Rangachetana

23/07/2025

നാടകാചാര്യൻ രത്തൻ തിയ്യം അരങ്ങൊഴിഞ്ഞു 🙏ആദരാഞ്ജലി🙏രംഗചേതനയുടെ 25-ാം വാർഷികത്തിൽ നാടകസംഘവുമായി (Nine Hills One valley) എത്തി തൃശൂർ ജില്ലയുടെ ആദ്യത്തെ ദേശീയ നാടകോത്സവം 2006 Feb1ന് റിജിയണൽ തിയ്യറ്ററിൽ ഉദ്ഘാടനം നിർവ്വഹിച്ച് അവിസ്മരണിയമാക്കിയ നാടകാചാര്യൻ രത്തൻ തിയ്യത്തിന്🌹പ്രണാമം🌹
മണിപ്പൂരിൽ ജനിച്ച അദ്ദേഹം, 1970 കളിൽ ആരംഭിച്ച ഇന്ത്യൻ നാടകവേദിയുടെ തനിമ തേടിയുള്ള (Root) പ്രസ്ഥാനത്തിലെ പ്രമുഖ വ്യക്താക്കളിൽ ഒരാളായിരുന്നു. Feb 1ന്
തിയാം നെമൈ എന്നും അറിയപ്പെടുന്ന രത്തൻ തിയാം, പുരാതന ഇന്ത്യൻ നാടക പാരമ്പര്യങ്ങളും രൂപങ്ങളും സമകാലിക സാഹചര്യത്തിൽ ഉപയോഗിക്കുന്ന നാടകങ്ങൾ എഴുതുന്നതിനും അവതരിപ്പിക്കുന്നതിനും പേരുകേട്ട കലാകാരനായിരുന്നു .
ചിത്രകാരൻ, സംവിധായകൻ, നാടക രൂപകൽപ്പന, തിരക്കഥ, സംഗീതം എന്നിവയിൽ പ്രാവീണ്യമുള്ളവനായ തിയാം, ഇന്ത്യൻ ആധുനിക നാടക ഗുരുക്കന്മാരിൽ ഒരാളായി കണക്കാക്കപ്പെടുന്നു.
1948 ജനുവരി 20-ന് ജനിച്ച അദ്ദേഹം 78-ാം വയസ്സിൽ ഇന്ന് - 2025 ജൂലൈ 23 ന് - രാവിലെ അന്തരിച്ചു.
2013 മുതൽ 2017 വരെ പ്രശസ്തമായ ദില്ലി നാഷണൽ സ്കൂൾ ഓഫ് ഡ്രാമയുടെ (NSD) ചെയർപേഴ്‌സണായി അദ്ദേഹം പ്രവർത്തിച്ചു. എൻ‌എസ്‌ഡിയിൽ ചേരുന്നതിന് മുമ്പ് അദ്ദേഹം കേന്ദ്രസംഗീത നാടക അക്കാദമിയുടെ വൈസ് ചെയർമാനായും പ്രവർത്തിച്ചിട്ടുണ്ട്. 1987 മുതൽ 1989 വരെ നാഷണൽ സ്കൂൾ ഓഫ് ഡ്രാമയുടെ ഡയറക്ടറായും അദ്ദേഹം പ്രവർത്തിച്ചിട്ടുണ്ട്. ആദിവാസി ജനവിഭാഗങ്ങളെ ചേർത്ത് പിടിച്ചു കൊണ്ട് ഗ്രാമങ്ങളിൽ കൃഷിയും നാടകവും ഒരുമിച്ച് കൊണ്ടുപോകുന്നതിന് സാധ്യമാകുന്ന വിധത്തിൽ നാട പ്രവർത്തനത്തിന് നേതൃത്വം നൽകി.
1976 ൽ മണിപ്പൂരിലെ ആ ഇംഫാലിന്റെ പ്രാന്തപ്രദേശത്ത് രൂപീകരിച്ച കോറസ് റപ്പോർട്ടറി തിയേറ്ററിന്റെ സ്ഥാപക - സംവിധായകൻ കൂടിയായിരുന്നു അദ്ദേഹം.
1987 ൽ ഇന്ത്യയുടെ നാഷണൽ അക്കാദമി ഫോർ മ്യൂസിക്, ഡാൻസ് ആൻഡ് ഡ്രാമയായ സംഗീത നാടക അക്കാദമി നൽകുന്ന സംഗീത നാടക അക്കാദമി അവാർഡും 1989 ൽ ഇന്ത്യാ ഗവൺമെന്റ് നൽകുന്ന പത്മശ്രീയും അദ്ദേഹത്തിന് ലഭിച്ചു . ഇന്ത്യയുടെ നാഷണൽ അക്കാദമി ഫോർ മ്യൂസിക്, ഡാൻസ്, ഡ്രാമയായ സംഗീത നാടക അക്കാദമി നൽകുന്ന പെർഫോമിംഗ് ആർട്‌സിലെ ഏറ്റവും ഉയർന്ന ബഹുമതിയായ 2012 ലെ സംഗീത നാടക അക്കാദമി ഫെലോഷിപ്പ് അദ്ദേഹത്തിന് ലഭിച്ചു . 2013-ൽ, സിൽച്ചാറിലെ അസം സർവകലാശാലയിൽ നിന്ന് രത്തൻ തിയാമിന് ഓണററി ഡി.ലിറ്റ് ലഭിച്ചു.
കവിതാ ജോഷിയും മാലതി റാവുവും ചേർന്ന് 2003-ൽ പുറത്തിറക്കിയ 'സം റൂട്ട്സ് ഗ്രോ അപ്‌വേർഡ്സ്' എന്ന ഡോക്യുമെന്ററി രത്തൻ തിയാമിന്റെ ജീവിതത്തെയും പ്രവർത്തനങ്ങളെയും, പ്രത്യേകിച്ച് അദ്ദേഹത്തിന്റെ രാഷ്ട്രീയ പ്രത്യയശാസ്ത്രങ്ങളെയും, രാഷ്ട്രീയ പ്രതിഷേധ മാധ്യമമായി നാടകത്തെ ഉപയോഗിച്ചതിനെയും അടിസ്ഥാനമാക്കിയുള്ളതാണ്.

