10/01/2026
Поминаа само неколку денови од крајот на ЗИМСКА ПРИКАЗНА, а пораките од Вас продолжија, ги читаме и денес.
Добивме бескрајно многу пораки, напишани со внимание и љубов кон сѐ што правиме.
Ви благодариме ⭐️
Добивме и многу интересни сугестии кои ги ставивме на список за идната година. Ни значат сите конструктивни разговори со Вас.
Фестивалот беше наменет за сите генерации, за децата кои најмногу се радуваат на празниците, младите генерации кои сакаат алтернативна програма, семејствата што бараат топлина и заеднички моменти, но и за сите што веруваат дека Битола секоја година може повеќе.
Зимска приказна уште еднаш покажа дека Битола не е само град со богато минато, туку град со јасна визија и иднина. Град што создава, гради и споделува.
Со ова 5. издание на најголемиот зимски фестивал во Македонија, Битола ја напиша својата зима заеднички со Вас.
Приказната продолжува.
Деновиве ќе објавиме и нови фотографии, досега необјавени од бројните настани кои ја направија Битола празнично убава ⭐️⭐️⭐️ за да се потсетиме на тие убави денови, следете не.
