27/12/2025
Respect 🙏
សូមគោរពឯកឧត្តម លោកជំទាវ លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី អ្នកនាង កញ្ញា ដៃគូសហការ អ្នកឧបត្ថម្ភគាំទ្រ និងបងប្អូនទាំងអស់ជាទីគោរពរាប់អាន
គណៈកម្មការរៀបចំព្រឹត្តិការណ៍សាទរកម្ពុជា សូមសម្តែងសេចក្តីគោរព និងថ្លែងអំណរគុណសារជាថ្មី
ចំពោះសន្តានចិត្តផ្តល់ការគាំទ្រ និងសមានចិត្តនៃការចូលរួមជាចំណែកមួយដ៏សំខាន់នៅក្នុងព្រឹត្តិការណ៍សាទរកម្ពុជា។
ប្រឈមមុខនឹងបរិការណ៍នាពេលបច្ចុប្បន្នដែលមាតុភូមិកម្ពុជាកំពុងជួបប្រទះ យើងទាំងអស់គ្នាពិតជាមានកង្វល់
និងយកចិត្តទុកដាក់យ៉ាងខ្លាំងទៅលើស្ថានភាពប្រទេសជាតិ។ យើងទាំងអស់គ្នាបានប្រមូលផ្តុំស្មារតី និងឆន្ទៈជាកម្លាំងស្នូលតែមួយដើម្បីជួយដល់បងប្អូនជនភៀសសឹក និងរួមគ្នាបន្តគាំទ្ររាជរដ្ឋាភិបាល និងស្មារតីកម្លាំងចិត្តដល់វីរកងទ័ព និងកងកម្លាំងប្រដាប់អាវុធជួរមុខគ្រប់ប្រភេទរបស់កម្ពុជា។ ជាមួយនឹងការគិតគូរយ៉ាងហ្មត់ចត់នេះ គណៈកម្មការរៀបចំព្រឹត្តិការណ៍ បានសម្រេចលើកព្រឹត្តិការណ៍សាទរកម្ពុជាទៅពេលក្រោយ។
អាស្រ័យដូចបានជម្រាបខាងលើ សូមមេត្តាជ្រាបជាព័ត៌មាន និងទទួលការគោរពអំពីយើងខ្ញុំក្រុមការងារនៃព្រឹត្តិការណ៍សាទរកម្ពុជា។
