27/08/2026
សួស្តីបងប្អូនទាំងអស់គ្នា,
សូមមេត្តាជួយចែករំលែកព័ត៌មាននេះទៅកាន់បណ្តាញ ដៃគូអាជីវកម្ម និងសហគ្រាសក្នុងបណ្តាញរបស់បងប្អូនផង។
វេទិកាពាណិជ្ជកម្មឌីជីថល និងពិព័រណ៍អនឡាញ លើកទី៣ (3rd Digital Trade Forum and Online Expo 2026) នឹងប្រព្រឹត្តទៅនៅថ្ងៃទី ១១-១៣ ខែកញ្ញា ឆ្នាំ២០២៦ ក្រោមប្រធានបទ «ជំរុញពាណិជ្ជកម្មឌីជីថលកម្ពុជាឆ្ពោះទៅឆ្នាំ២០៣០»។
កម្មវិធីឆ្នាំនេះនឹងមានភាពរស់រវើក និងទាក់ទាញជាងមុន ដោយមានស្តង់តាំងពិព័រណ៍ជាង ២០០ ស្តង់ សកម្មភាពកម្សាន្តជាច្រើន កម្មវិធីចាប់រង្វាន់ ការប្រកួតប្រជែង ការផ្គូផ្គងធុរកិច្ច (Business Matching) និង Experience Zone ដែលអនុញ្ញាតឱ្យអ្នកចូលរួមសាកល្បងបច្ចេកវិទ្យាថ្មីៗ ដូចជា AI, Digital Marketing, Live Commerce និងដំណោះស្រាយឌីជីថលសម្រាប់អាជីវកម្ម។
ជាពិសេស យើងនឹងសហការជាមួយ Influencers, KOLs និង Content Creators ជាច្រើន ដើម្បីជួយផ្សព្វផ្សាយ និងគាំទ្រផលិតផលខ្មែរ ឱ្យកាន់តែទូលំទូលាយ ទាំងនៅក្នុងប្រទេស និងលើទីផ្សារអន្តរជាតិ។
នេះគឺជាឱកាសដ៏ល្អសម្រាប់សហគ្រាស អាជីវកម្ម និងសិប្បករកម្ពុជា ក្នុងការតាំងបង្ហាញផលិតផល ស្វែងរកអតិថិជនថ្មី ពង្រីកទីផ្សារ និងបង្កើនការលក់តាមរយៈបណ្តាញឌីជីថល។
សូមអញ្ជើញក្រុមហ៊ុន សហគ្រាស និងអាជីវកម្មដែលមានចំណាប់អារម្មណ៍ ចូលរួមកក់ស្តង់ឱ្យបានឆាប់។ ស្តង់មានចំនួនកំណត់ ហើយទីតាំងល្អៗនឹងត្រូវបម្រុងទុកតាមលំដាប់នៃការចុះឈ្មោះមុន។
សូមអរគុណចំពោះការគាំទ្រ និងការចែករំលែករបស់បងប្អូនទាំងអស់គ្នា។ រួមគ្នាជួយលើកកម្ពស់ផលិតផលខ្មែរ ឱ្យកាន់តែមានភាពលេចធ្លោ និងឈានទៅកាន់ទីផ្សារពិភពលោក។
✍️ចុះឈ្មោះ / Registration Link: https://link.moc.gov.kh/dtf-3-booth-registration
ដោយក្តីគោរព និងអរគុណ,
ជា រដ្ឋា
រដ្ឋលេខាធិការ
ក្រសួងពាណិជ្ជកម្ម
The 2nd Cambodia Digital Trade Forum & Online Expo is designed to be a landmark event that will showcase Cambodia s digital trade capabilities and inspire a movement to promote locally made products globally
