Hlaupasería 66 Norður og Hlaupahóps FH

03/04/2025

Myndir frá Lokahófi Hlaupaseríu 66°Norður og Hlaupahóps FH sem fram fór í gærkvöldi. Við óskum vinningshöfum innilega til hamingju með frábæran árangur.
Ljósmyndari: Ragnhildur Adalsteinsdottir

Hlaupahópur FH vill nota tækifærið og þakka eftirfarandi:

66°Norður fyrir farsælt og frábært samstarf við hlaupaseríuna síðustu þrjú ár.
Hleðsla íþróttadrykkur fyrir að bjóða hlaupurum upp á drykki eftir hlaup og fyrir þeirra framlag til útdráttarverðlauna í seríunni allri.
Ölgerðin Egill Skallagrímsson fyrir að gefa hlaupurum drykki eftir hlaupin.
Hafnarfjarðarbær fyrir að bjóða keppendum frítt í sund að loknum hlaupum.
Og eftirfarandi fyrirtækjum kunnum við miklar þakkir fyrir að gefa útdráttarverðlaun sem hlauparar nutu góðs af á lokahófinu í gær:
Happy Hydrate, Hreysti, Brikk, Bætiefnabúllan, Von Mathús, Laugarásbíó, Hlaupár, Salka Valka veitingastaður, Everest, Fætur Toga, Sportís og Útilíf.

Takk fyrir frábæran hlaupvetur og sjáumst aftur í janúar 2026!!

01/04/2025

Úrslitin úr Hlaupaseríunni í myndum hér að neðan. Verðlaun verða veitt annaðkvöld á lokahófi seríunnar - sjá viðburð https://www.facebook.com/events/653864137139308

30/03/2025

Og enn fleiri myndir úr markinu. Takk fyrir frábærar myndir Hreidar Juliusson 🙏

30/03/2025

Fleiri myndir úr markinu frá Hreiðari

30/03/2025

Enn fleiri myndir úr mars-hlaupinu teknar af Hreidar Juliusson 📸🙏

30/03/2025

Fleiri myndir úr mars-hlaupinu frá Hreidar Juliusson 📸🙏
Minnum á lokahófið á miðvikudaginn kl.20:00 https://www.facebook.com/events/653864137139308

30/03/2025

Dagur Sigurbergsson er samkvæmt FRÍ í þriðja sæti í marshlaupi Hlaupaseríunnar. Dómari hlaupsins úrskurðaði um þetta á vettvangi sem breytti röð fyrstu þriggja keppenda. Ekki fréttist af þessu í verðlaunaafhendingu þar sem Dagur og Lars van der Werff voru lýstir jafnir í 3-4 sæti og dregið til verðlauna. Þriðju verðlaun fyrir hlaupið verða afhent Degi á lokahófi Hlaupaseríunnar miðvikudaginn 2.apríl, enda sannarlega hans.

26/03/2025

Yfir 300 manns skráðu sig til leiks í síðasta hlaupi Hlaupaseríunnar sem fór fram í kvöld. Rauðar tölur á mælinum og marauð braut með hressandi roki og smá sjávargusum öðru hverju. Gleðin var allsráðandi og vorið greinilega að fara vel í mannskapinn.

Okkar allra besti Arnar Pétursson sigraði örugglega á tímanum 15:46 - ekki nema 25 sekúndum frá brautarmetinu sem hann setti árið 2023. Í öðru sæti var Sigurður Karlsson á tímanum 17:37. Spennan um þriðja sætið var gríðarleg enda tveir keppendur hnífjafnir á tímanum 17:42. Það voru þeir Dagur Sigurbergsson og Lars van der Werff. Það var svo Lars van der Werff sem hreppti þriðja sætið eftir að dregið var til úrslita.

