Hlaupasería FH & Hlaupár

11/04/2026

Lokahóf Hlaupaseríu hlaupahóps FH og Hlaupár var haldið í vikunni. Veitt voru verðlaun fyrir þrjú efstu sæti seríunnar í karla og kvennaflokki auk aldursflokkaverðlauna.
Sigurvegarar hlaupaseríunnar 2026 voru Íris Anna Skúladóttir og Atli Jasonarson. Í öðru sæti voru Arndís Ýr Hafþórsdóttir og Adrian Graczyk. Í þriðja sæti voru Daltós Inga Ingadóttir og Einar Hjörvar Benediktsson.
Við óskum öllum verðlaunahöfum innilega til hamingju með árangurinn.
Einnig var dreginn út fjöldi útdráttarvinninga sem fjöldi fyrirtækja styrkti okkur með og kunnum við þeim miklar og góðar þakkir fyrir stuðninginn.

Hlökkum til að sjá ykkur öll aftur í janúar 2027.

Hleðsla íþróttadrykkur Ölgerðin Egill Skallagrímsson

📸Ragnhildur Adalsteinsdottir

27/03/2026

Síðasta hlaupið í Hlaupaseríu Hlaupahóps FH og Hlaupár fór fram í gærkvöldi. Takk öll sem tókuð þátt í vetur, bæði hlauparar og sjálfboðaliðar. Hlökkum til að sjá ykkur aftur í janúar 2027.
Við þökkum líka Ölgerðin Egill Skallagrímsson og Hleðsla íþróttadrykkur innilega fyrir stuðninginn.
Minnum á lokahófið 9.apríl í Sjónarhóli.

📸 Ragnhildur Adalsteinsdottir

08/03/2026

Síðasta hlaupið í hlaupaseríunni fer fram fimmtudaginn 26.mars. Hlökkum mikið til að sjá ykkur! Skráning á netskraning.is.

Fimmtudaginn 9.apríl verður svo LOKAHÓF Hlaupaseríu FH og Hlaupárs haldið í Sjónarhóli í Kaplakrika kl.20:30.

Á lokahófinu verða veitt verðlaun fyrir fyrir besta heildarárangur seríunnar og í aldursflokkum.
Stig eru gefin fyrir efstu 15 sætin í hverju hlaupi og samanlagður stigafjöldi úr öllum hlaupum gildir.

Aldursflokkarnir eru eftirfarandi:
15 ára og yngri
16-20 ára
20-29 ára
30-39 ára
40-49 ára
50-59 ára
60-69 ára
70 ára og eldri

Auk þess verður fjöldi útdráttarverðlauna en til að eiga kost á þeim þarf að vera á svæðinu :)

01/03/2026

Svakalegar aðstæður á fimmtudaginn í öðru hlaupi Hlaupaseríunnar. Um 180 hlauparar létu ekki veðurofsann stoppa sig - börðust gegnum rokið, fengu sjóinn yfir sig og komu svo brosandi í mark eftir þrekvirkið :) Til hamingju öll sömul!
Við hlökkum til að sjá ykkur aftur 26.mars í síðasta hlaupi seríunnar. Lokahófið verður auglýst síðar.
📸 Ragnhildur Adalsteinsdottir

Takk Hleðsla íþróttadrykkur og Ölgerðin Egill Skallagrímsson

10/02/2026

Það er mikil ánægja að segja frá því að hlaupaserían okkar var í öðru sæti í kosningu fyrir götuhlaup ársins 2025 á hlaup.is.
Kjósendur gefa hlaupum sem þau tóku þátt í árinu heildarstig og einnig einstökum þáttum sem snúa að umgjörð og skipulagningu, hlaupaleið, brautarvörslu, merkingum, veitingum og verðlaunum. Við þökkum kærlega fyrir þennan heiður og hlökkum til að gera hlaupseríuna enn betri í ár :)

31/01/2026

Geggjað drónamyndband sem Garpur tók í hlaupinu á fimmtudaginn 🙏

Hlaupasería FH & HLAUPÁR 29. janúar 2026. 5 km vottað hlaup. Garpur fylgir hlaupurum allt hlaupið!

30/01/2026

388 skráðu sig til leiks í janúar hlaupi Hlaupaseríunnar - vel gert öll!
Einhver númer tengdust ekki svo ef þið hafið ekki fengið skráðan tíma megið þið endilega senda okkur skilaboð með rásnúmerinu ykkar og við reddum því.
Hvetjum ykkur svo eindregið til að nota sama númer í febrúar og mars - hlökkum til að sjá ykkur aftur!

Sigurvegarar karla í janúarhlaupinu:
Stefán Kári Smárason 16:44
Atli Jasonarson 17:00
Adrian Graczyk 17:01

Sigurvegarar kvenna í janúarhlaupinu:
Elísa Kristinsdóttir 17:26
Íris Anna Skúladóttir 18:13
Hildur Aðalsteinsdóttir 18:39

Myndir: Ragnhildur Aðalsteinsdóttir

29/01/2026

Þvílík hlaupaveisla í kvöld 🥳 388 hlauparar skráðir. Þið eruð geggjuð!
Einhver númer tengdust ekki þannig að ef þið sjáið ekki nafnið ykkar í úrslitunum á timataka.net sendið okkur endilega skilaboð með númerinu ykkar og við reddum því.
Hvetjum ykkur svo eindregið til að nota sama númer í febrúar og mars - hlökkum til að sjá ykkur aftur!

27/01/2026

Minnum á að sækja hlaupanúmer í HLAUPÁR, Fákafeni 11. Þriðjudag, miðvikudag og fimmtudag kl. 11-18.

27/01/2026

Tveir dagar ✌️

24/01/2026

Það styttist heldur betur í fyrsta hlaupið í Hlaupaseríunni. Við minnum á að hlaupin eru stigakeppni og fer verðlaunaafhending fyrir hlaupaseríuna fram á lokahófi í Sjónarhól Kaplakrika (dags. auglýst síðar).
Við höfum endurskoðað aldursflokka skiptinguna okkar og verður hún eftirfarandi:
15 ára og yngri
16-19 ára
20-29 ára
30-39 ára
40-49 ára
50-59 ára
60 ára og eldri
Á lokahófinu verða heildarsigurvegarar fyrir hlauparöðina í karla- og kvennaflokki verðlaunaðir fyrir samanlagðan árangur í öllum þremur hlaupunum auk þess að verðlaunað verður fyrir fyrstu þrjú sætin í hverjum aldursflokki karla og kvenna.
Einnig verða dregin út glæsileg útdráttarverðlaun þar sem möguleikarnir fara eftir fjölda hlaupa þátttakanda.

Við hlökkum til að sjá ykkur í firðinum fagra fimmtudaginn 29.janúar!!