15/05/2025
អបអរសាទរ ព្រះរាជពិធីច្រត់ព្រះនង្គ័ល
ព្រះរាជពិធីបុណ្យ «ច្រត់ព្រះនង្គ័ល» ដែលត្រូវបានធ្វើឡើងជារៀងរាល់ឆ្នាំក្នុងខែពិសាខ ក្នុងគោលបំណងផ្សងមើលប្រផ្នូល ការព្យាករណ៍ ឬ ទស្សន៍ទាយរបស់ស្រុកទេស អំពីផលដំណាំ កសិកម្ម និងហេតុភេទដែលអាចនឹងកើតមានឡើងនៅក្នុងរយៈពេលពេញ ០១ឆ្នាំ ទៅតាមការបរិភោគរបស់ «គោឧសភរាជ» ព្រមទាំងជាការដាស់តឿនក្រើនរម្លឹក ដល់ប្រជាពលរដ្ឋខ្មែរ ដែលពឹងផ្អែកលើការធ្វើកសិកម្មជាចម្បងនោះ ឱ្យបានដឹងថា រដូវធ្វើស្រែចំការបានចូលមកដល់ហើយ។ ព្រះរាជពិធីច្រត់ព្រះនង្គ័ល ត្រូវបានព្រះរាជាខ្មែរប្រារព្ធជាបវេណី តាំងពីសម័យចេនឡា (សតវត្សទី៦ ដល់ ដើមសតវត្សទី៩) ដែលមានរូបចម្លាក់ជាច្រើនបញ្ជាក់ពីវត្តមាននៃព្រះរាជពិធីនេះ។
