16/08/2026
ငယ်ငယ်က bio မှာ သင်ခဲ့ရတဲ့ ထူးထူးဆန်းဆန်း အင်းစက်စားပင်လေး 🐛♥️
Venus Flytrap
မြန်မာအမည် - နတ်သမီးထောင်ချောက်
အင်္ဂလိပ်အမည် - Venus Flytrap
သိပ္ပံအမည် - Dionaea musipula
သူ့ကို Venus Flytrapအပြင်
-Meadow calms
-Tipitiwitchet
-Tippity twitchetလို့လည်း ခေါ်ကြပါသေးတယ်ရှင့်။
• Carnivorous/Insectivorous flowering plants (အသားစား/အင်းဆက်စားပန်းပင်)အမျိုးအစားဖြစ်ပါတယ်။
• တောရိုင်းပင်တွေထဲမှာတော့ မျိုးသုဉ်းလုနီးပါးမျိုးစိတ်တစ်မျိုးပဲဖြစ်ပါတယ်။
• garden useအတွက်ဆို ရေရော မိုးရေရောနဲ့သင့်တော်တာမို့ တော်တော်များများကြိုက်ကြပါတယ်။
• Indoor useအတွက်ဆိုလည်း ပြုစုရမခက်ခဲတာကြောင့် ယောကျ်ားလေးအများစုပိုကြိုက်နှစ်သက်ကြတာတွေ့ပါတယ်။
■ ဝိသေသလက္ခဏာများ (characteristics)
အပင်အမျိုးအစား - Herb (ပျိုးပင်)
သက်တမ်း - Perennial
(အများဆုံးသက်တမ်းမှာ နှစ် ၂၀ ဖြစ်ပါတယ်)
ပန်းပွင့်ချိန် - နွေဦး၊ နွေ၊ ဆောင်းဦး
အပင်အမြင့် - ၁၀-၁၅စင်တီမီတာ
အပင်အပြန့် - ၁၅-၂၀စင်တီမီတာ
ပန်းပွင့်အရွယ်အစား - ၃စင်တီမီတာ
ပန်းပွင့်အရောင် - အဖြူ၊ အစိမ်း၊ အဝါ
■ မူရင်းဒေသ (Native)
- မြောက်အမေရိကတိုက် ကာရိုလိုင်းနားဒေသတွင် သဘာဝအတိုင်း ပေါက်ရောက်သောအပင်ဖြစ်ပါတယ်။
- ဗွက်မြေများ၊ စိုစွတ်တဲ့နေရာတွေ တောတွေထဲမှာတွေ့နေရဆဲဖြစ်ပါတယ်။
■ Indoorမှာ ဘယ်လိုပွားစာမျိုးနဲ့စိုက်ရင်သင့်သလဲ?
- အမြဲစိုစွတ်တဲ့နေရာမျိုး၊ ပွားစာမျိုးမှာစိုက်ရပါတယ်။
- ရေညှိ၊ အုန်းဆံ perlite၊ mossတွေနဲ့စိုက်ပေးတာအကောင်းဆုံးပါ။
- အိမ်အတွင်း စိုက်လိုသူတွေ အနေနဲ့ကတော့ Grow lightမီးနဲ့စိုက်နိုင်သလို အလင်းအားကောင်းတဲ့မီးလုံး/မီးချောင်းများထွန်းပေးပြီးလည်းစိုက်ပျိုးနိုင်ပါတယ်။
■ မြေ
- မြေသြဇာမကောင်းသောမြေသား ၊low nutrient soil တွင်ပေါက်ရောက်သောအပင်အမျိုးအစားဖြစ်ပြီးစိုက်ပျိုးပါက acidic soil အက်စစ်ဆန်သောအောက်ခံမြေသားကို ဖန်တီးပြီးစိုက်ပျိုးကြပါသည်။
🚫 အယ်ကာလီဆန်သောမြေmineral ဓာတ်များပြည့်ဝသောမြေတွင် စိုက်ပျိုး၍မရပါ။
■ ရေလောင်းခြင်း
- အပင်လေးတွေက ရေညှိအမြဲစိုစွတ်နေတာကိုသဘောကျတာမို့ အပင်အိုးရဲ့အောက်ခြေမှာ ပန်းကန်ချပ်လေးထားပြီးသောက်ရေသန့်ဖြည့်ဖြည့်ပေးခြင်းနည်းဖြင့် အပင်ကိုရေပေးနိုင်ပါတယ်။
- ရေလောင်းပါက မိုးရေ distilled water နှင့် သန့်သောရေကို အပင်အောက်ခြေမြေသားကို စိုစွတ်အောင်လောင်းပေးရန်လိုအပ်ပါသည်။
🚫 Mineral ဓာတ်များသောရေ မလောင်းသင့်ပါ။
■ နေရောင်ခြည်
- နေရောင်ခြည်ကြိုက်တဲ့အပင်ဖြစ်ပါတယ်။
- မနက်ခင်းနေရောင်ခြည်ကတော့ အကောင်းဆုံးပဲဖြစ်ပါတယ်။
- နေရောင်ခြည်ကို တနေ့လုံး၄နာရီပြသင့်ပါတယ်။
- Indoor စိုက်ပျိုးပါကအလင်းရောင် အနည်းငယ်ပေးရန်လိုအပ်ပါသည်။
🚫 Outdoorမှာတော့ နေပြင်းပြင်းကျရောက်တဲ့နေရာတွေမှာမထားသင့်ပါ။
■ အစာကျွေးခြင်း