19/07/2025

14/07/2025

ഇതാ...ആ ധിക്കാരിയുടെ കാതൽ...

പ്രശസ്ത നാടകകൃത്തും സാഹിത്യ നിരൂപകനുമായിരുന്ന സി.ജെ. തോമസ് ഓർമ്മ ദിനം 🌹🙏 പ്രണാമം🙏🌹

(നവംബർ 14, 1918 - ജൂലൈ 14, 1960)

മുഴുവൻ പേര് ചൊള്ളമ്പേൽ യോഹന്നാൻ തോമസ്.

മലയാള നാടകസാഹിത്യത്തെ ആധുനിക ഘട്ടത്തിലെത്തിക്കുന്നതിൽ നിർണായക പങ്കു് വഹിച്ച ഇദ്ദേഹം പത്രപ്രവർത്തകൻ, ചിത്രകാരൻ എന്നീ നിലകളിലും അറിയപ്പെട്ടിരുന്നു.

1918–ൽ കൂത്താട്ടുകുളത്തെ പ്രമുഖ ക്രിസ്തീയ വൈദികന്റെ മകനായി ജനിച്ച സിജെ വൈദിക വിദ്യാർത്ഥിയായിരിയ്ക്കുന്ന സമയത്തു് ളോഹ ഉപേക്ഷിച്ചു് തിരിച്ചുപോന്ന് വിപ്ലവം സൃഷ്ടിച്ചു. രണ്ട് വർഷക്കാലം വടകര സെന്റ് ജോൺസ് ഹൈസ്കൂളിലും തുടർ‍ന്നു് എം. പി. പോൾസ് കോളേജിലും അധ്യാപകനായി ജോലിനോക്കിയിരുന്ന അദ്ദേഹം പിന്നീടു് അവസാനം വരെ പത്രപ്രവർ‍ത്തനരംഗത്തു് സജീവമായിരുന്നു. സാഹിത്യ പ്രവർത്തക സഹകരണസംഘം, ആകാശവാണി, ദക്ഷിണഭാഷാ ബുക്ക് ട്രസ്റ്റ് എന്നിവയിലും പ്രവർ‍ത്തിച്ചു.

സാഹിത്യ പ്രവർത്തക സഹകരണസംഘം വക പുസ്തകങ്ങളുടെ പുറംചട്ടകൾക്ക് അത്യധികം ആകർഷകങ്ങളായ ചിത്രങ്ങൾ വരച്ചു് മലയാള പുസ്തകങ്ങളുടെ പുറംചട്ട രൂപകല്പനയുടെ രംഗത്തു് മാറ്റങ്ങളുടെ തുടക്കം കുറിച്ചതു് സിജെയാണു്.

