14/11/2017
അബൂദാബി കെ.എം.സി.സി കുറ്റ്യാടി മണ്ഡലം കമ്മിറ്റി ആയഞ്ചേരിയില് സംഘടിപ്പിച്ച വിവാഹ സഹായ സംഗമം ശാദി മുബാറക് നാടിന്റെ ഉത്സവമായി.
ജനപങ്കാളിത്തം കൊണ്ടും സംഘാടന മികവു കൊണ്ടും മികച്ചു നിന്ന പരിപാടിയില് ജാതി മത ഭേദമന്യേ ആയിരങ്ങളാണ് ഒഴുകിയെത്തിയത്. പ്രത്യേകം സജ്ജമാക്കിയ പി.കെ കുഞ്ഞമ്മദ് നഗരിയില് പാറക്കല് അബ്ദുല്ല എം.എല്.എ പതാക ഉയര്ത്തിയതോടെ പരിപാടിക്ക് തുടക്കമായി. തുടര്ന്ന് നടന്ന സുഹൃദ് സംമഗം ജില്ലാ മുസ്ലിംലീഗ് പ്രസിഡണ്ട് ഉമ്മര് പാണ്ടികശാല ഉദ്ഘാടനം ചെയ്തു. മനുഷ്യ മനസ്സില് നന്മയുടെ കൈത്തിരി അണയുന്നില്ലെ്ന്നുളളതിന്റെ തെളിവാണ് ഇത്തരം പരിപാടികള്. മനുഷ്യ സ്നേഹത്തില് അധിഷ്ഠിതമായ ഇത്തരം വേദികളാണ് സമൂഹത്തില് നന്മ നിലനിര്ത്തുന്നതെന്നും അദ്ദേഹം കൂട്ടിച്ചേര്ത്തു.
സകല മതങ്ങളും സ്നേഹം മാത്രമാണുദ്ഘോഷിക്കുന്നതെന്നും തുടര്ന്ന് സംസാരിച്ച സ്വാമി ആദ്മദാസ് യമി പറഞ്ഞു. മത സൗഹാര്ദ്ദത്തില് വേരുന്നിയ ചരിത്രമാണ് ഭാരത്തിനും കേരളത്തിനുമുളളതെന്ന് തുടര്ന്ന് സംസാരിച്ച അബ്ദുസമദ് പൂക്കോട്ടൂര് ചൂണ്ടിക്കാട്ടി.
നവാസ് പാലേരിയുടെ കലാപരിപാടിയും കൊച്ചുക്കുട്ടികളുടെ ഒപ്പന, അറബിക് ഡാന്സ്, അറബന മുട്ട് എന്നിവ സംഗമം കൊഴുപ്പേകി. ഉച്ചക്ക് നടന്ന കുടുംബ സംഗമം സ്ത്രീ പങ്കാളിത്തം കൊണ്ട് ശ്രദ്ധേയമായി.
വൈകുന്നേരം സംഘടിപ്പിച്ച പൊതു സമ്മേളനം പാണക്കാട് സയ്യിദ് മുനവ്വറലി തങ്ങള് ശിഹാബ് തങ്ങള് ഉദ്ഘാടനം ചെയ്തു. കാട്ടില് മൊയ്തു മാസ്റ്റര്, കിളിയമ്മല് കുഞ്ഞബ്ദുല്ല വിവാഹ സഹായ നിധി ഏറ്റുവാങ്ങി. സാമ്പത്തികമായി പിന്നോക്കം നില്ക്കുന്ന പത്ത് പെണ്കുട്ടികള്ക്കാണ് ശാദി മുബാറക് പദ്ധതി പ്രകാരം വിവാഹ സഹായം നല്കുന്നത്. കുറ്റ്യാടി മണ്ഡലത്തിലെ വിവിധ പഞ്ചായത്തുകളിലെ പെണ്കുട്ടികള്ക്ക് അഞ്ച് പവന് വീതം സ്വര്ണ്ണമാണ് നല്കുന്നത്. ഗുണഭോക്താക്കളുടെ പേര് വിവരം വെളിപ്പെടുത്താതെ അവര്ക്ക് സഹായം അങ്ങോട്ട് എത്തിച്ചു നല്കുകയാണ് കെ.എം.സി.സി ചെയ്യുന്നത്. തുടര്ന്ന് വില്യാപ്പള്ളി ചൂരക്കൊടി കളരി സംഘത്തിന്റെ കളരിപ്പയറ്റ്, കോല്ക്കളി എന്നിവ അരങ്ങേറി.
ആര്ഭാട വിവാഹങ്ങള്ക്കെതിരെ മനസാക്ഷിയുണരണമെന്ന് പാണക്കാട് സയ്യിദ് മുനവ്വറലി ശിഹാബ് തങ്ങള്.
