01/08/2026
විවාහය විතරක් නෙවෙයි අපි මොන දේ කරන්න ගියත් හරි plan එකකට කරගන්නවනම් ප්‍රශ්න අඩුයි සහ නිවරදිව පිළිවෙලකට කරගන්න පුළුවන්.
මුලින්ම, දළදා පෙරහැර තියෙන මේ උතුම් මාසෙ විවාහ වෙන්න ඉන්න ඔයාලට, සියලු දේම සාර්ථකව කරගන්න ලැබෙන්න කියලා හදවතින්ම සුභ පතනවා M wedding planner අපි.❤️
පෙර මාසවලත් Wedding planning ගැන දීර්ඝ ලෙස අපි ලිපි ගෙනාවා.අපි වටා ලොකු පිරිසක් එකතු වෙන්නත් ඒක හේතුවක්.කාර්‍යබහුල වෙනවත් එක්ක ලියන්න කාලය හරිම අඩුයි.ඒත් පුළුවන් වෙලාවට ඔයාල වෙනුවෙන් මොනවම හරි උදව්වක් කරන්න තමයි අපේ ආයතනය නිතරම වෙහෙසුනේ..
අද සමාජයේ බොහෝ තරුණ තරුණියන්ගේ ලොකුම සිහිනයක් තමයි තමන් කැමති විදියට ලස්සන විවාහයක් ගන්න එක. Pinterest එකේ, Facebook එකේ, Instagram එකේ දකින ලස්සන Wedding photos සහ videos දැක්කාම, “අපේ Wedding එකත් මේ වගේම වෙන්න ඕනේ” කියලා හිතෙන එක සාමාන්‍ය දෙයක්.
නමුත් සැබෑ ජීවිතයේ Wedding Planning කියන්නේ ලස්සන photos ටිකකට එහා ගිය, වගකීම්, තීරණ, අභියෝග සහ බොහෝ සැලසුම් වල එකතුවක්.
ඒ ගමනේදී බොහෝ Couple මුහුණ දෙන ප්‍රශ්න කිහිපයක් ගැන අද අපි කතා කරමු.
💰 1. Budget එක තමයි පළමු අභියෝගය
බොහෝ දෙනෙක් මුලින්ම තීරණය කරන්නේ Decoration එක, Hotel එක, Photography එක වගේ දේවල්. නමුත් Budget එක හරියට සැලසුම් නොකළොත්, අවසානයේ අනපේක්ෂිත වියදම් නිසා මානසික පීඩනයක් ඇති වෙන්න පුළුවන්.
ඒ නිසා මුලින්ම ඔබට වැය කළ හැකි මුදල තීරණය කරන්න. ඉන්පසු ඒ මුදල ප්‍රමුඛතා අනුව වෙන් කරන්න. හැම trend එකක්ම අනුගමනය කරන්න උත්සාහ කරනවාට වඩා, ඔබට සැබෑවටම වැදගත් දේවල් තෝරාගන්න.
🤝 2. නිවැරදි සේවා සපයන්නන් තෝරාගැනීම
Wedding industry එකේ සේවා සපයන්නන් බොහෝ දෙනෙක් ඉන්නවා. හැබැයි හැමෝම එක වගේ නෑ.
මිල අඩුයි කියලා විතරක් තෝරාගන්න එපා. ඔවුන්ගේ පෙර වැඩ බලන්න. Reviews කියවන්න.weddings ගත්තු අයගෙ අත්දැකීම් අහන්න. හමුවෙලා කතා කරන්න.
හොඳ Vendor කෙනෙක් ඔබේ මුදල විතරක් නෙවෙයි, ඔබේ විශ්වාසයත් ආරක්ෂා කරනවා. සමහරු රු 5000 ලාභය බලන්න ගිහින් වටිනම දවස විනාශකරගත්තු අවස්ථා fb group වල ඔයාලා ඕන තරම් දැකලා ඇති.
අනිත් කාරනාව හිතවත්කම් වලට වැඩ දෙද්දිත් හොදට හොයලා බලල දෙන්න. හැමෝම හොද නෑ කියලා නෙවෙයි මේ කියන්නෙ.පහුගියකාලෙ මේ වගේ ප්‍රශ්න නිතරම group වල දැක්ක නිසා කියන්නෙ.
👨👩👧👦 3. පවුල්වල අදහස් වෙනස් වීම
විවාහයක් කියන්නේ ඔය දෙන්නගෙ උත්සවයක් විතරක් නෙවෙයි. පවුල් දෙකක් එකතු වෙන අවස්ථාවක්.