പ്രസിദ്ധ സാഹിത്യകാരനായിരുന്ന എം.പി. പോളിന്റെ മൂത്ത പുത്രി റോസിയെയാണ് വിവാഹം ചെയ്തതു്. റോസി തോമസ് സിജെയുടെ മരണശേഷം അറിയപ്പെടുന്ന സാഹിത്യകാരിയായി.

പ്രശസ്ത കവയിത്രി മേരി ജോൺ കൂത്താട്ടുകുളം സി.ജെ. തോമസിന്റെ മൂത്ത സഹോദരിയാണു്. കേരളത്തിലെ സ്വതന്ത്ര ചിന്തകരുടെ മുൻ‍നിരയിൽ സ്ഥാനമുറപ്പിച്ചിരുന്ന ധിഷണയുടെ ഹിമഗിരിശൃംഗമായിരു‍ന്നു സിജെയെന്നാണു് സുകുമാർ അഴീക്കോടു് അഭിപ്രായപ്പെട്ടിട്ടുള്ളതു്.

1960 ജൂലൈ 14-ന്‌ 42-ആം വയസ്സിൽ സി.ജെ. അന്തരിച്ചു.

14/07/2025

മലയാള നാടകവേദിയിലെ പ്രഫഷണൽ നാടകരംഗത്തും അമേച്ചർ നാടകവേദിയിലും കാതലായ മാറ്റം വരുത്തുന്നതിനായ് നാടകരചയിതാവ് നടൻ സംവിധായകൻ അദ്ധ്യാപകൻ സംഘാടകൻ എന്നി നിലകളിൽ അക്ഷീണം പ്രയന്തിച്ച പ്രിയ ഗുരുനാഥൻ PK വേണുകുട്ടൻ നായരുടെ 94-ാം ജന്മദിനം...... മലയാള ആധുനിക നാടകവേദി സാറിൻ്റെ പ്രവർത്തനഫലമായി ഏറെ മുന്നോട്ട് പോകുവാനുള്ള ഊർജം കൈവരിച്ചിട്ടുണ്ട്.ആ പ്രവർത്തനങ്ങളെ മാനിച്ചു കൊണ്ട് രംഗചേതന നാടക പുരസ്കാരം നൽകി പ്രിയ ഗുരുവിനെ ആദരിയ്ക്കുവാൻ ഞങ്ങൾക്ക് കഴിഞ്ഞിട്ടുണ്ട്. എല്ലാകാലത്തും സാറ് രംഗചേതനയ്ക്കൊപ്പം നിന്നീട്ടുണ്ട്... വേണുക്കുട്ടൻ സാറിനൊപ്പം രംഗചേതനയും നല്ല ഓർമ്മകളിൽ പ്രണാമം♥️🙏
🌹🙏🌹🙏🌹🙏🌹🙏🌹🙏🌹🙏🌹🙏🌹

