Félag Harmonikuunnenda Reykjavík

03/03/2026

22/01/2026

Þorrablótið 2026

Hið árlega þorrablót Félags harmonikuunnenda í Reykjavík og Þjóðdansafélags Reykjavíkur fer fram laugardaginn 7. febrúar n.k. í Breiðfirðingabúð. Miðaverð er kr. 15.000.- á mann. Maturinn kemur frá Magga Margeirs. (Góða bragðið svíkur ekki). Blótið hefst kl. 19:00 en húsið verður opnað kl. 18:00. Skemmtiatriði verða í höndum gestanna. Sýndir verða léttir og skemmtilegir þjóðdansar af hinni einstöku snilld Atla og félaga. Hljómsveit Einars Guðmundssonar frá Akureyri leikur fyrir dansi. Dansleikurinn hefst upp úr kl.21:00.

Pöntun á miðum er hjá Friðrik Alexanderssyni í síma 893 5006. þegar hann hefur staðfest við ykkur að það séu til miðar þá er mjög mikilvægt að ganga frá greiðslu í síðasta lagi fyrir 1. febrúar. Banki: 0515-14-009890 Kt.440592-2019. þegar gengið er frá greiðslu í heimabanka er mjög mikilvægt að láta bankann senda tölvupóst til staðfestingar á greiðslu til " [email protected] “.

09/01/2026

Í Kvöld allir að mæta og hafa gaman saman.

Gleðilegt nýtt ár 2026 og þakkir fyrir liðin ár!

08/01/2026

Gleðilegt nýtt ár 2026 og þakkir fyrir liðin ár!

07/01/2026

---Dansleikur ---dans ---dans ---dans
föstudaginn 9. janúar í sal félagsins Komið og Dansið að Álfabakka 12, 3. hæð frá 20:00-23:00. Miðinn kostar kr.2500 á mann, vatn og kaffi í boði félagsins en gos er á 250 kr og greiðist með pen.
Fyrir dansi leika Combo Smárinn, félagar frá Harmonikufélagi Reykjavíkur, Seinni hluta kvöldsins leikur Blærinn, félagar frá Hljómsveit FHUR.

04/01/2026

Dansleikur FHUR föstudaginn 9. janúar, á nýjum stað í sal “ Komið og Dansið” að Álfabakka 12, 3. hæð, frá 20:00- 23:00.
Þetta er bjartur salur með stórt og gott dansgólf.
Miðinn kostar 2500kr. Engin áfengissala, en vatn og kaffi í boði félagsins. Einnig verður til sölu gos á kr. 250,- og þarf að greiða með peningum.

27/11/2025

Í tilefni fullveldisdagsins þann 1. desember kl. 18-22 efna Árbæjarsafn, Félag harmonikuunnenda í Reykjavík, Heimilisiðnaðarfélag Íslands, Kvæðamannafélagið Iðunn og Þjóðdansafélag Reykjavíkur til fagnaðar á Árbæjarsafni. Frítt inn og öll velkomin!
Gestum gefst færi á að kynnast gömlu dönsunum, handverki, harmonikum, kveðskap, þjóðbúningum, þjóðdönsum, þjóðlögum og þeim menningararfi sem iðkaður er af félögunum sem að viðburðinum koma auk þess að kynnast starfi félaganna. Á viðburðinum verða skemmtileg örnámskeið og kynningar þar sem hægt verður að læra að sauma gamla íslenska krosssauminn og gera úr því lítið jólaskraut, læra grunnsporin í þjóðdönsum og kynnast kvæðalögum.
Dillonshús verður opið og býður upp á dýrindis veitingar
Í tilefni dagsins hvetjum við gesti til að mæta á þjóðbúning, en hægt verður að fá ráðgjöf varðandi búninganotkun og hvernig koma megi eldri búningum í notkun.



Dagskrá:
Húsið Lækjargata 4 / Neyzlan, 18:00-22:00 - Heimilisiðnaðarfélag Íslands
(minna herbergi) 18:30 - Kvæðalagaæfing - Kvæðamannafélagið Iðunn

19:30 - Söngvaka - Kvæðamannafélagið Iðunn

Landakot / ÍR húsið Kl.18:00 - Þjóðdansafélag Reykjavíkur – Þjóðdansanámskeið

Kl. 20:00 - Félag harmonikuunnenda í Reykjavík – Dansleikur

Aðgengi: Gangstígar á safnsvæðinu eru flestir malarstígar. Inn í flest húsin er gengið upp eitt þrep eða yfir þröskuld. Hjálparhundar eru velkomnir í safnið.

Öll bílastæði eru ókeypis.

Við gerum ráð fyrir að FHUR hefji dansspilið kl. 19.30.

Hökkum til að sjá ykkur.

Stjórn FHUR