20/03/2026
සල්ලි තිබ්බ පලියට තෙල් නොලැබෙන කාලෙ වාහනේ තෙල් කරනවා මදි නම්, මේ ස්පීඩ් වලින් ගිහින් බලන්නකෝ! ⛽🚗
අද කාලෙ හැටියට තෙල් ටිකක් ඉතුරු කරගන්න එක අපිට බොහිම වටින බව මම.අමුතුවෙන් කියන්න ඕන නෑනේ? ලංකාවේ පාරවල් වල තත්ත්වෙත් එක්ක, වාහනේ තෙල් උපරිම වැඩ කරන විදියට යන්න පුළුවන් හොඳම ස්පීඩ් එක මොකක්ද කියලා දැනගන්න අපිටත් හොඳයි රටටත් හොඳයි.
මෙන්න වාහන ජාතිය අනුව තෙල් උපරිම ඉතුරු වෙන වේග සීමාවල් වල සාරාංශයක්.
සාමාන්ය පාරවල් වලදි:
__________
බයික් සහ ස්කූටර්: 40 - 50 kmph
කාර් සහ කුඩා වාහන (SUV): 60 - 80 kmph
වෑන් සහ පොඩි ලොරි: 50 - 70 kmph
බස් සහ ලොකු වාහන: 40 - 60 kmph
හයිවේ එකේදි (Expressway):
____________
** කාර් සහ කුඩා වාහන: 80 - 90 kmph
(හයිවේ එකේ 100ට යන්න පුළුවන් වුණාට, 80-90 අතරේ එකම ස්පීඩ් එකක (Constant speed) ගියොත් හුළඟින් එන බාධාව අඩු වෙලා සෑහෙන්න තෙල් ඉතුරු වෙනවා).
**වෑන්, බස් සහ ලොකු වාහන: 70 - 80 kmph
💡 තෙල් ඉතුරු කරගන්න තව පොඩි ටිප්ස් ටිකක්:
_____________
** ටයර් වල හුළං ගාණට තියාගන්න. හුළං අඩු වුණාම එන්ජිමට ලොකු බරක් වැටිලා තෙල් පිච්චෙනවා වැඩියි.
** එකපාර රේස් කරන්න එපා පුළුවන් තරම් එක දිගටම එකම ස්පීඩ් එකක යන්න බලන්න. එකපාරට බ්රේක් ගහන එකයි, එකපාරට රේස් කරන එකයි තෙල් අපතේ යන්න ප්රධාන හේතුවක්.
**අනවශ්ය බර අයින් කරන්න, ඩිකියේ තියෙන අනවශ්ය බඩු මුට්ටු ටික අයින් කරන්න. වාහනේ බර අඩු වෙද්දී තෙල් වැඩ කරනවා.
** වෙලාවට සර්විස් කරන්න එන්ජින් ඔයිල්, එයාර් ෆිල්ටර්, ස්පාර්ක් ප්ලග් වෙලාවට මාරු කළාම එන්ජිම ලෙඩක් නැතුව හොඳට වැඩ කරනවා.
** A/C එකේ කතාව, හයිවේ එකේදි ෂටර්ස් පහත් කරන් යනවට වඩා A/C දාගෙන යන එක ලාභයි (හුළඟින් එන බාධාව අඩු වෙන නිසා). හැබැයි සාමාන්ය පාරක ට්රැෆික් එකේ හිමින් යද්දි නම් A/C එක පොඩ්ඩක් අඩු කළොත් තෙල් ටිකක් ඉතුරු කරගන්න පුළුවන්.
අනික හයියෙන් ගියා කියල අපිට මහ කාලයක් ඉතිරි වෙන්නෙ නෑ. ඒකත් ගණන් හදලම කියන්නම්..
වේගයන් කීපයකට අනුව එක කිලෝමීටරයක් (1 km) දුරක් යන්න ගතවෙන නිශ්චිත කාලය:
60 km/h: තත්පර 60 යි (හරියටම මිනිත්තු 1 යි)
70 km/h: තත්පර 51 යි
80 km/h: තත්පර 45 යි
90 km/h: තත්පර 40 යි
100 km/h: තත්පර 36 යි
💡කෙනෙක් 80 km/h වේගෙන් යනවා වෙනුවට 100 km/h වේගෙන් ගියත්, එක කිලෝමීටරයකින් ඉතුරු වෙන්නේ තත්පර 9 ක් වගේ පොඩි කාලයක් විතරයි. උදාහරණයක් විදියට කිලෝමීටර් 100 ක දුරක් (කොළඹ ඉඳන් ගාල්ලට වගේ) ගියත් 100ට ගියා කියලා ඉතුරු වෙන්නේ විනාඩි 15 ක් වගේ කාලයක්. හැබැයි ඒ විනාඩි 15 ඉතුරු කරන්න ගිහින් සෑහෙන්න තෙල් ප්රමාණයක් අපතේ යනවා. මේක දැක්කම ඕනම කෙනෙක්ට තේරෙනවා වේගෙන් ගියා කියලා ලොකු ලාභයක් නෑ කියන එක.