11/07/2025

കുട്ടികൾ നാടകം സന്തോഷത്തോടെ സ്വീകരിയ്ക്കുന്നത് അവർക്കിടയിൽ ഒരു ചങ്ങാതിയായി നടനായി കൂടെ ചേർന്ന് നിന്ന് അനുഭവിയ്ക്കുമ്പോൾ 40 മിനിറ്റ് അവതരണത്തിന് വേണ്ടി തയ്യാറാക്കിയ നാടകം ഒരു മണിക്കൂർ നീണ്ടുപോകുന്നതൊന്നും ഒരു വിഷയമാകുന്നില്ല. കളിച്ച എനിയ്ക്കും കൂടെ ചേർന്ന കൂട്ടുകാർക്കും സന്തോഷം. ❤️👍 കഴിഞ്ഞ 3 അവതരണങ്ങളും മറ്റ് അവതരണങ്ങളിൽ സംഭവിച്ചതുപോലെ കുട്ടികളുടെ ഭാഗത്തുനിന്നുള്ള പങ്കാളിത്തം കൊണ്ട് നാടകം ഗംഭീരമാക്കി രംഗചേതനയുടെ ലഹരി വിരുദ്ധ നാടക യാത്ര തുടരുകയാണ്. രണ്ട് അവതരണങ്ങൾ കൊല്ലം ജില്ലയിലെ NVUP സ്കൂൾ വയലയിലായിരുന്നു എൻ്റെ പ്രിയ ഗുരുനാഥൻ ഡോ: വയലാ വാസുദേവൻ പിള്ള സാർ ആദ്യവിദ്യാർത്ഥിയായി തുടങ്ങിയ വിദ്യാലയമാണ് NVUP സ്കൂൾ..
മൂന്നാമത്തെ അവതരണം എൻ്റെ നാട്ടിലെ കുട്ടികളോടൊപ്പം ഞാൻ പഠിച്ച വിദ്യാലയത്തിലായിരുന്നു. സെൻ്റ് അലോഷ്യസ് HS എൽത്തുരുത്ത്. ചിത്രങ്ങൾ fb യിലെ ചങ്ങാതിമാർക്കായി പങ്കുവെയ്ക്കുന്നു. നാടകത്തിന് സഹായികളായി എൻ്റെ ജീവിത പങ്കാളി വിനി വി.വി.യും മകൻ അച്ചു കെ.ജിയും കൂടെയുണ്ട്. "ജീവിതം ലഹരി " എന്ന നാടകം കളിയ്ക്കാൻ ആഗ്രഹിയ്ക്കുന്നവർ 9447114276 Ganesh Kv എന്ന നമ്പറിൽ വിളിയ്ക്കുമല്ലേ... സ്നേഹത്തോടെ നിങ്ങളുട ചങ്ങാതി കെ.വി ഗണേഷ്❤️🙏
നന്ദി..... NVUP സ്കൂൾ വയല കൊല്ലം.
സെൻ്റ് അലോഷ്യസ് ഓൾഡ് സ്റ്റുഡന്റ്സ് അസോസിയേഷൻ .എൽത്തുരുത്ത് തൃശൂർ '
്് സ്നേഹാഭിവാദ്യം .......♥️🌹

04/07/2025

🙏രംഗചേതനയുടെ പ്രിയപ്പെട്ട ഗുരുനാഥൻ, മലയാള നാടകവേദിയ്ക്ക് ആധുനിക രംഗഭാഷ സൃഷ്ടിച്ചെടുക്കുവാൻ കേരളമാകെ തൻ്റെ പ്രവർത്തന മേഖലയാക്കി നാടകവേദിയെ പുതുക്കിയെടുത്ത പ്രിയ ഗുരുവിൻ്റെ ജന്മദിനം. രാമാനുജം സാറിൻ്റെ സ്നേഹം നിറഞ്ഞ ഓർമ്മകൾ തന്നെ രംഗചേതനയ്ക്ക് നാടകപ്രവർത്തനത്തിന് വലിയ ഊർജ്ജമാണ് പകർന്നു നൽകുന്നത്. എന്നും ഞങ്ങളോടൊപ്പം ഉണ്ടെന്നൊരു തോന്നൽ മുന്നോട്ട് നടത്തുന്നു. പ്രണാമം♥️♥️♥️

29/06/2025

കൊല്ലം ജില്ലയിലെ വയല NV UP സ്കൂളിൽ രംഗചേതനയുടെ ലഹരി വിരുദ്ധ നാടക യാത്ര ജൂൺ 30 തിങ്കൾ കാലത്ത് 10 മണിയ്ക്ക് "ജീവിതം ലഹരി " എന്ന ഏകപാത്ര നാടകം അവതരിപ്പിയ്ക്കുന്നു. 🙏♥️ രംഗചേതനയുടെ പ്രിയ ഗുരുനാഥൻ ഡോ: വയലാ വാസുദേവൻ പിള്ള സാറിൻ്റെ ജന്മദേശത്തിൽ അദ്ദേഹം പഠിച്ച വിദ്യലയത്തിൽ നാടകം അവതിരിപ്പിയ്ക്കുന്നതിൽ രംഗചേതനയ്ക്ക് ഏറെ സന്തേഷവും അഭിമാനവുമുണ്ട്♥️♥️.. ലഹിരിയ്ക്കെതിരെയുള്ള നാടകയാത്ര തൃശൂർ ജില്ലയ്ക്ക് പുറത്ത് നടക്കുന്ന ആദ്യവതരണമാണ് ഇത്.. വിദ്യാലയങ്ങൾ ആവശ്യപ്പെടുന്നതിന് അനുസരിച്ച് എവിടെയും അവതരിപ്പിയ്ക്കാവുന്ന രീതിയിലാണ് നാടകം രൂപകല്പന ചെയ്തീട്ടുള്ളത്. 🌹🌹🌹
നാടകം "ജീവിതം ലഹരി " രചനയും സംവിധാനവും നിർവ്വഹിച്ച് അരങ്ങിൽ അവതരിപ്പിയ്ക്കുന്നത് രംഗചേതനയുടെ ആർട്ടിസ്റ്റിക് ഡയറക്ടറായ കെ.വി.ഗണഷ് പിന്നരങ്ങിൽ വി.വി. വിനി, ഫ്രാൻസീസ് ചിറയത്ത്, അച്ചുകെ.ജി.

