12/05/2026
Misy hisainana be ity fa raha mandalo eto ianao dia mba vakio ity!
Tantara kely
“Tsy rava ny tokantranoko… fa saika rava ny foko.”
Tsy hoe tsy mifankatia izahay mivady…
fa nisy zavatra nanomboka nampangatsiaka ny fitiavanay tsikelikely.
Tsy nisy ady be.
Tsy nisy daroka.
Tsy nisy fitaka.
Fa nisy fahanginana.
Rehefa hariva, samy reraka.
Samy tsy te hiresaka intsony.
Samy milaza hoe “aleo rahampitso.”
Indray andro aho, nipetraka irery teo am-pandriana…
nandinika an’ilay efitra,
nefa toa tsy nisy fiainana intsony tao an-trano.
Tonga ilay vadiko, tsy niteny be…
fa naka “chargeur”, naka “téléphone”…
dia niarina handeha hivoaka.
Dia niteny aho hoe:
“Ho aiza indray ianao?”
Tsy tezitra izy…
fa namaly fotsiny hoe:
“Mbola tsapanao ve hoe mpivady isika?”
Tsy nahateny aho.
Satria marina ny navaliny ahy…
✅ Miray trano izahay… nefa tsy misy fitiavana tsapa intsony.
✅ Mipetraka an-trano iray… nefa toa vahiny.
✅ Mifampiresaka… fa tsy mifandray ny fo.
Tamin’io fotoana io aho no nahatsapa fa…
Indraindray tsy ny fahasarotana no mandrava tokantrano… fa ny tsy karakaraina.
Dia nisy zavatra tsy nampoiziko nitranga.
Niverina izy, nitondra zavatra kely:
taratasy iray.
Hoy izy tamiko:
“Nanoratra aho… satria rehefa miteny aho dia toa tsy heno.
Fa ity no tiako ho fantatrao:
Tsy te hiala aho… te hiverina.”
Teo aho vao nitomany.
Satria vao mainka hitako hoe…
✅ Harena be ny manana vady mbola te hanarina, fa tsy te handositra.
✅ Harena be ny fitiavana mbola miezaka, na dia maratra aza.
✅ Harena be ny fiverenana amin’ny “isika”, fa tsy miaina amin’ny “izaho”.
Ary teo no niverina niaraka nivavaka indray izahay 2 tamin'ny vavaka tsotra hoe:
“Jesosy ô… avereno ny fitiavanay roa ato antokatranonay mivady ity.
Ampianaro izahay hifampiresaka indray, hifamela, hifankahazo.”
Tsy hoe tonga dia “perfect” tampoka ny zava-drehetra…
fa hatramin’io andro io,
tsy dia ela intsony ny fahanginana ao an-tranonay.
Fa isaky ny manomboka mangatsiaka izahay,
dia tsaroanay hoe:
Tsy ady no mandresy… fa fitiavana tarihin’i Jesosy.
📌 Hafatra ho an’ny mpivady rehetra:
Aza avela ho fomba fiainana ny “tsisy resaka”, ”ny tsy misy fotoana niarahanareo mivady"
Aza miandry ho tara vao miverina mifankatia.
✅ Mentionnéo ny vadinao hoe:
“Aza matahotra… mbola tiako foana ianao, ary mbola hiady ho an’ny tokantranontsika aho.”
Tokatrano sy Fanambadiana araka an'Andriamanitra
Tahian’Andriamanitra mitafotafo tompoko.
