10/05/2026
Lopapeysan 2026
Tryggðu þér miða á sér forsöluverði með því að skrá þig á póstlista á www.lopapeysan.is
🎫Forsala fyrir klúbbmeðlimi hefst þriðjudaginn 12. maí kl. 10:00.
🎫Almenn forsala hefst fimmtudaginn 14. maí kl. 10:00.
Tónlistarhátíðin, eða réttara sagt karnivalið, Lopapeysan hefur verið haldin fyrstu helgina í júlí á Írskum dögum síðan árið 2004. Það sem eitt sinn var stærsta sveitaball landsins hefur þróast í eitt stærsta og glæsilegasta tónlistarkarnival Íslands — upplifun þar sem tónlist, stemning og gleði renna saman í eina risastóra veislu.
Á síðasta ári komu fram 18 atriði, auglýst og óauglýst, á einu kvöldi. Dagskráin skiptist á þrjú ólík svið sem hvert um sig hefur sinn einstaka karakter:
💛Sementssviðið
Risa útisvið sem staðsett er fyrir neðan stóra sementstanka í frekar
grófu en sjarmerandi umhverfi við höfnina.
💛Guinness-tjaldið
Í ár verður dagskráin sett upp sem óður til gömlu sementsskemmunnar þar sem Lopapeysan var haldin á sínum fyrstu árum. Þar mun Stuðlabandið taka á móti fjölda gesta og óvænt augnablik verða til. Þetta er sviðið þar sem óvæntir hlutir gerast
💛Sirkustjaldið
Heimili rappsins, partístemningarinnar og tryllingslegra takta. Frá því að Sirkustjaldið bættist við hátíðarsvæðið hefur stemningin farið á næsta level — og það verður ekki aftur snúið
En Lopapeysan er miklu meira en tónleikar. Á svæðinu finnur þú
fjölbreytta afþreyingu, veitingasvæði, tívolí og bari víðs vegar um
14.000 fm hátíðarsvæði þar sem gleðin ræður ríkjum fram á nótt.
Lopapeysan heldur áfram að þróast ár frá ári með eitt markmið í huga: að skapa stærri, glæsilegri og eftirminnilegri upplifun fyrir alla sem mæta. Smá rómantík fylgir auðvitað alltaf með.
Brekkusöngur við Akranesvöll
Við Akranesvöll býðst gestum að hita upp með brekkusöng áður en haldið er inn á Lopapeysusvæðið við Faxabraut. Líkt og undanfarin ár verða það Hreimur og Magni sem leiða brekkuna með sannkallaðri brekkustemningu.
Brekkusöngurinn hefst kl. 19:30.
Nánari upplýsingar má finna á Lopapeysan.is
