21/02/2022
ලිපි අංක 06
ඇන්තූරියම් වගාවට අවශ්ය මූලික සාධක 😘
අද අපි බලමු අපි මේ ආසාවෙන් වගා කරන ඇන්තූරියම් පැටව් කොහොමද රැක බලාගන්නේ කියලා. එහෙමත් නැත්නම් එයාලට අවශ්ය පරිසර තත්ත්ව සහ සාධක මොනවද කියන එක. මම මේ ලිපිය ලියන්න අදහස් කළේ ඇන්තුරියම් වගාවට කැමැත්තක් දක්වන ආධුනිකයන් වෙනුවෙන්මයි. ඉතින් මම හිතනවා මේ ලිපිය එයාලට ගොඩක් වැදගත් වෙයි කියලා. ❤💕😊
අපි දැන් බලමු හොඳ තද පෙනුමක් තියෙන මල් ලස්සනට පිපුණු ඇන්තූරියම් ශාකයක් ලබා ගන්න අවශ්ය සාධක මොනවද කියලා.🌱💐
➡️ මූලිකම දේ තමයි ආලෝකය ☀️
ඇන්තූරියම් ශාකය දීප්තිමත් වක්ර ආලෝකයට තමයි කැමති. ඒ කියන්නේ අපි ඇන්තූරියම් වගා කරනවා නම් ඇන්තූරියම් ශාකයට සෘජුවම ආලෝකය පතිත වෙන්න දෙන්න හොඳ නෑ. මොකද එහෙම උනොත් පත්ර පිලිස්සෙන්න පුලුවන්. ඒ වගේම තමයි අවශ්ය කරන ප්රමාණයට හොඳින් හිරු එළිය වැටුනොත් තමයි අපේ ඇන්තූරියම් ශාකවල මල් හට ගැනීමත් වේගවත් වෙන්නේ. මොකද හිරු එළිය අත්යාවශ්ය සාධකයක්නේ ශාක වල ආහාර නිෂ්පාදන ක්රියාවලියට. ආහාර නිශ්පාදන ක්රියාවලිය හරියට උනොත් මල් හට ගැනීමත් වේගවත් වෙනවා. පූටිකා යාන්ත්රණය ඔස්සේ උත්ස්වේදනය සිදුවෙන්නත් ප්රධාන සාධකයක් ලෙස ආලෝකයේ බලපානවා.
අපේ මේ ඇන්තූරියම් වලට 20% - 40% අතර පමණ දීප්තිමත් වක්ර (පෙරුණු) ආලෝක ප්රමාණයක් තමයි අවශ්ය වෙන්නේ. හොඳින් ආලෝකය අවශ්ය ප්රමාණයට ලැබුණොත් තමයි මල් පිපීම වගේම පත්රවල දීප්තියත් වැඩි වෙන්නේ. සෙවන ගෘහයක් තුල ඇන්තූරියම් වගාව සිදු කරන්න ප්රධානම හේතුවක් තමයි මේ කාරණාව. 😊💕
➡️ අංක දෙක තමයි ජලය 💧
ඇන්තූරියම් කියන්නේ ජලය ප්රිය කරන ශාකයක්. හැබැයි ජලය වැඩි උනොත් ඒ ජලය නිසාම ඇන්තුරියම් ශාකයේ මුල් නරක් වෙන්න පුලුවන්. ඒ නිසා නිවැරදි ජල බැස්මක් සහිතව තමයි අපි ඇන්තුරියම් ශාක වලට ජලය යොදන්න ඕනා. මම මීට කලින් ලිපියක සඳහන් කරලා තියෙනවා ජල බැස්ම ස්ථාවර වෙන විදිහට කොහොමද වගා මාධ්ය සකස් කරන්නේ කියලා. මේ පෝස්ට් එක පහලින් මම ඒ ලිපියට අදාල ලින්ක් එක දාලා තියෙනවා. ඒක කියවලා ඔයාලට වගා මාධ්ය ගැන අදහසක් ලබා ගන්න පුලුවන් වෙයි කියලා මම හිතනවා.
පසේ ඉහල ස්ථරයේ ජලය 50% - 70% පමණ වියළී ගිය පසු ජලය යෙදීම ප්රමාණවත්. මොකද ඇන්තූරියම් ශාකයේ තියෙන්නේ මාංශල මූල පද්ධතියක් නිසා එයාලා වතුර රඳවගෙන ඉන්නේ.🌱🌱
➡️ අංක තුන තමයි ආර්ද්රතාවය 🌫️
අපි ඇන්තූරියම් වාණිජමය වශයෙන් වගා කරද්දි සෙවන ගෘහයක් භාවිතා කරනවනේ. ඒකට හේතු සාධක කිහිපයක් තියෙනවා. එකක් තමයි හොඳ ආර්ද්රතාවයක් පවත්වාගන්න එක. ඇයි හොඳ ආර්ද්රතාවයක් පවත්වාගන්න ඕනා කියලා අපි බලමු.