- သူတို့စားတဲ့ အင်းဆက်လေးတွေကနေပဲ လိုအပ်တဲ့အာဟာရအပြည့်အဝရပြီးသားဖြစ်ပါတယ်။
- တစ်ခြားဆေးတွေဘာတွေထပ်ပြီးကျွေးစရာမလိုပါဘူး။
⚠️အစာကျွေးတာပါးစပ်မပိတ်တဲ့အခါ အစာမကျွေးမီရေဖြန်းဗူးလေးနဲ့အသာဖြန်းပြီးမှကျွေးကြည့်ပါ။ ချက်ချင်းပါးစပ်ပိတ်ပြီးစားပြပါလိမ့်မယ်။
■ သတိပြုရန်အချက်များ
- ထောင်ချောက်တစ်ခုစီသည် အစာကို ၃ ကြိမ်မှ ၆ ကြိမ်အထိ အများဆုံးစားပြီးသောအခါ ခြောက်သွေ့ပြီး သေဆုံးသွားမြဲ ဖြစ်ပါသည်။
- ထို့နောက် အပင် အလယ်မှ အညှောင့်အသစ်များထွက်လာပြီး တဖန်ပြန်လည် အရွက်ဖြစ်လာပါသည်။
- အရွက်မည်းသွားခြင်းသည် အာဟာရ ပြည့်ဝသွားသောကြောင့် သေဆုံးသွားခြင်းဖြစ်ပါသည်။
- မူလ အပင်သေဆုံးခြင်း မဟုတ်ပဲ အပင်၏ အရွက်တစ်ခု သေဆုံးခြင်းဖြစ်ပါသည်။
🚫 ထို့ကြောင့် အလှစိုက်ပါက မလိုအပ်ပဲထောင်ချောက်ထဲ လက်ဖြင့် အစာထည့်ကျွေးခြင်း အကြိမ်များစွာမလုပ်သင့်ပါ။
- အနံ့ဆိုး မထွက်သော အပင်ဖြစ်ပါသည်။
- ကလေးငယ်များအား အန္တရာယ် မပြုပါ။
- အသား မကျွေးရပါ။
- အမှောင်ထဲတွင် အမြဲမထားရပါ။
- လက်ဖြင့် ထောင်ချောက်အပိတ်အဖွင့်မလုပ်ရပါ။
- ပိုးသတ်ဆေးရည်များ မလောင်းရပါ။
■ မျိုးပွားခြင်း
- နတ်သမီးထောင်ချောက်အပင်ကို အရွက်မှ မျိုးပွားလိုပါက အရွက်ကို အောက်ခြေအထိပါအောင် ဖဲ့၍ သတ်မှတ်မြေအနေအထားတွင် စိုက်ပျိုးပါက အပင်ငယ်များ ပြန်ပေါက်လာပါတယ်။
- အကောင်းဆုံး မှာ အပင်အပွင့်ပွင့်သောအရွယ်တွင် အပွင့်ပွင့်သော ရိုးတံကို ဖြတ်မပစ်ဘဲ အပွင့်ခြောက်သွေ့ပြီး အစေ့များ ဖြစ်သောအခါ စနစ်တကျစုဆောင်း၍ ပြန်လည်စိုက်ပျိုးနိုင်ပါတယ်။
■ ၀ယ်ခါစမှာဘယ်လိုပြုစုသင့်သလဲ?
dormancy ကာလ ငုပ်နေသောကာလတွင် အပင်သည် အရွက်များ ခြောက်သွေ့ခြင်း၊အရွက်များသေဆုံးခြင်း အမြဲဖြစ်တတ်ပါသည်။အလင်းရောင် ပေးရန်လိုအပ်ပါသည်။ဝယ်ယူကာစ နတ်သမီးထောင်ချောက်ပင်ကို နေရောင်ပေးပြီး မိုးရေ လောင်းရန်လိုပါသည်။ထိုအခါမှ ပြန်လည် လန်းဆန်းလာပါမည်။
■ အပင်ရဲ့သားကောင်ဖမ်းဆီးဖျက်စီးပုံအဆင့်ဆင့်
- အင်းဆက်လိုမျိုးသားကောင်တွေကို အမွေးနုပုံအာရုံခံဆင်ဆာပါတဲ့ လက်သည်းပုံစံ(claw-shaped)သစ်ရွက်
ထောင်ချောက်တွေကနေ အနံ့ချိုမွှေးပန်း၀တ်ရည်တွေထုတ်ပြီး မြူကြပါတယ်။
- သူတို့ကသားကောင်တွေကို
1) Attract ,
2) Kill ,
3) Digestစတဲ့လုပ်ငန်းစဥ်အတိုင်းလုပ်ဆောင်ပါတယ်။
- သားကောင်ကသူတို့ကိုထိလိုက်တာနဲ့ စက္ကန့်ရဲ့၁၀ပုံ၁ပုံအချိန်အတွင်းမှာ electrical signal triggersများကြောင့် တိုက်ခိုက်ဖို့စတင်လာပါတယ်။
- ထောင်ချောက်ထဲသားကောင်မိသွားတဲ့အခါမှာတော့ အပင်ရဲ့ အစာချေဖျက်ဂလင်းတွေကနေ သားကောင်ရဲ့ အရည်ရွှမ်းတဲ့အပိုင်းတွေကို စုပ်ယူစားသောက်ကြပါတယ်။
- နောက်တော့ အစာအာဟာရတွေကိုစုပ်ယူလိုက်ပါတယ်။
ဒီလိုနည်းနဲ့ပဲ သားကောင်တွေကိုဖမ်းဆီးစားသောက်ပါတယ်။
(မင်မင်တို့ကို Dataအသုံးပြုခွင့်ပေးတဲ့ ညီမလေးကို ကျေးဇူးအထူးတင်ပါတယ်ရှင့်)
