30/10/2020
මෙලොව පරලොව ජීවිතය සුවඳවත් කර ගැනීම සඳහා මඟපාදන අට මහා කුසලයන්ගෙන් එකක් වන කඨින වීචර පූජාවන්ගේ ආරම්භය සනිටුහන් කරමින් වප් පුර පසළොස්වක සඳ අද ලොවම ඒකාලෝක කරනු ඇත.
වස්සාන ඍතුවේ වැසි සාර මාසය අතුරෙන් මුල් මාස තුන තුළ උපසපන් භික්ෂූන් වහන්සේලා වස් සමාදන් ව වැඩ සිටිති..
"කොස් කොළයේ හෝ අඹ කොළයේ නැට්ට පෙනෙන තරමට යන්තම් හිරු උදා වීම කඨින පෙරහර විහාරස්ථානයට ඇතුළුවීම සඳහා නිශ්චිත වේලාව ලෙස පුරාතනයේ පටන් සැලකිණි."
පෙර වස් විසූ උපසපන් භික්ෂුන් වහන්සේ වස් පවාරණ විනය කර්මය සිදුකරන්නේ අද දිනයේය. බුදුරජාණන් වහන්සේ තව්තිසා දෙව් ලොවට වැඩම කොට තම මාතෘ දිව්ය රාජයාට අභිධර්ම දේශනාකොට එහි වස් කාලය ගත කොට නැවත දඹදිව සංකස්ස පුරට වැඩම කළේ ද අද වැනි උතුම් වප් පොහෝ දිනකය. අරිට්ඨ තෙරුන් ප්රමුඛ මහාසංඝරත්නය අනුරපුර ථූපාරාම භූමියේදී අනුqබුදු මිහිඳු හිමියන්ගේ අනුශාසනා පරිදි විනය පිටකය දේශනා කළේද වප් පුන් පොහෝ දිනකය.
අද දින සිට දිවයිනේ සෑම විහාරස්ථානයකම වස් පිංකම් ආරම්භ වනු ඇත. කඨින චීවර පූජාවක් යනු මෙලොවදී කරගත හැකි පිංකම්වලින් උතුම් වූ පිංකමකි. කඨින චීවර පූජාවේ ආනිශංස මහත්ඵල මහානිශංස වන බව බෞද්ධ සාහිත්යය පිරික්සීමේදී පෙනී යයි.
බුදුදහමේ දැක්වෙන අයුරින් මහා පින්කම් අටකි.
1. කඨින චීවර පූජාව
2. අටපිරිකර පූජාව
3. සංඝාවාස පූජාව
4. සඟසතු කොට දන් පිදීම
5. දහම් පොත් ලිවිම
6. කෙත්වතු පූජාව
7. බුද්ධ ප්රතිමා ඉදිකිරීම
8. වැසිකිළි සකසා පූජාකිරීම
මේවා බුදුදහමෙහි අට මහ කුසල් යනුවෙන් ද හැඳින්වේ. මෙහි මුලින් ම දැක්වෙන කඨින චීවර පූජාව ඉතාමත් ම වැදගත් පින්කමක් ලෙස සැලකේ. එයට හේතුව වන්නේ එය ගිහි - පැවිදි සම්බන්ධතාව, සිහිය, ගුණවත්කම හා සිල්වත්කම මත ම පදනම් වූ මහා පින්කමක් හෙයිනි.
තෙරුවන් සරණයි!
- Media Bureau | මාධ්ය කාර්යාංශය -