අපි ආර්ද්රතාවය කියලා අදහස් කරන්නේ වායුගෝගයේ තියෙන ජල වාෂ්ප ප්රතිශතයටනේ. වායුගෝලයේ ජල වාෂ්ප වැඩිපුර තියෙනවා කියන්නේ වායුගෝලීය තෙතමනය වැඩියි කියන එක. අපේ ඇන්තූරියම් පැටව් තෙතමනය සහිත පරිසරයට ගොඩක් ආසයි. මොකද එතකොට හැම වෙලාවෙම පත්රවලට හොඳ තෙතමනයක් ලැබෙන නිසා ශාකය ප්රබෝධමත්ව පවතිනවා.
ඇන්තූරියම් ශාකයට 75% පමණ සාපේක්ෂ ආර්ද්රතාවයක් අවශ්ය වෙනවා. හොඳින් සීල් කරපු සෙවන ගෘහයක් මඟින් මේ අවශ්යතාවය අපිට පහසුවෙන්ම සපුර ගන්න පුලුවන්. ඔන්න ඕක නිසයි සෙවන ගෘහය හොඳින් සීල් කරන්න ඕන. 😊😊
➡️ අංක හතර තමයි උෂ්ණත්වය 🌡️
උෂ්ණත්වය කියන සාධකයත් ඇන්තූරියම් ශාකයේ ආහාර නිෂ්පාදන ක්රියාවලියට වැදගත් සාධකයක් වෙනවා. සෙල්සියස් අංශක 18 ත් 27 ත් අතර උෂ්ණත්වය තමයි ඇන්තූරියම් ශාකයට හිතකරම උෂ්ණත්ව පරාසය.
අපි සෙවන ගෘහයක් තුල ඇන්තූරියම් වගා කරනවා නම් මෙන්න මේ සාධකයත් අපිට සම්පූර්ණ කරගන්න පුලුවන්. ❤❤
➡️ අංක පහ තමයි පොහොර 🔷
පොහොර කියන දේ අපි හරි මාත්රාවෙන් හරි විදිහට යොදන්න ඕනා. ඒ වගේම කැට පොහොර විතරක් ඇන්තූරියම් පැලවලට ප්රමාණවත් මදි. දියර පොහොර යෙදීමත් ඉතාම වැදගත්. මම පොහොර ගැන මෙතනදි කතා කලොත් මේ ලිපිය ගොඩාක් දීර්ඝ ලිපියක් වෙනවා.
මම මීට කලින් පොහොර ගැන දීර්ඝ විස්තරයක් සහිත ලිපියක් ලියලා තියෙනවා. ඒකේ ලින්ක් එකත් යටින් දාලා තියෙනවා. ඒ ලිපිය කියවලා ඔයාලට අවබෝධයක් ගන්න පුලුවන් වෙයි කියලා මම හිතනවා. 😊❤
➡️ අංක හය තමයි දිලීර සහ බැක්ටීරියා ආසාධනය වලින් වලාක්වා ගැනීම
ඇන්තූරියම් ශාකය ඉතාමත් ඉක්මනින් දිලීර සහ බැක්ටීරියා ආසාධන වලට ලක් වෙන්න පුලුවන්. අන්න ඒක නිසා අපි පූර්ව ආරක්ෂණ උපක්රම යොදලා තිබ්බොත් අපිට පුලුවන් මෙන්න මේ කියන දිලීර සහ බැක්ටීරියා ආසාධන වලින් අපේ ඇන්තූරියම් පැටව් ටික බේරගන්න. නියමිත කාල පරාස තුල නියමිත මාත්රාවෙන් දලීර නාශක සහ බැක්ටීරියා නාශක යෙදීම තමයි අපිට මේකට තියෙන පිළියම. මම ඒ ගැන ලිපියක් ඉක්මනින්ම ලියන්නම්.
හැමදාම වගේ මගේ ලිපි කියවන ඔයාලට බොහොම ස්තූතියි.
මේ වගේ තොරතුරු අපි ඉදිරියටත් කතා කරමු. ඔයාලත් Colombo Anthurium ෆේස්බුක් පිටුවට තවම එකතු වෙලා නැත්නම් පහත ලින්ක් එකෙන් ගිහින් Like කරලා Follow කරන්න යාලුවනේ.
තෙරුවන් සරණයි.
https://www.facebook.com/Colombo-Anthurium-224416679526595/
නිවැරදිව බඳුන් මිශ්රණය සකස් කරමු
https://www.facebook.com/224416679526595/posts/226178002683796/
මොනවද මේ N P K
https://www.facebook.com/224416679526595/posts/227549562546640/
