25/09/2025
أنا متزوج ومراتي كان عندها علاقات كاملة محرمة قبل الزواج، بصحدابا تبدلات ولات إنسانة أخرى و تابت على داكشي لي دارت. من نهار تزوجنا عمرني ما شفت منها شي حاجة خايبة، بالعكس صادقة بزاف و وقفات معايا ف ظروف صعيبة ودارت حوايج صعيبة يلا قلبت الدنيا ما تلقى بنت دابا تديرهم مع راجلها
ولكن، كرجل طبيعي، ما قادرش ننسى الماضي ديالها، و من وقت لوقت كيتعاود يجي ف بالي و كنقول علاش أنا تزوجتها؟ كيفاش تقدر تولي أم ولادي و تربيهم مزيان، مع أنها فعلا إنسانة مزيانة دابا
مؤخرا واجهتها بالماضي ديالها و انهارت قدامي و بقات كتبكي و كتقولي شنو ندير يعني ؟ ماشي من حقي نتوب و نبدأ حياة جديدة؟ خاصني نعيش حياتي كاملة بوحدي ؟ و بقات كتبكي النهار كامل
دابا أنا محتار، حيث بصراحة الماضي ديالها خايب بزاف، ماشي غلطة و تسالات، ومع أنني عارف غادي تلوموني و تقولو ليا علاش تزوجتها من الأول؟ أنا كنت مفكر غادي نقدر نتعايش و ننسى ولكن للأسف اكتشفت راسي غادي نبقى ديما نتفكر
ما عارفش شنو ندير واش نطلقها و نكون ظلمتها، ولا نصبر ونجي على راسي ؟
#نصيحة لا تتزوج من كان لديها ماضي اذا كان مضيك نضيف حتى لا تظلمها