ඒ නිසා සමහර වෙලාවට අදහස් නොගැළපීම් ඇති වෙනවා. Venue එක, Guest list එක, Decoration එක, නැත්නම් චාරිත්‍ර පිළිබඳවත් මතභේද ඇති වෙන්න පුළුවන්. මේක ලියද්දි අපි wedding plan කරන්න සහභාගී වෙන සමහර Family වල අය ගැන මතක් වෙනවා.සමහර දෙමව්පියො ,පවුලෙ අක්කලා ,නැන්දලා එක්ක හරි අමාරුයි.couple එකකට එයාලට ඕන විදිහට වැඩක් කරගන්න දෙන්නෙම නෑ.අපි කියන්නෙ පුළුවන් තරම් හිත් අමනාපකම් ඇති නොවෙන්න ප්‍රශ්න විසදඟන්න උපරිම උත්සහ කරන්න.
එවැනි අවස්ථාවල සන්සුන්ව කතා කරන්න. එකිනෙකාට ගරු කරන්න. හැමෝම සතුටු කරන්න බැරි වුණත්, ඔබ දෙදෙනාගේ ජීවිතයට ගැළපෙන තීරණය ගන්න.
හුගක් අයට ලොකු ගැටලුවක් වෙන Budget එක මනාල හා මනාලි දෙපාර්ශවය බෙදාගන්න විදිහ ගැන ලිපිය මං cmnt section එකේ pin කරන්නම්.
⏰ 4. කාලය කළමනාකරණය
රැකියාව, ව්‍යාපාර, පවුලේ වගකීම් අතර Wedding Planning කරන්න ලේසි නෑ.
අන්තිම සතියට හැම වැඩක්ම ඉතුරු කළොත්, Wedding Day එකට කලින් දවස් ටික ඉතාමත් ආතතියෙන් ගත වෙන්න පුළුවන්.
Checklist එකක් හදාගන්න. Timeline එකක් තියාගන්න. හැකි තරම් වැඩ කලින් අවසන් කරන්න. Wedding එක දවසට නිවරදි agenda එකක් හදාගන්න. සමහර Hotel වලින් coordination කරනව කිව්වට. Wedding එක දවසට වැඩ ටික නිවරදිව handle කරගන්නන්ම් කලින් හැමදෙයක් ගැනම කතාකරලා තියෙන්නෙ ඕනෙ. ඒ නිසා පව්ලෙ කිහිපදෙනෙක් එකතු කරගෙන හරි වැඩ රාජකාරි බෙදලා plan එක හදාගන්න.මොකද සමහර hotel වලට ඔයාලගෙ දවස එයාලට එන තවත් එක function එකක් විතරයි.විශේෂයක් දක්වන්නෙ නෑ.
🌧️ 5. අනපේක්ෂිත දේවල් වෙනුවෙන් සූදානම් වෙන්න
කාලගුණය වෙනස් වෙන්න පුළුවන්.
Vendor කෙනෙක් ප්‍රමාද වෙන්න පුළුවන්.
Traffic නිසා වෙලාව වෙනස් වෙන්න පුළුවන්.
මේ හැම දෙයක්ම අපිට සම්පූර්ණයෙන් පාලනය කරන්න බැහැ. ඒ නිසා Backup plan එකක් තිබීම ඉතා වැදගත්.
එදාට vendorsla follow up කරන්න කෙනෙක් අනිවාර්‍යෙන් දාන්න.
ඔයාලා photo Location ඉද්දි hall එක පැත්තෙ හැමදේම නිවරදිව වෙනවද බලන්න කෙනෙක් තියන්න.
ඔයාල නැකතට ආවට පස්සෙ.අනේ නැට්ටුවො ටික පරක්කුයිනෙ. ජයමංගල ගෑනු ළමයි ඇවිත් නෑනෙ. Entrance එක හරියට නැහැනෙ. Wedding cakes table place කරල නෑනෙ. Oil lamp candle තියල නෑනෙ. කැවිලි මේසෙ හදලා නෑ පරක්කුයිනෙ වගේ ප්‍රශ්න එන් නෑ එතකොට.
❤️ 6. Wedding Day එක විඳින්න අමතක කරන්න එපා
සමහර Coupleලා තමන්ගේ Wedding Day එකේ හැම තැනම දුවලා, හැම දෙයක්ම බලලා, අවසානයේ තමන්ගේම උත්සවය විඳින්න බැරි වෙනවා. ලක්ශගානක් වියදම් කරන ඔයාගෙ දවසෙ ඔයාලා stress වෙන්න එපා.පවුලෙ අයට වැඩ බෙදලා දෙන්න.තව tip එකක්.එයාලටත් වැඩත් එක්ක අමතක වෙනව සමහර වෙලාවට.ඒ නිසා එක වැඩක් බලන්න දෙන්නෙක්වත් යොදවන්න.
Wedding planning එකේ ඔයාලට තියෙන ලොකුම challenge එක මොකක්ද? ප්‍රශ්න තියේනවනම් Comment කරන්න. අපි පුළුවන් තරම් උදව් කරන්නම්. ❤️
M wedding planner
Weddings woven with heart ❤️
Plan & coordinate your wedding perfectly
Around srilanka
070 5700 555
