Вистинско чудо е како светот почнува да се менува низ “очите“ на една чаша кафе!
Кафето отсекогаш бил доблесен напиток. И повеќе од тоа - изгледа како основна потреба на човечкото срце во скоро секоја ситуација - среќа или криза, да е добра, топла чаша кафе. Тој освежува, утешува, зближува, му дава потстрек на денот. Тој прераснува во стил на живот, тој знае да биде главна состојка и причина за
да се случи една романса, деловен успех, животна мудрост. Токму неговата суштина, неговите својства и значење се причина кафето да биде искрено обожувано, да доживее култ, а култот да го доживее својот зенит во еден ексклузивен настан - Coffee Fest Skopje.
Фестивалот претставува место каде секојдневниот кафе ритуал ќе го претворите во врвно искуство. Coffee Fest Skopje ги обединува сите на кои кафето им е неизоставен дел на животот - од произведувачи и дистрибутери, па се до крајните уживатели на кафе. Целиот свет на кафето на едно место.
Во првото издание на Фестивалот заедно го истражувавме и прославивме кафениот свет - дознавме работи кои не ги знаевме за кафето, откривме пикантерии за тоа како од необработено зрно кафе се доаѓа до рафинираната состојка која недвосмислено ги збогатува нашите животи. Со својата богата содржина и можност за дегустирање, Фестивалот отвори нови кафе хоризонти - новите димензии на кафето ни ги доловија вистинските мајстори за приготвување на кафе.
Покрај штандовите на изложувачите, беа застапени едукативни и забавни содржини (“Патот на кафето“, како да приготвите перфектно кафе, избор на најдобра декорација и прогласување на најдобар бариста, катче за деца, настап на бендови). И повеќе, Фестивалот понуди и дополнителни содржини кои овозможија Ваше врвно кафе искуство:
• COFFEE factory
• ТЕА garden
• CACAO section
• CHOCOLATE room
• FOOD market (Pastry)
• COFFEE Boutique
Првиот Coffe Fest Skopje се одржа од 21 до 23 септември, во Кафе Барот АБЦ.
За овогодинешното второ издание на Coffee Fest Ви подготвуваме дополнителни изненадувања и содржини. Следете ја нашата веб страница http://skopjecoffeefest.mk/ и нашиот фејсбук профил за да бидете информирани и за изненадувањата што Ви ги подготвуваме во пресрет на централниот настан.
