၂၂) ရက်၊ ကမ္ဘာ့ကမ္ဘာမြေနေ့ (Earth Day) မှာ ကျွန်တော်တို့ရဲ့ ပတ်ဝန်းကျင်ကို တစ်ဖက်တစ်လမ်းက အလုပ်အကျွေးပြုနိုင်ခဲ့တာမို့ ပိုပြီး အဓိပ္ပာယ်ရှိစေပါတယ်။ 🌍🌿

ဒါ့အပြင်...
"အပြုံးတွေနဲ့အတူ ပန်းကုံးလေးတွေ သီကုံးကြစို့" (Joy & Connection) ဆိုတဲ့ ကဏ္ဍလေးမှာလည်း အားလုံးရဲ့ စုပေါင်းအားနဲ့ အထီးကျန်မှုကို ကျော်လွှားပြီး ပျော်ရွှင်စရာ အခိုက်အတန့်တွေကို ဖန်တီးနိုင်ခဲ့ပါတယ်။ ပန်းကုံးလေးတွေ အတူတူသီရင်း အချင်းချင်း နွေးထွေးတဲ့ ရင်းနှီးမှုတွေ တည်ဆောက်ခဲ့ကြတဲ့ ဒီပွဲလေးဟာ ကျွန်တော်တို့အတွက်တော့ မေ့မရနိုင်တဲ့ အမှတ်တရတစ်ခုပါပဲ။ 🌸🤝

အရာဝတ္ထုတွေကို အသက်သွင်းရင်း၊ လူသားချင်း ချိတ်ဆက်မှုတွေကို ပိုမိုခိုင်မာစေခဲ့တဲ့ ဒီနေ့ရက်လေးမှာ ပါဝင်ပေးခဲ့ကြသူ အယောက်စီတိုင်းကို ကျေးဇူးအထူးတင်ရှိပါတယ်။

Walk Together, Create Together for better Future.💜

#တို့လည်းလုပ်နိုင်တယ်

17/04/2026

15/04/2026

အီတလီသံရုံးမှာ ကျင်းပခဲ့တဲ့ ဒီနှစ်သင်္ကြန်ဟာ ကျွန်တော်တို့အတွက်တော့ တကယ့်ကို ထူးခြားတဲ့ အမှတ်တရပါ။ 🪣💦

လူငယ်တွေရဲ့ စစ်မှန်တဲ့အပြုံးနဲ့ ပျော်ရွှင်သံတွေဟာ ကျွန်တော်တို့အတွက် အဖိုးတန်ဆုံး ခွန်အားတွေပါပဲ။ မတူကွဲပြားမှုတွေကြားမှာ ကိုယ်စီရဲ့ ဂုဏ်သိက္ခာတွေ တောက်ပနေတဲ့ (Inclusive) လူ့အဖွဲ့အစည်းတစ်ခု ဖြစ်လာဖို့ ဆက်လက်ကြိုးစားသွားပါဦးမယ်။