നാടകത്തിലേയ്ക്ക് .......
കഴിഞ്ഞ ഏപ്രിൽ മെയ് മാസങ്ങളിൽ രംഗചേതന കുട്ടികൾക്ക് വേണ്ടി രണ്ടിടങ്ങളിൽ അവധിക്കാല നാടക കളരി നടത്തിയിരുന്നു. അതിൽ ആദ്യത്തേത് താണിക്കുടം യൂപി സ്കൂളിലെ കുട്ടികൾക്ക് വേണ്ടി തൃശൂർ ജില്ല പഞ്ചായത്തിൻ്റെസമേധം ലിറ്റിൽ തിയ്യറ്ററിൻ്റെ താണിക്കുടം ഗ്രാമീണ വായനശാലയുടെ സഹകരണത്തോടെ നടത്തിയ തുടർപ്രവർത്തനമായിരുന്നു. അവിടെ രുപമെടുത്ത ആശയമാണ് ലഹരി വിരുദ്ധ നാടകമായി തീർന്നത് തുടർന്ന് രംഗചേതന നടത്തിയ ഒരു മാസം നീണ്ടുനിന്ന കളിവെട്ടം 2025(മുടക്കമില്ലാത്ത41-ാം വർഷം) കുട്ടികളുടെ നാടക കളരിയിലും അതെ നാടകം പഠിച്ച് കുട്ടികൾ തെരുവിൽ അവതരിപ്പിച്ചിരുന്നു. ആ ആശയം മറ്റ് കുട്ടികളിലേയ്ക്ക് എത്തിയ്ക്കേണ്ടതുണ്ട് എന്ന അഭിപ്രായത്തെ മാനിച്ചു കൊണ്ടാണ് ഇങ്ങനെ ഒരു നാടക യാത്ര തുടങ്ങുന്നത്. നാടകം പിഠിച്ച് അവതരിപ്പിച്ച കുട്ടികൾ സംഘമായി വിവിധ വിദ്യാലയങ്ങളിലേയ്ക്ക് തുടർച്ചയായി യാത്ര ചെയ്യുവാനുള്ള പരിമിതിയും അധിക സാമ്പത്തിക ചിലവും മറികടക്കുന്നതിനാണ് കുട്ടികളിൽ നിന്ന് രൂപപ്പെടുത്തിയെടുത്ത നാടകത്തെ ഏകപാത്ര നാടകാവതരണമായി ഇപ്പോൾ അവതരിപ്പിയ്ക്കുന്നത്.

പാട്ടും കളിയും അഭിനയവും വർത്തമാനവുമായി അതാതിടങ്ങളിലെ കുട്ടികളെ കൂടി ചേർത്തുവെച്ചു കൊണ്ടാണ് നാടകം രൂപപ്പെടുന്നത്...

