18/01/2025
اليوم راح نحكيلك كلام راه في قلبي وقلبك أسمعني مليح ..
هاذ الأيام بالتحديد وفي السنوات الأخيرة عامة.. أنفسنا راها تقودنا نحو التوبة كشغل راها قريب تقوم الساعة .. علابالي راك شفت وقريت هاذ الكلام بزااف .. بصح أسك غيرت روحك من أخر خطرة قلت نتوب فيها !! أخي وأختي في الله إذا راك دايرها في بالك راح تسهال ونتا بعيد على ربي راك غالط .. راح تبقا تصعاب وربي يحبك كي تروح ليه وتدعيه .. ماشي عيب كي تكون إنسان يصلي في الوقت ما يأذيش الناس ما يغتاب ما ينمم .. أحكم قدرك وعيش قرب ربي سبحانو .. ما تشكي لحتى واحد روح للي خلقك أدرى بنفسك منك .. أبكيلو وأشكيلو كلش ..صحا لقيت واحد تروح تنذل ليه يفرحك ويرفعك ويعطيك ما تتمنى ! شكون هذا ! هذا ربي ورب العالمين .. نخليهالك وصية الصلاة أول حاجة وخطيك من العالم عيش لروحك والعائلة الصغيرة .. دير صوالح لي يضمنولك بلاصة في الجنة .. أخدم لأخرتك تلقا الدنيا جاتك كادو من عند ربي نختمهالك بأية و أتمعن فيها
( من كان يريد حرث الأخرة نزد له في حرثه ومن كان يريد حرث الدنيا نوته منها وما له في الأخرة من نصيب )
وباش نبسطهالك تحب الأخرة تلقا كلش قدامك ويزيدك ربي يعني تربحهم في زوج دنيا وأخرة .. تحب تربح الدنيا إيه تربحها بصح في الأخرة ما عندكش نصيب .. أقرا مليح واش كتبتلك وأتكل على ربي ..
