Hlégarður

14/06/2026

Greifarnir í Hlégarði þriðjudaginn 16. júní 🇮🇸
Kl. 22-01 - Forsala miða á Tix
Í 40 ár hafa Greifarnir verið hluti af íslenskri tónlistarsögu, órjúfanlegur hluti af sveitaböllum, sumrum og minningum sem lifa áfram.
„Síðasta sveitaballið“ er sérstök tónleikaferð þar sem Greifarnir heimsækja valda staði víða um land og kveikja aftur á stemningunni sem margir vilja meina að sé horfin, en hún er það alls ekki.

23/04/2026

Hr. Eydís og Erna Hrönn heimsækja loksins Hlégarð í Mosfellsbæ á laugardaginn.
Komdu og upplifðu þennan skrautlega áratug í allri sinni dýrð, tónleikapartý sem enginn sannur ’80s aðdáandi má láta framhjá sér fara.

Partýið hefst kl. 21:00 (húsið opnar kl. 20 og er opið til miðnættis)
Hljómsveitina skipa þau Erna Hrönn Ólafsdóttir, Örlygur Smári, Páll Sveinsson, Ríkharður Arnar og Jón Örvar Bjarnason.

16/03/2026

Sögukvöld á þriðjudagskvöld kl. 19:30 á 75 ára afmælisdegi Hlégarðs.
Sögukvöldin hafa unnið sér sess í menningarlífi Mosfellsbæjar; að þessu sinni verður fjallað um 75 ára sögu Hlégarðs í máli og myndum en húsið var vígt 17. mars 1951.
Bjarki Bjarnason mun stýra umræðum og fær til sín tvo viðmælendur sem gerþekkja sögu félagsheimilisins. Þeir eru Birgir D. Sveinsson og Herdís Ragna Þorgeirsdóttir.

MENNING Í MARS - Þann 17. mars opnar húsið kl. 19:00, þá mun Jónas Þórir taka á móti gestum með píanóleik, dagskráin á sögupallinum hefst kl. 19.30.
Kvenfélag Mosfellsbæjar reiðir fram veitingar í hléi og bæjarlistamaður Mosfellsbæjar, Hafdís Huld Þrastardóttir, flytur ljúfa tóna eins og henni einni er lagið.

01/03/2026

Söngleikurinn Fútlús í Hlégarði næstu daga.
Leikfélag Menntaskólans við Sund setur upp Fútlús sem byggir á kvikmyndinni Footloose frá árinu 1984.
Skemmtileg tónlist, dans og áhrifarík saga. Verið velkomin!

Sýningar eru eftirfarandi:
1. mars kl. 20:00 - frumsýning
2. mars kl. 20:00
3. mars kl. 20:00
4. mars kl. 20.00

12/02/2026

Söfnum minningum…

Áttu minningu úr Hlégarði?

Í mars fagnar Hlégarður 75 ára afmæli og við viljum heyra þína sögu. Hvort sem það var dansleikur, leiksýning, kaffisopi, fyrsta ástin eða eitthvað allt annað sem gerðist innan veggja félagsheimilisins, þá eru allar þessar minningarnar mikilvægar.

Héraðsskjalasafn Mosfellsbæjar safnar sögum bæjarbúa til að varðveita stemninguna, minningarnar og töfrana sem gera Hlégarð svona sérstakan.

Sendu þína minningu á [email protected]

30/01/2026

Undanúrslit í Hlégarði í kvöld 🇮🇸

EM STEMNING Í HLÉGARÐI

Í tilefni þess að Ísland mætir Danmörku í undanúrslitum EM annað kvöld þá langar Rothögginu Stuðningsmannafélagi í samstarfi við Handknattleiksdeild Aftureldingar að bjóða bæjarbúum í alvöru EM partý í Hlégarði!

Leikurinn hefst klukkan 19:30 en húsið opnar klukkan 18:30.
Sérfræðingar munu koma með smá leik greiningu fyrir leik.

Það er frítt en hægt er að tryggja sér borð fyrir vinahópinn fyrir 10.000kr.- með að senda á netfangið [email protected]

Við hvetjum öll til þess að fjölmenna í Hlégarð en það verður alvöru stemning á staðnum!

Áfram Ísland!

26/12/2025

Áhugaverðir þættir um komu 52 ungverskra flóttamanna til Íslands með Gullfaxa aðfaranótt aðfangadags 1956.
Annar þáttur af Fimmtíu og tveimur fluttur á Rás 1 á annan í jólum. Þar er farið yfir skrautlega flugferð heim til Íslands og dvölina í Hlégarði yfir jólahátíðina.
Þetta var fyrsti hópur flóttamanna sem fékk hæli hér á landi fyrir tilstuðlan stjórnvalda.

Í öðrum þætti af Fimmtíu og tveimur er farið yfir skrautlega flugferð heim til Íslands og dvölina í Mosfellssveit yfir jólahátíðina.Viðmælendur:Kjartan ÓlafssonMichael ÞórðarsonEva JóhannsdóttirMaríanna Csillag

18/12/2025

Frábær kvöldstund með þessum meisturum.
Takk fyrir komuna 🙏🏻

14/12/2025

Frábær þátttaka á jólamarkaði í Hlégarði um helgina.
Takk fyrir komuna og gleðilega hátíð 🎄

12/12/2025

RISA jólamarkaður í Hlégarði laugardaginn 13. desember kl. 12-17.
Lifandi tónlist og jólasveinar á vappi.
Verslum í heimabyggð 🎄