കഴിഞ്ഞ 36 വർഷത്തിലധികമായി കുട്ടികളുടെ കൂട്ടുകാരാനായി രംഗചേതനയിൽ നിന്ന് കൊണ്ട് നാട്ടിലാകെ പ്രവർത്തിയ്ക്കുന്ന കെ.വി. ഗണേഷ് തൻ്റെ ജീവിതം കൊണ്ട് ലഹരിയ്ക്കെതിരെ നിൽക്കുന്നവനാണെന്ന് തെളിയിച്ചിട്ടുള്ള നാടക പ്രവർത്തകനാണ്. അതുകൊണ്ട് തന്നൈ അഭിമാനത്തോടെ രംഗചേതന ഈ കാലം ആവശ്യപ്പെടുന്ന ഒരു വിഷയം അത് എത്തേണ്ട ഇടങ്ങളിൽ എത്തിയ്ക്കുവാൻ തയ്യാറായിരിയ്ക്കുന്നു എന്ന് സ്നേഹപൂർവ്വം എല്ലാവരേയും അറിയിയ്ക്കുന്നു. കഴിയാവുന്ന സാമ്പത്തിക സഹായം നൽകികൊണ്ട് അവതരണത്തിനുള്ള അവസരം നിങ്ങൾ സൃഷ്ടിയ്ക്കുമെന്ന ശുഭപ്രതീക്ഷയോടെ
ഈ ട്ടി വർഗ്ഗീസ്
പ്രസിഡണ്ട് രംഗചേതന തൃശൂർ
അവതരണം ആഗ്രഹിയ്ക്കുന്നവർ താഴെയുള്ള നമ്പറിൽ ബന്ധപ്പെടുക 9447114276 Ganesh Kv
സ്നേഹാഭിവാദ്യം❤️🙏

28/06/2025

നാടകകൃത്തും സാമുഹ്യപരിഷ്കർത്താവും സ്വാതന്ത്ര്യ സമര സേനാനിയുമായ ശ്രീ VT ഭട്ടതിരിപ്പാടിൻ്റെ ജീവിതത്തെ പ്രമേയമാക്കി ശ്രീ ED ഡേവീസ് രചന നിർവ്വഹിച്ച് PD പൗലോസ് അരങ്ങിൽ അവതരിപ്പിയ്ക്കുന്ന 'കരിവീട്ടി " എന്ന ഏകപാത്ര നാടകാവതരണത്തിൻ്റെ 100-ാമത് അവതരണം. 🌹❤️🙏
നാടകരചയിതാവിനെയും അഭിനേതാവിനേയും രംഗചേതന ആദരിയ്ക്കുന്നു. ജൂൺ 29 വൈകിട്ട് 5:30 ന് കേരള സംഗീത നാടക അക്കാദമി നാട്യഗൃഹത്തിൽ ഡോ: ധർമ്മരാജ് അടാട്ട് ഉദ്ഘാടനം നിർവ്വഹിയ്ക്കും.ജോൺ തോമസിൻ്റെ അദ്ധ്യക്ഷതയിൽ ചേരുന്ന യോഗത്തിൽ ഡോ: ശശിധരൻ കളത്തിങ്കൽ ചിത്രകാരൻ VS ഗിരീശൻ എന്നിവർ സംസാരിയ്ക്കും ചടങ്ങിലേയ്ക്ക് ഏവർക്കും സ്വാഗതം പ്രവേശനം സൗജന്യം.
സ്നേഹാഭിവാദ്യം♥️🙏🌹

27/06/2025

M.N ശശികുമാർ(കോലഴി )(2020 ജൂൺ 27) നമ്മെ വിട്ടു പിരിഞ്ഞിട്ട് 5 വർഷം പിന്നിടുന്നു. രംഗചേതനയുടെ നാടകങ്ങളിലെ സജീവ സാന്നിദ്ധ്യമായിരുന്ന പ്രിയ കലാകാരൻ്റെ ഓർമ്മകൾക്ക് മുമ്പിൽ പ്രണാമം....രംഗചേതന സൺഡേ തിയ്യറ്റർ 15ാം ബാച്ചിലെ അംഗമായിരുന്നു ശശികുമാർ. നിരവധി നാടകങ്ങളിലൂടെ അരങ്ങിൽ മികച്ച അഭിനയ മുഹൂർത്തങ്ങൾ സൃഷ്ടിച്ചിട്ടുള്ള നടൻ,.നാടക പ്രവർത്തനം എന്നും ആവേശത്തോടെ പ്രണയപൂർവ്വം നിർവ്വഹിച്ചിരുന്ന പ്രിയ കാലകാരൻ തൻ്റെ ജീവിതത്തിൽ രംഗചേതന പ്രവർത്തകരോടൊപ്പം ചേർന്നു നിന്ന നല്ല നാളുകളുടെ സ്മൃതിയിൽ ആദരാഞ്ജലികൾ

