05/04/2025
Здраво на сите!
Во последниов период не бевме многу активни на странава, но тоа не значи дека не работевме во позадина. Сакаме со Вас да споделиме некои новости што се случија, а не ги објавивме.
1. Учествувавме на повикот за стартапи на Startup Club Skopje , #ИмамИдеја2 кој беше на крајот на минатата година. Од 150 пријавени идеи, влеговме во првите 30. Во просториите на Startup Club Skopje, се запознавме со програмата, менторите и останатите стартапи. Ја презентиравме нашата идеја, DigiWed, и наидовме на многу позитивни коментари, идеи и сугестии како можеме од идеја да станеме вистински стартап од Македонија. Во тие 2 дена, ја разработивме идејата и pitch-овавме пред менторите. Идејата беше одлично прифатена, и влеговме во финалните 15 стартапи, како единствен стартап од Битола, кои влегоа во инкубаторската програма и добиваат шанса да работат на идејата, со помош и поддршка од Startup Club Skopje, менторите и предавачите кои се дел од оваа програма.
2. Од средината на Јануари, инкубаторската програма започна со предавања, учејќи и работејќи од врвни македонски, но и светски ментори од стартап екосистемот, за да се подготвиме за Демо Денот и да ја изградаме нашата идеја до успешен бизнис.
Сакаме јавно да изразиме благодарност до Startup Club Skopje, за целосната поддршка од самиот почеток и разбирањето.
Исто, голема благодарност и до ProCredit Bank Macedonia кои се главниот спонзор на оваа инкубаторска програма, и кои несебично даваат поддршка на новите стартапи и младите претприемачи од Македонија.
Следете нè за возбудливите новости и како ќе ви помогнеме да ја организирате Вашата свадба со неколку клика.
