https://www.facebook.com/108111125112680/

Tissalonik VI

Casa
Italia
Settignano
Tissalonik VI

حياة غامضة حنا دايرين الزوم
حياة كلبة حنا عايشينها ZOO
حياة وحدة حنا عايشينها زوج

25/11/2024

من صفات زوج وجوه ، يجي يحكيلك على فلان فيه و فيه ، تدور من، تلقاه يضحك و يتمحلس معاه !
روح لواحد راه المشاكل راميها و الريّة كاميها متزيدليش شغلك
نهار مبروك ليكيپ الكدح الكدح

23/11/2024

شريت وحد 2 كتابات بالفرنسية " الله غالب هداك وش حلبت "
قلت زعما ندير كيما هوما ، هاديك تع راني فطريق و نقرا ، نستنى و نقرا....
ما تقعدش ، عندي دوك شهر ، صفحة ما قريتهاش ،
موالف بجريدة الهداف يامات السيام و الليسي ، مبعد خرجت الجريدة الالكترونية
هي كي تولي لصح ، كلش تطور ، لالا ؟ علاه مزالهم مع الكتاب الورقي ؟
المهم ، نهاركم مبروك ليكيپ

20/11/2024

مام في وقت الجاهلية ، كانت عندهم المروءة ، دوكا تحس ناس fake ، على جال مصلحة صغيرة ، لا تسمن و لا تغني من جوع ، يرمي المبدأ ديالو كيما يرمي دافيد فيا البالون في الشبكة
البارح يقرص فيك ، ليوم يجي يتعسل و يقصدك ،
شويا نخوة يا طيابات العراس

18/11/2024

كاين بزاف عفايس يلعبو على المورال ، بصح كيما هداك القوا.د لي يكون فلخدمة ، مكاش
تحب ترتكب فيه جريمة ، تكمل بيها كاريار ديالك
مبعد تتفكر بلي عندك حرڤة لازم طمّلها دراهمها ، تنعل بليس
راهي 1 تع ليل هنا ، ادا تلاقيت بهاد الهدرة مع الصباح ، نهارك مبروك حبيبي ، متعمرش راصك

16/11/2024

Meilleur action fi el combat ❤️💔

13/11/2024

تكملة لحكاية المفردات الجديدة ، الكلمة لي طوندونص عند النساء " نرجسي "
مكاش راجل جزائري ما تنطبقش عليه مواصفات هاد الكلمة ، شغل راك تحوس على بلاد ما فيهاش شتاء
و نرجسي انسان مليح خاوتي ، هو واحد ، ما يحلبش ، باش ما يخلوكومش تحسو روحكم في كادر مغلق ، لالا
زعيم هداك لي موسوس ، و متسلط ، و تغلط معاه يبعتك للهريبة ما يحوسش يفهم ،
و لي خير منو شكون ؟ ديكتاتور 😌

12/11/2024

واش الفرق بين لي y'tmotiva ببوقالات تع red pill , و فيديوات السيڤما و الألفا ،
و بين هادوك الدورات تع انت أسد ؟!
والله غير كيف كيف ، برك وحدا اون لين ، من الدار و لوخرا لازم تروح presentiel 🤣
والله غير مقودة ، راجل بشلاغمو ، تلقاه يصنف في روحو ، أنا بيطا ولا ألفا ؟ اواه لازم نولي سيڤما
والدينا خرجو حروشا دنيا دايرينها ڤوصطو ، بلا ما يعرفو هاد الخزعبالات ، حتى البوقالات كانو مخليينهم للنساء و الذر
اخرج لدنيا ، تحراش ... مام متكونش حرش ، تتحشالك مرة و زوج و 10 و ترجع قدها

11/11/2024

وحد المفردات جديدة راهي تدور خو ،
سيكولوجية ، آلفا ، بيطا ، سيڤما ، راد پيل ....،
أيا و زعما كل وحدا واش تعني ، شغل بوقالات تع الفهامة لي يشفالها..
لي كاين باين خو ، يا نتا راجل و عندك مبادئ و قيم تمشي عليها ، و حنا قيم ديالنا مبنية على دين
يا نتا انسان بغل، دابة و حاسبتلك كيما تشوفها نتا هاديك هي
ادا قيم ديالك قيم دينية ، الدين راه باين ..
و ادا نتا تشوفها حساب فهامتك ، فاعلم انو فهامتك محدودة ، فهامتك مجرد خبرة تع 25..30 سنة حياة ، عرفت فيها شويا عباد ، منهم لمليح و منهم دوني و استطلعت فيها على شويا معلومات ، لي كيما نتا ألوف ، و راح تكون 90% من فهامتك .. حساب الوسط لي راك فيه ،
تسمى نهار تحط مبدأ في حياتك ، اما تحطو على ركيزة صلبة ، لي هي دين ، يا أما تفتح مخك ، على انو هاد المبدأ يحتمل الخطأ كما يحتمل الصواب

11/11/2024

من بين اهم الأسباب لي خلاتني نحوس نبدل بلاد ، هي suivi تع الغاشي ، نتا حياتك كلبة، بداتك هارب منها ، و هوما عايشينها معاك ،

أيا طيّحني ربي في قرية " الحمد لله على كل حال " وين راني نخدم ، التقاشر تبدلهم ، يكونو معاك ، و تعجبك ما يخبوهاش ، يجو يقولوهالك ، و تحس بلي مدابيه كون ما بدلتهمش

حكاية تع فلوروب واحد ما سامع بيك ، ما تڤزيستيش لحاج ، غير في المدن الكبرى ، لأنو لي تشوفو ليوم ما زيدش تعاود تشوفو ، و هذا منطقي

بالمناسبة ، حنا نعرفو نلبسو خير منهم 1000 مرة ، و عدنا لڤو 😌

09/11/2024

لبارح لعب فريق هادوك الناس 💩 في امستردام ، و قطعو علامات شواكرهم 🇵🇸....
المغاربة في وقفة تحسب لهم ، بردولي قلبي بسقالي لتران ، قح قح قح ، قول فري بالستاين نطلڤك ، الكف و البزاق
زاد ختمها حكيم زياش بسطوري أسطوري قالهم " نهار ميكونوش الاطفال و نساء ، يهربو يجرو "

مهما تبدلت الوجوه وتغيرت السياسات، ومهما اشتدت
عواصف الخيانة واشتعلت نار المصالح، ستبقى هناك
أصوات صافية، أصوات لا تعرف سوى الحرية والنقاء.

08/11/2024

كاش كتاب شباب تنصحونا بيه ، ماشي كيما لي رام يدورو في دار العجزة ، آه الثقافة ...
كيما كتاب مصطفى محمود...طبري....حاجة تصلح و صاي ....

07/11/2024

ناس زمان يقولك...
ما تاكل خبز حتى تعرف عجينتو،
و ما تاكل لحم حتى تعرف دابتو،
و ما تعاشر بنادم حتى.....

Indirizzo

Settignano

Sito Web

facebook.com

Notifiche

Lasciando la tua email puoi essere il primo a sapere quando Tissalonik VI pubblica notizie e promozioni. Il tuo indirizzo email non verrà utilizzato per nessun altro scopo e potrai annullare l'iscrizione in qualsiasi momento.