26/06/2025

കേരള സാഹിത്യ അക്കാദമി അവാർഡുകൾ നേടിയ മലയാളത്തിൻ്റെ എല്ലാ പ്രതിഭകൾക്കും അഭിനന്ദനങ്ങൾ .... 🌹🌹🌹 നാടകരചനയ്ക്കുള്ള പുരസ്കാരം രംഗചേതനയുടെ സഹയാത്രികൻ പ്രിയ ചങ്ങാതി ശശിധരൻ നടുവിലിന് ലഭിച്ചതിൽ Sasidharan Naduvil ഏറെ സന്തോഷം രംഗചേതനയുടെ സ്നേഹാഭിവാദ്യം❤️🙏

26/06/2025

മലയാള നാടകവേദിയെ ലോക നാടകവേദിയിലെ അരങ്ങുകളിലേയ്ക്കെത്തിച്ച നാടകാചാര്യൻ കാവാലം നാരായണപണിക്കരുടെ ഓർമ്മദിനം🌹🙏 പ്രണാമം🙏🌹 മലയാളത്തിൻ്റെ ആധുനിക നാടക വേദിയെ നവീകരിയ്ക്കുന്നതിൽ നാടക കളരിപ്രസ്ഥാനത്തിലൂടെ തനതുനാടകവേദി രൂപപ്പെടുത്തി കാവാലം നാടക ശൈലി ലോകത്തോളം വളർത്തിയ പ്രിയപ്പെട്ട ഗുരുനാഥൻ ഓർമ്മകളിൽ എന്നും❤️ നാടകകൃത്ത്, കവി, ഗാനരചയിതാവ്, സംവിധായകൻ,‍ സൈദ്ധാന്തികൻ. കേരള സംഗീതനാടക അക്കാദമിയുടെ അദ്ധ്യക്ഷനായും സേവനമനുഷ്ഠിച്ചിട്ടുണ്ട്. 1975-ൽ കേരള സാഹിത്യ അക്കാദമി പുരസ്കാരം നാടകചക്രം എന്ന കൃതിക്ക് ലഭിച്ചു 2007-ൽ പത്മഭൂഷൺ പുരസ്കാരം നല്കി ആദരിച്ചു.2009-ൽ വള്ളത്തോൾ പുരസ്കാരവും ലഭിച്ചു.
മലയാള ആധുനിക നാടക വേദിയുടെ വളർച്ചയ്ക്ക് നൽകിയ പ്രവർത്തനങ്ങൾക്കുള്ള ബഹുമാനസൂചകമായി 2010 മാർച്ച് 27 ലോക നാടക ദിനത്തിൽ "രംഗചേതന നാടക പുരസ്കാരം" നൽകി ആദരിച്ചു.❤️❤️❤️❤️

2016 ജൂൺ 26ന് തന്റെ 88-ആം വയസ്സിൽ മലയാള നാടകവേദിയുടെ പ്രിയ ഗുരുനാഥൻ ജീവിതമാകുന്ന അരങ്ങിൽ നിന്ന് വിടവാങ്ങി.. 🙏🙏🙏🙏🙏🙏🙏🙏🙏🙏🙏🙏🙏🙏🙏

25/06/2025

ജൂൺ 26 വ്യാഴം ലഹിരി വിരുദ്ധ ദിനം. രംഗചേതനയുടെ ലഹരി വിരുദ്ധ നാടകയാത്ര തൃശൂർ ജില്ലയിലെ രണ്ട് വിദ്യാലയങ്ങളിൽ നാടകം അവതരിപ്പിയ്ക്കുന്നു കാലത്ത് 10 മണിയ്ക്ക് സെൻ്റ് അലോഷ്യസ് HS എൽത്തുരുത്ത് ഉച്ചയ്ക്ക് 2 മണിക്ക്ക് VP SNDP.HS കഴിമ്പ്രം.❤️
നാടകം "ജീവിതം ലഹരി " രചനയും സംവിധാനവും നിർവ്വഹിച്ച് അരങ്ങിൽ അവതരിപ്പിയ്ക്കുന്നത് രംഗചേതനയുടെ ആർട്ടിസ്റ്റിക് ഡയറക്ടറായ കെ.വി.ഗണഷ് പിന്നരങ്ങിൽ വി.വി. വിനി, ഫ്രാൻസീസ് ചിറയത്ത്, അച്ചുകെ.ജി.