Í kvennaflokki sigraði Elísa Kristinsdóttir á persónulegu meti 18:04. Í öðru sæti var Elín Edda Sigurðardóttir á tímanum 18:28 og í þriðja sæti á tímanum 18:43 var Hildur Adalsteinsdóttir.
Við óskum sigurvegurunum og öllum hlaupurum dagsins innilega til hamingju með árangurinn og takk fyrir þátttökuna.
Við hlökkum til að hitta ykkur á lokahófinu sem fer fram í Sjónarhól miðvikudaginn 2.apríl kl.20:00. Þar verða veitt verðlaun fyrir efstu þrjú sæti seríunnar í karla- og kvennaflokki sem og efstu þrjú sæti í aldursflokkum. Einnig verða útdráttarverðlaun á staðnum.

Hlaupahópur FH þakkar samstarfsaðilum okkar hjá 66°Norður fyrir frábært samstarf. Einnig þökkum við velunnurum okkar hjá Hleðsla íþróttadrykkur og Ölgerðin Egill Skallagrímsson kærlega fyrir að leggja til drykki og útdráttarverðlaun. Við þökkum Hafnarfjarðarbær fyrir að bjóða þátttakendum frítt í sund í Suðurbæjarlaug eftir hlaupin og Badmintonfélagi Hafnarfjarðar þökkum við fyrir að veita okkur aðgang að aðstöðunni í Íþróttahúsinu að Strandgötu.

Sjáumst aftur í janúar 2026!

📸Ragnhildur Adalsteinsdottir📸

25/03/2025

Á morgun, miðvikudag, er síðasta hlaupið í Hlaupaseríunni þetta árið. Frábær stemning og gleði hefur einkennt síðustu hlaup og stuðið verður ekki síðra á morgun.
Hlaupadagskra.is tók upp þetta skemmtilega myndband í febrúarhlaupinu.
Hlökkum til að sjá ykkur á morgun!!

Important: View in best quality to fully enjoy 360° quality!Hlaupasería Hlaupahóps FH og 66°N is a winter running series in Hafnarfjörður, Iceland, featuring...

27/02/2025

Annað hlaupið í Hlaupasería 66 Norður og Hlaupahóps FH var haldið í gærkvöldi og voru tæplega 300 mættir á startlínuna að þessu sinni.

Í karlaflokki sigraði Arnar Pétursson á tímanum 16:07, Viktor Orri Pétursson var í öðru sæti á 16:55 og Freyr Karlsson í því þriðja á tímanum 17:28.
Í kvennaflokki sigraði Elín Edda Sigurðardóttir á tímanum 18:35, Hildur Aðalsteinsdóttir var í öðru sæti á 19:27 og Kristjana Pálsdóttir í þriðja sæti á tímanum 20:47.
66°Norður veittu verðlaun fyrir fyrstu 3 efstu sætin í kvenna og karlaflokki. Einnig voru útdráttarverðlaun frá 66°Norður og Hleðsla íþróttadrykkur. Auk þess fá allir hlauparar sérstök afsláttarkjör hjá 66°Norður. Frítt var í sund í Suðurbæjarlaug eftir hlaupið. Hleðsla íþróttadrykkur og Ölgerðin Egill Skallagrímsson buðu upp á drykki fyrir alla hlaupara að loknu hlaupi og kunnum við þeim kærar þakkir fyrir.

Takk fyrir skemmtilega kvöldstund, til hamingju öll með hlaupið ykkar og sjáumst aftur miðvikudaginn 26.mars!

27/02/2025

Takk kærlega fyrir frábært hlaup í gær!

Við vildum benda ykkur á að lagersala 66°Norður hófst í dag og er þar í boði mikið úrval af hlaupafatnaði. Sjá brot af úrvalinu hér að neðan.

Við mælum með að kíkja á útsölumarkaði 66°Norður í Faxafeni 12 í Reykjavík, Skipagötu 9 á Akureyri eða í vefverslun með því að smella hér: https://bit.ly/3XlI86i