18/04/2026
"අපි හිටියේ ශ්රී ලංකාවේ. අවුරුද්ද 2022. මේ කාලයේ කුසල් මෙන්ඩිස් අපිව නොමරා මරමින් හිටියේ. මම සිලි පොයින්ට් වල සහ පොයින්ට් වල දවස් 3 ක් පන්දු රැක්කා. කුසල් ලකුණු 200 ක් ගැහුවා."
"අපි ඊළඟට තරගයට කලින් හවස හෝටලයේ කතා කරමින් හිටියේ කුසල් ගැන. මේ වෙලාවේ නේදන් ලියොන් කාමරයට ඇවිල්ලා අපිට බාධා කළා"
"ඌ මට කිසිම ගෞරවයක් පෙන්නන්නේ නෑ. මොකක්ද පොරගේ ඔච්චර තියෙන විශේෂත්වය. පොර කොහොමද ඔච්චර ගහන්නේ? මම ඔය යකාව හෙට අවුට් කරලා පෙන්නන්නම්."
"නේදන් කියපු මේ කතාවෙන් හැමෝම පුදුමයට සහ උද්දාමයට පත් වුණා. ඊළඟ දවසේ තරගයක් තිබ්බ. අපි හොඳට නිදාගත්තා. මයිකල් ක්ලාක් , ඔහු හැම වෙලාවෙම අපි පරාජයට පත් වුණාට පස්සේ ධනාත්මකව හිතලා පැමිණෙන නායකයෙක්. ඔහු නේදන්ට කතා කළා".
"නේදන් මේ පාර ඔයා පළමු වෙනස්කම විදිහට එන්නේ නෑ. ඔයා මේ පාර අලුත් බෝලෙන් කුසල් මෙන්ඩිස්ට බෝල් කරනවා. දැන් අපි සියල්ල කුසලා වෙනුවෙන් නිර්මාණය කරලා අවසන්. අපිට කුසලා ඉක්මනට දවාගන්නත් පුළුවන්."
"කුසල් ආවා, ගාඩ් එකට ගත්තා. නේදන් පන්දුව මැද ඉන්න සහ පා ඉන්න අතරට පතිත කළා. කුසලා ෆ්ලික් කළා බෝලේ නැවතුනේ ප්රේක්ෂකාගාරයේ."
"කැමරාව අපි දිහාවට හැරෙද්දී මට හිනාව නවත්තගන්න බෑ. මොකද අපි කලින් දවසේ පැය එකහමාරක් විතර කුසල් අවුට් කරන විදිහ සැලසුම් කළා."
"ඊට පස්සේ ඇවිල්ලා දාපු පළවෙනි පන්දුව ස්ක්වෙයා ලෙග් එකෙන් කුසල් ෆ්ලික් කළා ප්රේක්ෂකාගාරයේ මැදට වැටෙන්න."
- හිටපු ඕස්ට්රේලියානු ක්රීඩක ස්ටීව් ස්මිත් -