നാടകത്തിലേയ്ക്ക് .......
കഴിഞ്ഞ ഏപ്രിൽ മെയ് മാസങ്ങളിൽ രംഗചേതന കുട്ടികൾക്ക് വേണ്ടി രണ്ടിടങ്ങളിൽ അവധിക്കാല നാടക കളരി നടത്തിയിരുന്നു. അതിൽ ആദ്യത്തേത് താണിക്കുടം യൂപി സ്കൂളിലെ കുട്ടികൾക്ക് വേണ്ടി തൃശൂർ ജില്ല പഞ്ചായത്തിൻ്റെസമേധം ലിറ്റിൽ തിയ്യറ്ററിൻ്റെ താണിക്കുടം ഗ്രാമീണ വായനശാലയുടെ സഹകരണത്തോടെ നടത്തിയ തുടർപ്രവർത്തനമായിരുന്നു. അവിടെ രുപമെടുത്ത ആശയമാണ് ലഹരി വിരുദ്ധ നാടകമായി തീർന്നത് തുടർന്ന് രംഗചേതന നടത്തിയ ഒരു മാസം നീണ്ടുനിന്ന കളിവെട്ടം 2025(മുടക്കമില്ലാത്ത41-ാം വർഷം) കുട്ടികളുടെ നാടക കളരിയിലും അതെ നാടകം പഠിച്ച് കുട്ടികൾ തെരുവിൽ അവതരിപ്പിച്ചിരുന്നു. ആ ആശയം മറ്റ് കുട്ടികളിലേയ്ക്ക് എത്തിയ്ക്കേണ്ടതുണ്ട് എന്ന അഭിപ്രായത്തെ മാനിച്ചു കൊണ്ടാണ് ഇങ്ങനെ ഒരു നാടക യാത്ര തുടങ്ങുന്നത്. നാടകം പിഠിച്ച് അവതരിപ്പിച്ച കുട്ടികൾ സംഘമായി വിവിധ വിദ്യാലയങ്ങളിലേയ്ക്ക് തുടർച്ചയായി യാത്ര ചെയ്യുവാനുള്ള പരിമിതിയും അധിക സാമ്പത്തിക ചിലവും മറികടക്കുന്നതിനാണ് കുട്ടികളിൽ നിന്ന് രൂപപ്പെടുത്തിയെടുത്ത നാടകത്തെ ഏകപാത്ര നാടകാവതരണമായി ഇപ്പോൾ അവതരിപ്പിയ്ക്കുന്നത്.

പാട്ടും കളിയും അഭിനയവും വർത്തമാനവുമായി അതാതിടങ്ങളിലെ കുട്ടികളെ കൂടി ചേർത്തുവെച്ചു കൊണ്ടാണ് നാടകം രൂപപ്പെടുന്നത്...

കഴിഞ്ഞ 36 വർഷത്തിലധികമായി കുട്ടികളുടെ കൂട്ടുകാരാനായി രംഗചേതനയിൽ നിന്ന് കൊണ്ട് നാട്ടിലാകെ പ്രവർത്തിയ്ക്കുന്ന കെ.വി. ഗണേഷ് തൻ്റെ ജീവിതം കൊണ്ട് ലഹരിയ്ക്കെതിരെ നിൽക്കുന്നവനാണെന്ന് തെളിയിച്ചിട്ടുള്ള നാടക പ്രവർത്തകനാണ്. അതുകൊണ്ട് തന്നൈ അഭിമാനത്തോടെ രംഗചേതന ഈ കാലം ആവശ്യപ്പെടുന്ന ഒരു വിഷയം അത് എത്തേണ്ട ഇടങ്ങളിൽ എത്തിയ്ക്കുവാൻ തയ്യാറായിരിയ്ക്കുന്നു എന്ന് സ്നേഹപൂർവ്വം എല്ലാവരേയും അറിയിയ്ക്കുന്നു. കഴിയാവുന്ന സാമ്പത്തിക സഹായം നൽകികൊണ്ട് അവതരണത്തിനുള്ള അവസരം നിങ്ങൾ സൃഷ്ടിയ്ക്കുമെന്ന ശുഭപ്രതീക്ഷയോടെ
ഈ ട്ടി വർഗ്ഗീസ്
പ്രസിഡണ്ട് രംഗചേതന തൃശൂർ
അവതരണം ആഗ്രഹിയ്ക്കുന്നവർ താഴെയുള്ള നമ്പറിൽ ബന്ധപ്പെടുക 9447114276 Ganesh Kv
സ്നേഹാഭിവാദ്യം❤️🙏
ജൂൺ 30 തിങ്കൾ കൊല്ലം ജില്ലയിലെ വയലയിൽ