അബൂദാബി കെ.എം.സി.സി കുററ്യാടി മണ്ഡലം കമ്മിറ്റി ആയഞ്ചേരിയില് സംഘടിപ്പിച്ച ശാദി മുബാറക് വിവാഹ സഹായ സംഗമത്തോടനുബന്ധിച്ചുള്ള പൊതു സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.എല്ലാ തരത്തിലുളള സാമൂഹിക പുരോഗതി കൈവരിക്കുമ്പോഴും സ്ത്രീധനം പോലെയുള്ള സമ്പ്രദായങ്ങള് ക്യാന്സര് പോലെ വര്ധിക്കുകയാണ്. സാമൂഹിക സംഘടനകളുടെ പ്രവര്ത്തനങ്ങള് ഈ മേഖലയില് കൂടുതല് ശ്രദ്ധ ചെലുത്തേണ്ടതുണ്ട്. കുഞ്ഞിന് ജന്മം നല്കിയ രക്ഷിതാക്കള് അവരുടെ വിവാഹ പ്രായമെത്തുമ്പോള് സ്ത്രീധനം പോലെയുള്ള സമ്പ്രദായങ്ങള് മൂലം ദുരിതത്തിലാവുകയാണെന്നും അദ്ദേഹം പറഞ്ഞു. ഗല്ഫ് നാടുകളിലേക്കുള്ള കുടിയേറ്റം കേരളം ഇന്നു നേടിയ സാമൂഹിക പുരോഗതിക്ക് കാരണമായ പ്രധാന ഘടകമാണ്. മറ്റ് സംസ്ഥാനങ്ങളില് പോയി അവിടുത്തെ സാഹചര്യങ്ങള് കാണുമ്പോഴാണ് കേരളം എത്ര മാത്രം പുരോഗതി കൈവരിച്ചുവെന്നു മനസ്സിലാക്കാന് കഴിയുന്നത്.
കെ.എം.സി.സി പോലെയുള്ള സംഘടനകള് ജീവ കാരുണ്യ-സേവന മേഖലകളില് നടത്തുന്ന പ്രവര്ത്തനങ്ങള് പ്രസംസനീയമാണ്. വിവാഹ സംഗമം വിപുലമായ നടത്തിയ അബൂദാബി കെ.എം.സി.സി കുറ്റ്യാടി മണ്ഡലം കമ്മിറ്റിയുടെ പ്രവര്ത്തനം ഏറെ മാതൃകാപരമാണെന്നും മുനവ്വറലി തങ്ങള് പറഞ്ഞു. പാറക്കല് അബ്ദുല്ല എം.എല്.എ അധ്യക്ഷത വഹിച്ചു. സി മോയിന് കുട്ടി, ടി സിദ്ദീഖ്, മിസ്ഹബ് കീഴരിയൂര്, ശറഫുദ്ദീന് മംഗലാട്, നൊച്ചാട്ട് കുഞ്ഞബ്ദുല്ല, മുസ്തഫ മുട്ടുങ്ങല്, സൂപ്പി തിരുവള്ളൂര്, ഹാരിസ് മുറിച്ചാണ്ടി, ആരിഫ് പീറ്റയില്, റഫീക് പാലോളളതില്, റസാഖ് അരയാക്കി, അമ്മദ് കെ.കെ.സി, ബഷീര് കുനിയേല്, നാസര് കുന്നുമ്മല്, ബാദുഷ അത്തോളി, കാട്ടില് മൊയ്തു മാസ്റ്റര്, കിളിയമ്മല് കുഞ്ഞബ്ദുല്ല തുടങ്ങിയവര് സംസാരിച്ചു. അബ്ദുല് ബാസിത്ത് കായക്കണ്ടി സ്വാഗതവും അഷ്റഫ് നജാത്ത് നന്ദി പറഞ്ഞു.
രാവിലെ നടന്ന സൗഹൃദ സംഗമം ജില്ലാ മുസ്ലിംലീഗ് പ്രസിഡണ്ട് ഉമ്മര് പാണ്ടികശാല ഉദ്ഘാടനം ചെയ്തു. സ്വാമി ആത്മദാസ് യമി, അബ്ദുസദ് പൂക്കോട്ടൂര്, കടമേരി ബാലകൃഷ്ണന്, സോമന് കരുവാണ്ടി, സത്യന് മൊകേരി, കെ.ടി അബ്ദുറഹിമാന്, രാംദാസ് മണലേരി, പി.എം അബൂബക്കര് മാസ്റ്റര്, ഹാഫിസ് മുഹമ്മദ് സംസാരിച്ചു. കുഞ്ഞബ്ദുല്ല പുല്ലാറോട്ട് സ്വാഗതവും മന്സൂര് എടവലത്ത് നന്ദിയും പറഞ്ഞു. സംഗമത്തോടനുബന്ധിച്ച് പുറത്തിറക്കിയ പ്രത്യേക പതിപ്പ് മുസ്ലിംലീഗ് ജില്ലാ വൈസ് പ്രസിഡണ്ട് പി അമ്മത് മാസ്റ്റര് നൊച്ചാട്ട് കുഞ്ഞബ്ദുല്ലക്ക് നല്കി പ്രകാശനം ചെയ്തു.
കുടുംബ സംഗമം വനിതാ ലീഗ് നേതാവ് ജയന്തി രാജന് ഉദ്ഘാടനം ചെയ്തു. എം.എം നഷീദ ടീച്ചര് അധ്യക്ഷത വഹിച്ചു. ഷറഫുന്നിസ ടീച്ചര്, മുഫീദ, തയ്യില് ആസ്യ ടീച്ചര്, റസിയ വെളളിലാട്ട്, കൗല ഗഫൂര്, സൈനബ, നസീമ ടീച്ചര് തുടങ്ങിയവര് സംസാരിച്ചു. സാജിദ ടീച്ചര് സ്വാഗതവും ഹാരിസ് മുറിച്ചാണ്ടി നന്ദിയും പറഞ്ഞു.
